Sveitarstjórnarmál - 01.04.1994, Blaðsíða 53
UMHVERFISMÁL
hreinsun reynist nauðsynleg. Einnig
er að finna tímamörk fyrir viðeigandi
hreinsun fyrir fráveitu sem veitt er í
viðkvæman viðtaka og inniheldur
minna en 2.000 persónueiningar og
fráveitu sem veitt er í síður við-
kvæman viðtaka og inniheldur minna
en 10.000 persónueiningar.
Viðeigandi hreinsun er skilgreind
þannig að ávallt skal beita lágmarks-
hreinsun og til viðbótar skal gæða-
markmið viðtaka vera uppfyllt.
Önnur mikilvæg ákvæði í þessum
kafla eru m.a.:
Heilbrigðisnefnd veitir, að höfðu
nánu samráði við Hollustuvemd
ríkisins, leyfi fyrir fráveitum og fyrir
búnaði sem notaður er fyrir hreinsun
og losun á skólpi.
Sveitarstjórnir skulu senda Holl-
ustuvernd ríkisins fyrir 1. júlí 1994
upplýsingar um nýjar og endurbættar
fráveitur sem ætlað er að uppfylla
ákvæði um hreinsun og gæðamark-
mið viðtaka.
Varnir gegn loft- og hávaöa-
mengun
Kafli um varnir gegn hávaða-
mengun er nánast óbreyttur frá fyrri
reglugerð en nokkrar breytingar hafa
orðið á ákvæðum um varnir gegn
loftmengun.
Einkum er um að ræða breytingar
á viðmiðunarmörkum fyrir leyfilega
loftmengun. Öll mörk eru nú strang-
ari en áður nema mánaðarmeðaltal
fyrir fallryk og sólarhringsgildi fyrir
svifryk sem eru þau sömu. Bætt
hefur verið við viðmiðunarmörkum
fyrir blý í andrúmslofti.
Séu mörk núverandi og eldri
reglugerðar borin saman virðast þau
við fyrstu sýn ekki frábrugðin. Það
sem gerir mismuninn er að í eldri
reglugerð var heimilt að fara yfir
mörk þar sem meðaltalstími var
mánuður eða minna í 5% tilfella.
Núverandi reglugerð heimilar hins
vegar aðeins 2% tilfella þegar með-
altalstími er sólarhringur eða minna.
Auk þess er nú ákveðið að þau mörk
sem gilda sem ársmeðaltal skuli
einnig gilda yfir vetrarmánuðina
þegar mengun er að jafnaði hvað
mest.
Beita skal samræmdum aðferðum
við allar sýnatökur og mælingar á
loftmengunarefnum. Aðferðirnar
eru tilgreindar í viðaukum.
Varnir gegn úrgangsmengun
Nokkrar breytingar hafa orðið á
ákvæðum sem varða varnir gegn
mengun af völdum úrgangs.
Sú stefna er mörkuð að ávallt skuli
nota bestu fáanlegu tækni við með-
höndlun úrgangs. Auk þess er sú
stefna mörkuð að draga skuli úr
myndun úrgangs og stuðla að endur-
vinnslu og endurmyndun hans eins
og unnt er.
Allur atvinnurekstur sem með-
höndlar úrgang er leyfisskyldur.
Óbreytt frá fyrri reglugerð er sú
skylda á sveitarstjórnum að sjá um að
rekin sé móttökustöð fyrir úrgang og
ennfremur að sjá um tæmingu á
sorpílátum og flutning á neyslu- og
framleiðsluúrgangi.
Akvæði bætist nú við sem skyldar
sveitarstjórnir til að koma á kerfis-
bundinni tæmingu á seyru úr rotþróm
og úrgangi úr öðrum hreinsivirkjum,
þar sem til fellur lífrænn mengandi/
Úrbóta er viöa þörf við förgun úrgangs.
sóttmengandi úrgangur. Þetta
ákvæði snertir einkum dreifbýlis-
sveitarfélög. Sér í lagi má búast við
að um sé að ræða íþyngjandi ákvæði
fyrir sveitarfélög þar sem mikið er
um sumarhúsabyggðir.
Sérstök ákvæði eru um meðferð
olíuúrgangs og annarra spilliefna.
Skylt er að geyma slíkan úrgang á
tryggilegan hátt og skila til viður-
kennds móttökuaðila. Starfsemi, þar
sem meira magn en 200 lítrar af úr-
gangsolíu falla til á ári, ber að halda
skrá yfir úrganginn. Fyrirtækjum þar
sem spilliefni falla til og fyrirtækjum
sem meðhöndla spilliefni ber einnig
að halda skrá yfir þau. Staðfesting
skal liggja fyrir um hvar og hvernig
spilliefnum er fargað.
Akvæði koma nú einnig inn í
reglugerð um að þeir aðilar, sem
flytja þurfa spilliefni, skuli láta
fylgja farminum ýmsar upplýsingar,
svo sem um magn og gerð, framleið-
anda og móttakanda.
Aðilar sem flytja spilliefni til eða
frá landinu þurfa að veita Hollustu-
vernd ríkisins allar upplýsingar og fá
vottorð stofnunarinnar áður en
flutningur einstakra farma getur átt
sér stað.
Senda skal stofnuninni fyrir 1.
115