Sveitarstjórnarmál - 01.03.1996, Blaðsíða 55

SAMGÖNGUMÁL
Göngubm yfir
Kringlumýrarbraut
Dr. Ríkharður Kristjánsson, verkfrœðingur,
Línuhönnun hf.
Um miðjan desember var opnuð ný
göngubrú yfir Kringlumýrarbraut. Svo
virðist sem meirihluti borgarbúa hafi beð-
ið eftir þessu því straumur fólks yfir brúna
hefur vart slitnað síðan. A góðviðrisdegi
er meiri umferð fólks eftir brúnni og
aðliggjandi stígum en á Laugaveginum.
Brúin er 100 m löng og þriggja metra
breið. Undirstöður hennar og endar eru úr
steypu en burðarvirki úr stáli. Göngu-
brautin sjálf er úr timbri. Við hönnun brú-
arinnar var fullt tillit tekið til fatlaðra og
er lengdarhalli hvergi yftr 5% og handlist-
ar eru settir í 90 sentímetra hæð. Burðar-
kerft brúarinnar þurfti að taka mið af því
að hægt væri að taka brúna niður til að
hleypa háum flutningi í gegn og er hún
því byggð úr einingum og boltuð saman á
staðnum. Brúin er sett í boga að vestan og
halli stöplanna og háa handriðsins gefur
henni sterk einkenni eins og myndin ber
með sér. Stöplarnir halda aðeins undir
brúna öðrum megin sem gefur henni ein-
kennandi spennu og sérstætt svif. Þetta
svif endurspeglast einnig í bitakerfinu þar
sem lítill biti svífur utan við stærri aðal-
burðarbitann. Hátt handrið öðrum megin
er notað til að veita fólki huglægan stuðn-
ing þegar það gengur yfir brúna með bfia-
umferðina þjótandi undir. Handriðinu er
hallað út til að gefa brúnni aukna breidd.
Studio Granda, arkitektar, unnu að
hönnun brúarinnar með Línuhönnun hf.
og lýsingu hannaði Garðar Lárusson hjá
Rafmagnsveitu Reykjavíkur. Verkkaupi er
Vegagerðin og Reykjavíkurborg. Verktaki
var S.R. Sigurðsson. Stýringu verksins
gagnvart hönnuðum annaðist Gatnamála-
stjórinn í Reykjavík. í forustugrein DV
hefur brúin verið nefnd ein mesta sam-
göngubót á höfuðborgarsvæðinu í seinni
tíð.
Kröftug beygja í vesturenda brúarinnar og hallandi stöplar gefa brúnni sterkt og
óvenjulegt yfirbragö.
Hátt handriö aö noröan veitir fótgangendum öryggi.