Sveitarstjórnarmál - 01.04.1994, Blaðsíða 18

FERÐAMAL
Island — sækjum pað heim!
Ataksverkefni í íslenskri ferðaþjónustu
Samgönguráðuneytið beitir sér í ár
fyrir sérstöku átaksverkefni í ís-
lenskri ferðaþjónustu sem nefnist
„íslandsferð fjölskyldunnar 1994“.
Tilgangur verkefnisins er að hvetja
landsmenn til þess að ferðast um
eigið land á 50. afmælisári lýðveld-
isins og hinu alþjóðlega Ári tjöl-
skyldunnar og að kenna Islendingum
að njóta eigin lands. Áhersla verður
á það lögð í kynningarstarfi og al-
mennum auglýsingum að benda á
alla þá fjölbreyttu möguleika, stóra
sem smáa, er bjóðast til skemmti-
legrar dægradvalar á íslandi. Átakinu
er þannig ætlað að efla íslenska
ferðaþjónustu sem atvinnugrein og
stuðla að því að nýta betur þá aðstöðu
sem ferðamönnum stendur til boða.
„Grunnhugsun átaksins mótast af
þeim fjölbreyttu ferðamöguleikum
sem Island hefur að bjóða,“ segir í
tilkynningu sem Sveitarstjórnarmál-
um hefur borist, „en þema átaksins er
aðeins eitt: Árið 1994 njótum við
lífsins með því að sækja Island
heim.“
Samstarfsverkefni margra
Fjölmargir ólíkir aðilar leggja
hönd á plóginn við að gera þetta
verkefni að landsátaki. Samgöngu-
ráðuneytið, sem er ráðuneyti ferða-
mála, stendur að skipulagningu og
almennu auglýsinga- og kynningar-
starfi en helstu bakhjarlar átaksins
eru Olíufélagið hf. og Mjólkursam-
salan.
Kynningarrit
Meðal verkefna átaksins er að gefa
út í bæklingi upplýsingar sem safnað
Island
__ ^3) Sækjum
þaöheim!
'/.f4oo>JiUk/.tJUN:rnt
Sýnishom af merkjum sem gerð hafa
verið og eiga aö hvetja landsmenn til að
ferðast meira um eigið land.
hefur verið saman um þá atburði sem
á döfinni eru á Islandi á árinu og
verður hann sendur hverju heimili í
landinu. Þannig munu landsmenn
hafa á einum stað í aðgengilegu
formi upplýsingar um hvers konar
atburði og afþreyingu, m.a. á sviði
menningar, lista og útvistar á árinu.
I ritinu verður birt dagskrá listahá-
tíðar í Reykjavík og þjóðhátíðar á
Þingvöllum og sagt frá hestamanna-
mótum og útihátíðum á landinu.
Myndlistarverkefni í skólum
Meðal annarra verkefna átaksins
er myndlistarverkefni nemenda í
grunn- og framhaldsskólum landsins.
Það er unnið í samvinnu við Félag
íslenskra myndlistarkennara og er
eitt hið viðamesta sem átakinu teng-
ist, en þátttakendur í því munu vera
allt að 45-50 þúsund. Því er m.a.
ætlað að endurspegla þá fjölbreytni
sem Island gefur kost á sem ferða-
mannaland. Markmiðið er m.a. að
vekja athygli barna og unglinga á
nánasta umhverfi sínu, landi og sögu.
Síðan verður sett upp farandsýning
með úrvali mynda úr verkefninu, en
verndari þess er forseti Islands, frú
Vigdís Finnbogadóttir. Farandsýning
í tengslum við þetta verkefni verður
opnuð í Ráðhúsi Reykjavíkur hinn
27. maí og er þessi sýning jafnframt
opnunaratriði listahátíðar í Reykja-
vík.
Upplýsingaskilti
Unnið er að hugmyndum um upp-
setningu upplýsingaskilta á sögu-
frægum stöðum víða um land í sam-
starfi við Vegagerð ríkisins og
Þjóðminjasafn Islands. Ráðgert er að
koma upp um það bil 50 skiltum í
þessu skyni. Þau eiga að vera á 4—5
tungumálum.
„Kaupstaöahátíðir"
I bréfi frá Tómasi Guðmundssyni,
framkvæmdastjóra átaksverkefnis-
ins, til Sveitarstjórnarmála, segir
m. a.: „Frá því í júníbyrjun og fram í
september er stefnt að því að halda
n. k. „kaupstaðahátíðir" í hverju
kjördæmi landsins í tengslum við
átakið. Umsjón með þessum hátíðum
verður væntanlega í höndum við-
komandi sveitarfélaga, fyrirtækja og
annarra á hverjum stað en markmið
þeirra er m.a. að vekja athygli á
mannlífi, menningu og ferðaþjónustu
á hverju svæði fyrir sig.
80