Sveitarstjórnarmál - 01.02.1982, Blaðsíða 15

Hver einstaklingsíbúð er 28 fermetrar. Aftstaða öll
þykir til fyrirmyndar.
Þrír leikskólar starfa með hálfsdagsvistun fyrir 150
börn og tvö dagheimili með heilsdagsvistun fyrir
liðlega 40 börn. Samt eru biðlistar, þó minni en
víðast hvar.
Bókasafn hefur starfað frá 1964, en flutti í nýtt hús
árið 1972. Útlán eru komin yfir 60.000 á ári.
I grunnskóla eru um 1000 börn. Þar af eru 160 í
nýjum skóla, Grundaskóla, sem enn er í byggingu.
Fjölbrautaskóli tók til starfa haustið 1977 og var
þá með 186 nemendur. Nemendur eru nú 550 auk
100 nemenda í öldungadeild. Skólinn hefur vaxið og
eflzt ótrúlega hratt og er nú einn fjölmennasti fram-
haldsskóli landsins.
Æskulýðsheimilið Arnardalur er starfrækt í
gömlu húsi, sem gert hefur verið upp á undanförn-
um árum. Þar er miðstöð æskulýðsstarfs bæjarins.
Heimilið er vinsælt og vel sótt.
Verzlun
Verzlun er nú tekin að eflast að nýju. Atvinnu-
tækifærum við verzlunarstörf fækkaði frekar en
fjölgaði í heilan áratug fram til ársins 1976, en á
árunum 1977, 1978 og 1979 varð umtalsverð aukn-
ing eða fjölgun úr 103 í 160, sem er aukning um 55%.
Með uppbyggingu í nýjum miðbæ, sem tengist þeim
eldri, eru verzluninni skapaðir framtíðarmöguleikar.
íþróttir og félagslíf
Félagslíf er blómlegt. í bænum starfa á annað
hundrað félög og félagasamtök. Íþróttalíf er öflugt,
og Akranes er þekkt fvrir góða íþróttamenn, sér-
staklega knattspyrnumenn, sundmenn og badmin-
tonmenn, þ. e. hnitmenn.
Iþróttahúsið er hið stærsta utan Reykjavíkur og
var tekið í notkun árið 1976.
Hér er ágætur knattspyrnuvöllur og góður níu-
hola golfvöllur.
Hestamennska hefur aukizt mikið á síðustu árum,
og i uppbyggingu er hesthúsahverfi við Æðarodda,
ásamt aðstöðu fyrir hestamennsku.
Byggöasafniö aö Göröum
Gamla húsið að Görðum var byggt á árunum
1880—1885 og er fyrsta hús á íslandi byggt úr
steinsteypu. Nýja safnhúsið var tekið í notkun í júlí
1974. Séra Jón M. Guðjónsson var aðalhvatamaður
að stofnun safnsins. Safnið er mjög ríkt af munum.
Þar er t. d. kútter Sigurfari, eini kútterinn, sem nú er
í eigu landsmanna, og vonandi tekst að varðveita
hann í upprunalegri mynd sem vitnisburð um
skútuöldina, einhvern merkasta þátt i atvinnusögu
landsmanna.
Verkefni bæjarfélagsins
Stærsta verkefni bæjarfélagsins um þessar mundir
er á sviði orkumála eða á sama sviði og stærsta
verkefnið, sem beið fyrstu bæjarstjórnarinnar.
Hitaveita Akraness og Borgarfjarðar (HAB) var
stofnuð 23. marz 1979. I desember 1981 var hleypt
heitu vatni á fyrstu húsin á Akranesi. Aðveituæðin er
64 km löng og flytur vatn frá Deildartunguhver til
Akraness. Vatnið er nú í byrjun liðlega 70°C, þegar
það kemur til bæjarins, en mun verða 80°C, þegar
farið verður að dæla meira magni. Hitaveitan mun
stuðla að bættri lífsafkomu Akurnesinga og gera
bæinn fýsilegri til búsetu, en auk þess stuðla að
bættum orkubúskap þjóðarinnar. Hafnarmálin eru
sem fyrr stórmál, en segja má, að með nýja grjót-
varnargarðinum hafi hafnarskilyrði fyrst orðið við-
unandi, þótt enn betur þurfi að vinna á þvi sviði.
Vatnsveitan er einnig til meðferðar. Verið er að
setja upp búnað, sem notar útfjólubláa geisla til
eyðingar á gerlum og bakteríum í neyzluvatninu.
Lagning bundins slitlags á götur bæjarins er stór-
verkefni, sem unnið er að, og á sl. 6 árum hefur lengd
bundins slitlags aukizt úr 8 km í 17 km og þó frekar
22 km, ef þjóðvegir innan lögsagnarumdæmisins eru
taldir með. Betur má ef duga skal, og enn á eftir að
leggja bundið slitlag á liðlega 10 km af götum.
I skóla-, heilbrigðis- og umhverfismálum þarf að
gera stórátak. Verkefnin eru mörg, eins og búast má
við í bæjarfélagi, sem býr við fólksfjölgun langt um-
fram landsmeðaltal, en eitt er þeim flestum sameig-
inlegt: Þau eru vaxtarverkir bæjarfélags, sem er í örri
þróun og mótun.
SVEITARSTJÖRNARMÁL