Hermes - 01.12.1988, Síða 125

123
Dagbjört Torfadóttir
Tengsl NSS og
Samvinnuhreyfingarinnar
ar sem Samvinnuskólinn er afsprengi samvinnuhreyfing-
arinnar gefur það auga leið að mikil tengsl hafa ávallt
verið þeirra á milli. Fólk sem tengst hefur samvinnu-
hreyfingunni vítt og breitt um landið hefur gjarnan farið í
skólann. I fyrstu voru nemendur valdir með inntökuprófi og
síðar eftir prófum úr öðrum skólum og nokkrir eftir meðmæl-
um kaupfélaganna.
f>eir sem komust inn, einvörðungu vegna góðra einkunna
komu hvaðanæva úr þjóðfélaginu. Það hefur því gjarnan verið
nokkuð mismunandi viðhorf sem nemendur hafa haft til þess
umhverfis, sem skólinn er sprottinn úr og hefur þá starf þeirra
er úr skóla kom einnig haft mótandi áhrif á þetta viðhorf. Það
þótti því forvitnilegt að heyra álit einhverra Bifröstunga á þess-
um tengslum. NSS er aðili að Hamragörðum, félagsheimili
samvinnumanna, og orlofshús NSS er að Bifröst meðal orlofs-
húsa starfsmanna samvinnuhreyfingarinnar. í þessum tilvikum
er samvinna um rekstur með öðrum félögum innan hreyfingar-
innar.
Leitað var til nokkurra aðila um álit á þessu efni, án þess að
um neina marktæka könnun væri að ræða. Menn voru fúsir að
tjá sig en aðeins einn svaraði skriflega.
Fólk hafði þannig ýmislegt um þetta að segja.
Rúmlega fimmtugur Samvinnuskólamaður vildi ekki að
fjallað væri um þetta efni og spurði af hverju verið væri að hella
olíu á eld. Annar nokkru yngri, athafnamaður í einkarekstri
hafði ákveðna skoðun, sem sé þá að tengslin væru alltof mikil,
hann hafði hinsvegar ekki tíma til að tjá sig á pappír. Bifröst-
ungur á fertugsaldri hjá kaupfélagi utan Reykjavíkur sagðist
ekki geta tjáð sig um þetta mál, þar sem hann hefði aldrei starf-
að í Reykjavík og vissi því ekki hvort þessi tengsl væru til eða
ekki. Nýútskrifaður Bifröstungur ætlaði að fjalla um efnið en
treysti sér svo ekki til þess þegar til átti að taka.
Árni Reynisson útskr. 1961, var tilbúinn að tjá sig um þetta, og
sagði að auðvitað væru einhver tengsl og ekkert við það að at-
huga, hinsvegar ætti Nemendasambandið sem félag, ekki að
taka afstöðu með eða móti mismunandi hugmyndum um
starfshætti í þjóðfélaginu, þar sem félagar innan þess aðhylltust
mismunandi sjónarmið og störfuðu á ólíkum vettvangi.
Kristján Óli Hjaltason útskr. 1961, tjáði sig skriflega og fer svar
hans hér á eftir.
Svar mitt við spurningunni, hvort rétt sé að tengja NSS við
Samvinnuskólann og Samvinnuhreyfinguna þótt stór hluti fé-
lagsmanna starfi á öðrum vettvangi og oft í harðri samkeppni
við Samvinnuhreyfinguna, er-játandi.
Rökstuðningur minn fyrir játandi svari er:
Samvinnuhreyfingin og Samvinnuskólinn verða ekki slitin í
sundur, hvort heldur við lítum til fortíðar, nútíðar, eða næstu
framtíðar. Við sem sátum skólann eigum rætur í því munstri
sem skólinn var á hverjum tíma og þá tengdur Samvinnu-
hreyfingunni og hugsjónum hennar. Nemendasambandið hef-
ur frá upphafi verið tengt hreyfingunni og skólanum á þann
máta sem vel hefur farið á.
Við sem stöndum utan hreyfingarinnar á einhvern hátt, og
sum í harðri samkeppni, eigum að líta á NSS sem félagsskap
vina og kunningja sem eru yfir það hafnir að láta dægurmál, svo
sem viðskiptalega samkeppni eða mismunandi áherslur í póli-
tík, hafa áhrif á það hvernig umgjörð er um NSS.
Við, sem sátum skólann fyrir mörgum árum, höldum mis-
jafnlega fast í tengsl okkar við NSS og það umhverfi sem félag
okkar hefur þrifist í. í öll þau skipti sem ég hefi tengst NSS, á
bekkjarfundum eða við önnur tilefni, þykir mér gott að koma
í Hamragarða eða á annan þann vettvang þar sem nafn skóla
okkar er nefnt eða ritað.
Tengslin eru og eiga að vera sterk.
Bragi Ragnarsson. Útskr. 1962. Hefur
unnid við skrifstofustörf og við þróun-
araðstoð í Afríku. Grár morgunn var
prentað í 1. tbl. Hermesar 1964.
Bragi Ragnarsson
Grár morgunn
Hraustlega smiðirnir hamra og berja
heilasellurnar kreista og merja,
negla og lemja og sarga og saga,
svo að mig verkjar niður í maga.
Veginn til gœfu er vandi að rata
víni og œru er ég búinn að glata.
Bakkus mig oftlega blindar á kvöldin
blekkir mig illa og reynir að plata.
Núna fer maklegur mórall með völdin
af minningum teyga ég syndagjöldin.