Sveitarstjórnarmál - 01.04.1994, Blaðsíða 9

SAMTALIÐ
Nemandi grunnskólans aö starfi í bókasatninu.
Úr skólastarfi i Grindavík. Eirikur Benediktsson kennari leiðbeinir
nemendum.
verki bæjarhafnar í Grindavík innan
þriggja til fjögurra ára. Bæjarsjóður
hefur tekið þátt í að efla starfsemi við
höfnina með því að taka þátt í að
byggja húsnæði fyrir fiskmarkað og að
skapa útgerðinni eðlilegt umhverfi.
Nútíma ísframleiðslufyrirtæki hefur
verið reist á hafnarbakkanum og nú
nýverið tryggði bærinn starfsemi
nótaverkstæðis í sérbyggðu húsi við
hafnarkantinn. Vonandi þrýtur aldrei
þau verkefni sem kalla á framkvæmdir
við höfnina í Grindavík því ef svo færi
þá hætti bærinn þann dag að vera til.“
- Vaxandi bœr hlýtur að verja tals-
verðu fé til gatnagerðar?
„Þegar ég kom hingað fyrir rúmum
áratug voru framundan viðamikil
verkefni við gerð holræsa vítt og breitt
um bæinn. Eins og gefur að skilja við
þær aðstæður sem bærinn er byggður
á, aðallega í hrauni, var það mikið átak
að koma þeim málum í viðunandi horf.
Um leið og þeim framkvæmdum lauk
var hafist handa við gatnagerð og snyrtingu gatna. Nú
má segja að allar götur bæjarins séu lagðar bundnu slit-
lagi og gangstéttar að mestu frágengnar. Grasfletir,
garðar og grjóthleðslur prýða orðið miðbæjarkjamann. í
umhverfismálum hefur þannig verið gert verulegt átak.“
- Hvaðan koma bœnum peningar í allar þessar fram-
kvœmdir?
„Við prentum þá, en þú mátt ekki segja frá því.“
- Hefur árað vel til sjávarins að undanförnu?
„Úthlutun veiðiheimilda hefur farið eftir sömu reglum
Nýja sundlaugin sem vigö var l Grindavik 9. april. Hún er 25 m löng og 12,5 má breidd.
Laugarkeriö, sem fyrirtækiö íslaug flytur inn, er ítalskt. Viö hana er barnalaug meö
svepp og tvær setlaugar svo og vatnsrennibraut. Ormar Þór Guömundsson arkitekt
teiknaöi sundlaugarhúsiö. Ljósm. Björn Birgisson.
hér og annars staðar en lán sveitarfélagsins er að út-
gerðarmönnum og fiskverkendum í bænum hefur tekist
að byggja upp góð og traust fyrirtæki og því hefur þeim
og þar með bænum tekist að halda sínum hlut í því sem
hefur verið úthlutað. Með útsjónarsemi og ráðdeild
hefur tekist að halda fyrirtækjunum í góðum rekstri
miðað við aðstæður.“
- Er þá ekkert atvinnuleysi íGrindavík?
„Jú, því miður er skráð hér atvinnuleysi. Utan há-
vertíðartímabilanna getur skráð atvinnuleysi farið í nær
hundrað manns. En tekjur fólks eru almennt góðar.“
71