Sagnir - 01.04.1990, Blaðsíða 94

Eggert Þór Bernharðsson
eftir því sem kostur er. Hvað þetta
snertir eru þeir á réttri braut þótt
enn megi sitthvað bæta. Miðað við
fyrstu árganga ritsins gætir einnig
meira samræmis í því hvernig vísað
er til heimilda síðustu ár og meiri
festa virðist í tæknivinnunni. Að
vísu veldur samsett tilvísana- og
heimildaskrá ýmsum vandkvæð-
um, einkum þegar hún er orðin
löng en framhjá slíku verður ekki
komist ef sú aðferð er notuð á ann-
að borð. Samsett skrá sparar pláss
og vissulega er hver dálkur dýr-
mætur í stuttu tímariti.
I áranna rás hafa „Sagnaritarar"
beitt ýmsum aðferðum í heimilda-
tilvísunum og stundum miður góð-
um. Höfundar afmælisárgangsins
vísa yfirleitt skilmerkilega til heim-
ilda og heildarsamræmi milli greina
í þeim efnum er meira en oftast
áður. Þar gætir vafalaust áhrifa frá
ritstjórninni. Hins vegar þurfa
nemendur að taka sig saman í and-
litinu hvað varðar meðferð á texta
annarra, beinar tilvitnanir. Enn eiga
þeir nokkuð í land með að ná valdi
á þeirri nákvæmni sem þar þarf að
halda í heiðri. Höfundar afmælis-
árgangsins standa sig þó betur en
forverar þeirra árin á undan, í það
minnsta bendir lausleg athugun á
beinum tilvitnunum í 6.-10. árgangi
Sagna til þess. 47 beinar tilvitnanir
úr þessum árgöngum voru valdar
af handahófi til þess að kanna hvort
höfundarnir stæðu sig í stykkinu.
Handahófið var þó ekki algjört.
Pess var nefnilega gætt að efnið
væri aðgengilegt í prentuðum
heimildum og því auðvelt að
„tékka" tilvitnanirnar með tiltölu-
lega lítilli fyrirhöfn. Þær dreifðust
misjafnlega á árgangana og hefðu
kannski þurft að vera fleiri til þess
að úrtakið geti talist marktækt.
Engu að síður gefur niðurstaðan
ákveðnar vísbendingar um vinnu-
brögð nemenda:
Beinar tilvitnanir í Sögnum 1985-89
(6.-10. árg.)
Réttar Rangar
Sagnir 6 7-70% 3-30%
Sagnir 7 3-50% 3-50%
Sagnir 8 2-22% 7-78%
Sagnir 9 2-33% 4-67%
Sagnir 10 10-62% 6-38%
Samtals 24-51% 23-49%
Villurnar voru „misalvarlegar".
Stundum var orðaröð breytt, stund-
um voru orð felld út eða þeim bætt
við án þess að þess væri getið,
stundum var óbein ræða gerð að
beinni tilvitnun, stundum var
merkingu tilvitnaðs texta beinlínis
breytt og þannig má áfram telja.
Alltof oft voru margar villur í stutt-
um tilvitnunum en í slíkum tilvik-
um var það talið sem ein villa og af
þeim sökum voru villurnar í raun
fleiri en niðurstaðan í töflunni gefur
til kynna. Til þess að kanna hvort
höfundar Sagna væru einir á báti
voru athugaðar 37 beinar tilvitnanir
í Sögu og Nýrri sögu á sama tímabili,
en síðarnefnda ritið hóf göngu sína
1987. Niðurstaða þeirrar könnunar
leiddi í ljós að 72% tilvitnana (13) í
Sögu voru réttar en 28% (5) rangar.
63% beinna tilvitnana (12) í Nýrri
sögu voru réttar en 37% (7) rangar.
Það eru því fleiri sem þurfa að at-
huga sinn gang.
Mörg merkisafmæli
Enda þótt ýmislegt megi finna að
afmælisárgangi Sagna stendur hann
að ýmsu leyti framar en þau hefti
sem komið hafa út undangengin ár.
Ritið virðist í stöðugri framför og
aðstandendur þess mega vel una
við árangurinn árið 1989. Efnið er
áhugavert og hefur víðari skírskot-
un en oft áður, útlit og hönnun
blaðsins er með ágætum, tæknileg
atriði hafa verið bætt nokkuð miðað
við fyrri ár þótt enn megi gera betur
og meiri heildarsvipur er yfir ritinu
en oftast áður. Sagnfræðinemar
standa ágætlega undir þeim fyrir-
heitum sem ritstjórnin gefur á bak-
síðu afmælisárgangsins og haldi
þeir áfram á sömu braut þarf ekki
að óttast um framtíð Sagna. Blaðið á
örugglega eftir að eiga mörg merk-
isafmæli.
92 SAGNIR