Læknablaðið : fylgirit - 01.07.1995, Blaðsíða 8

8
LÆKNABLAÐIÐ 1995; 81
Þakkarorð Ólafs Sigurðssonar
Nú á 60 ára afmæli Læknafélags Akureyrar
þegar ég er sæmdur heiðursfélagatitli þess koma
upp í hugann þessar alkunnu hnyttilegu stökur
eftir Steingrím Thorsteinsson
Orður og titlar úrelt þirig
eins og dœmin sanna,
notast oft sem uppfylling
í eyður verðleikanna.
Með oflofi teygður á eyrum var hann,
svo öll við það sannindi rengdust.
En ekki um einn þumlung hann vaxa þó vann,
það voru aðeins eyrun sem lengdust.
Eg þykist hafa verið mér vel meðvitandi um
eyðurnar í eðlisfari mínu um ævina. Mér hefur
ekki tekist að ráða bót á þeim og hef því orðið að
lifa með þeim fram á þennan dag. Pað er þess
vegna að ég veiti móttöku þessum heiðurstitli
með blönduðum tilfinningum og blandaðri
ánægju og finnst í aðra röndina að fleira verði að
gera en gott þykir. En á hinn bógin finn ég til
ríkrar þakklætiskenndar í garð þeirra kollega
minna sem eru í þessu félagi og þakka þeim heils-
hugar vinsemd þeirra og velvild og þá virðingu
sem þeir hafa sýnt mér, ekki nægilega verðugum
manni með þessari útnefningu, sem mér þykir
vænt um. Undir niðri langar okkur öll til að okkur
sé sýnd virðing. Virðing er lykilorð í samskiptum
okkar við aðra ekki síst við sjúklinga, aldraða og
samstarfsfólk og raunar í umgengni okkar við
hvern sem er háan sem lágan. Að öllu athuguðu
og samanlögðu met é^ þessa veitingu mér til inn-
tektar og ávinnings. Eg drep ekki hendi við sóma
mínum. Ég þakka ykkur.
Á þessari stundu er mér ofarlega í huga minn-
ing Pórodds Jónassonar sem átti að vera hér með
okkur í dag en var hrifinn burt frá okkur fyrir
tímann í dauðans grimmu greipar. Þar féll frá
merkur og mikilhæfur maður og læknir sem vann
mikið gagn sjúklingum sínum, læknafélaginu hér
og læknasamtökunum í landinu til handa. Sökum
óvanalegra hæfileika sinna og eiginleika var hann
prýði og stolt Læknafélags Akureyrar. Ég minnist
hans með virðingu, söknuði og þökk. Ég óska
Læknafélagi Akufeyrar á þessum tímamótum
þess, að það megi framvegis sem hingað til blómg-
ast og eflast, auka sí og æ starfslega menntun
félaga sinna og stuðla að góðum félagsanda innan
vébanda sinna. Ég árna því allra heilla á ókomn-
um árum.
Ólafur Sigurðsson, Anna Björnsdóttir kona Ólafs og Ingvar Þóroddsson.