Sveitarstjórnarmál - 01.03.1996, Qupperneq 25

UMHVERFISMAL
um starfsemi af þessu tagi. Margir
þátttakendur í Hafnarfírði létu í ljós
sérstakan fögnuð yfir þessu fram-
taki. Hér er rétt að hafa í huga að
þátttakendur voru ekki sérstaklega
valdir í verkefnið og ekki var aug-
lýst sérstaklega eftir áhugasömum
þátttakendum.
Lokaorö
Losun úrgangs er síst minni hér-
lendis en annars staðar í vestrænum,
iðnvæddum ríkjum. Heintildum ber
ekki fyllilega saman um hvert heild-
armagnið sé hér á Islandi en það er
líklega ekki undir 200 þús. tonnum
sem þýðir að hver íbúi losi um 740
kg af úrgangi árlega. Urðunarkostn-
aður þessa magns er um einn millj-
arður króna ef miðað er við urðun-
argjöld Sorpu fyrir heintilissorp en
rösklega 500 milljónir króna ef mið-
að er við urðunargjöld á nýjum urð-
unarstað í Kirkjuferjuhjáleigu í Ölf-
usi. Heimildum ber heldur ekki
saman um hver sé skipting úrgangs
milli heintila og atvinnurekstrar en
að líkindum er heimilisúrgangur
eitthvað um 40%.
Talsverð umræða hefur spunnist
um hugmyndir þess efnis að Island
skapi sér nafn sem land hreinleika
og haldbærrar þróunar. I því sam-
bandi hefur skapast áhugi á að taka
upp nýja hætti í umgengni við úr-
gang, minnka sorp og endurvinna.
Endurvinnsla er ferli sem útheimtir
samhæfingu a.m.k. þriggja aðila í
samfélaginu, þ.e. almennings, at-
vinnulífs og yfirvalda. Ef á skortir
slíka samhæfingu verða tilraunir til
að hefja flokkun og endurvinnslu
árangurslausar. Almenningur, á
heimilum og við störf, þarf að hafa
forsendur til að leggja sitt af mörk-
um. Hér þarf vilja, yfirsýn og pen-
ingalegan hvata, verði því við kom-
ið. Atvinnulífið þarf að leggja sitt af
mörkum í þessu samstarfi og bjóða
þá þjónustu sem nauðsynleg er. At-
vinnulífið þarf að sjálfsögðu að sjá
sér hag í að stunda þessa starfsemi
og þar kemur til kasta yfirvalda að
skapa starfseminni þess háttar
rekstrarumhverfi. Fyrirtækin þurfa
að geta hagnast á því að gera rétt í
umhverfislegu tilliti; að öðrum kosti
munu úrbætur í umhverfismálum,
ekki síst endurvinnsla, ganga við
hækjur.
Verkefnið sem hér er lýst er til-
raun til samhæfingar um leið og ein
ákveðin leið að almennt viður-
kenndu marki er prófuð. Hér gefur
Gámaþjónustan hf. (atvinnulífið)
kost á þjónustu og starfsemi sem er
til framfara í umhverfislegu tilliti.
Ibúamir í Hafnarfirði og stjómendur
og starfsfólk Mata hf. (almenning-
ur) taka fúslega þátt þó svo að
breytingin hafi örlítið og tímabund-
ið rask í för með sér. Rannsókna-
sjóður, Hafnarfjarðarbær og Sorpa
(yfirvöld) styrkja verkefnið hvert á
sinn hátt. A tilraunastigi hefur þessi
samhæfing tekist vonum framar.
Hvort viðskiptalegar forsendur eru
fyrir hendi fer eftir því m.a. hver
eftirspurnin er eftir afurðinni bæði
af hendi einkaaðila og opinberra.
Einnig ræðst það af þeirri stefnu
sem yfirvöld reka varðandi meðferð
úrgangs og hvort umhverfisvænar
aðferðir eigi að njóta þar einhverra
ívilnana. Almenningur er reiðubú-
inn og atvinnulífið líka. Ef vilji er
fyrir hendi hjá hinu opinbera, ríki
og sveitarfélögum, mun jarðgerð
eiga sér framtíð sem sjálfsögð og
eðlileg starfsemi í samfélaginu.
Styrkir
Atvinnuleysistryggingasjóðs til
námskeiðahalds fyrir atvinnulausa
Starfsmenntaráð félagsmálaráðuneytisins auglýsir hér með
eftir umsóknum um styrki til námskeiðahalds fyrir atvinnu-
lausa til skerðingar á biðtíma að afloknu bótatímabili, sbr.
reglur nr. 705/1995 um úthlutun styrkja úr Atvinnuleysis-
tryggingasjóði til endurmenntunar- og starfsþjálfunarnám-
skeiða fyrir atvinnulausa.
Þau námskeið eru styrkhæf, sem skipulögð eru með þarfir
atvinnulausra í huga, annaðhvort atvinnulausra almennt eða
ákveðinna hópa þeirra, og hafa að markmiði að auðvelda
atvinnulausum að fá vinnu. Miðað er við að styrkir séu veitt-
ir vegna námskeiða á tímabilinu 1. september - 31. desember
1996.
Umsóknum skal skilað á sérstökum eyðublöðum til starfs-
menntaráðs á Vinnumálaskrifstofu félagsmálaráðuneytisins,
Suðurlandsbraut 24, fyrir 15. júní 1996.
Félagsmálaráðuneytið