Sveitarstjórnarmál - 01.02.1982, Blaðsíða 40

Gunnar B. Guðmundsson, halnarstjórl, formaöur Hafnasambandsins og Guð-
mundur J. Guðmundsson, alþingismaður og halnarstjórnarmaður í Reykjavík.
ar B. Guðmundsson, bæjarstjórn og
hafnarstjórn Akraneskaupstaðar góð-
ar móttökur og sagði fundi slitið.
Akranesbær skoóaður
Ekið var um Akranes og komið i
íþróttahúsið og í Byggðasafnið að
Görðum. Hvoru tveggja, íþróttahúsið
og byggðasafnið, var rækilega skoðað.
Flestir fóru um borð í kútter Sigur-
fara, sem verið er að færa í uppruna-
legt horf, en kútterinn var smíðaður i
Englandi árið 1885, gerður út frá
Hull til 1897, þá keyptur hingað til
lands og gerður út á handfæraveiðar
frá Reykjavik til 1920, að útgerðar-
menn frá Klakksvik í Færeyjum
keyptu hann og notuðu til ársins
1974, er hann var síðan fyrir atbeina
Kiwanisklúbbsins Þyrils á Akranesi
keyptur handa safninu.
Islenzka járnblendifélagiö
á Grundartanga heimsótt
Til Reykjavíkur var haldið land-
leiðina og komið við hjá íslenzka
járnblendifélaginu hf. á Grundar-
tanga. Þar voru mannvirki skoðuð,
bæði verksmiðjuhús og hafnarmann-
virki. Jón Sigurðsson, framkvæmda-
stjóri íslenzka járnblendifélagsins hf.
útskýrði starfsemi verksmiðjunnar, en
Sigurður Sigurðssen, oddviti Skil-
mannahrepps og formaður stjórnar
Grundartangahafnar og Pétur
Baldursson, flutningastjóri við
Grundartangahöfn, skýrðu frá starf-
semi hafnarinnar ásamt Jóni
Sigurðssyni. Spurt var og svarað um
rekstrarfyrirkomulag hafnarinnar og
aðild sveitarfélaganna að rekstri
hennar.
Islenzka járnblendifélagið hf. bauð
siðan komumönnum til kvöldverðar,
og var hann snæddur í mötuneyti
fyrirtækisins.
Síðan var ekið fyrir Hvalfjörð og til
Reykjavíkur.
34
LJÓÐAÐ Á ÁRSFUNDI
HAFNASAMBANDSINS
Við umræður um grjótvarnargarða á 12. ársfundi
hafnasambandsins kom fram, að erfitt væri víða um land
að afla grjóts, sem fullnægði þeim kröfum, sem gerðar
væru um stærð og styrkleika einstakra steina. M. a. var
bent á, að þennan vanda væri við að etja í Grímsey. Þar
vantaði gott grjót i öldubrjótinn, að sögn Alfreðs Jóns-
sonar, oddvita.
Ólafur Steinar Valdimarsson, skrifstofustjóri í sam-
gönguráðuneytinu, hafði fram að færa tillögu í málinu:
Sérhvert fljótandi far,
sem fer til Alfreðs í var,
skal sem skatt í einn brjót
skaffa jarlinum grjót.
Guðmundur J. Guðmundsson, alþingismaður, hafði orð
á þvi við Alfreð á síðari degi fundarins, að hann myndi
hafa verið kátur kvöldið áður. Alfreð svaraði:
Víst á stundum var ég hálfur
varla þarf slíkt til synda að telja,
en þú ert oftast eins og kálfur.
Verðurðu kannske seinna belja?
Alfreð, oddviti i Grimsey, kvartaði undan því við
hafnamálastjóra, að óréttlát væri skiptingin á kostnaði við
að draga dýpkunarskipið Gretti milli einstakra hafna.
Þannig hefði kostnaður Grimseyinga verið þungbær af því
að þeir hefðu þurft svo langan drátt. Ef til vill ætti
hafnabótasjóður að koma til sögunnar í slikum tilvikum
og létta hafnarsjóðum kostnaðinn.
Kristján Magnússon, sveitarstjóri á Vopnafirði, orðaði
þetta þannig:
Telja verður réttlátt að hafa á þann háttinn
að hafnabótasjóður reyni að milda kostnað þann,
gripi inni í málið og greiði niður dráttinn,
ef gerist hann of langur fyrir pólaroddvitann.
SVEITARSTJÓRNARMAL