Hermes - 01.12.1988, Page 154

152
veislu hjá einni bekkjarsystur okkar og á morgun verðum við
að vakna kl. 9 (sunnudagur) og lesa undir rekstrarhagfræðipróf
(næstum eintómar tölur). Dásamleg tilhugsun! Hið eina góða
er að nú hef ég lyklavöldin að plötuspilara skólans (þeir geta
það, þessir karlar!) og ætla að spila nokkrar óratoríur og fúgur
áður en ég dembi mér í tölurnar . . .
8/4, sama ár . . Sverrir (sem hafði verið með pabba til sjós)
biður að heilsa, hann var að segja okkur frá Batum ... Eg er að
lesa skruddu, sem heitir Fallandi gengi, eftir Eric Maria Rem-
arque. . . Nú er listkynningin búin og tókst hún vel. Auk nem-
enda, kennara og starfsliðs var mætt fólk úr héraðinu. Með því
að bjóða sveitafólkinu vill skólastjórinn leggja lítinn skerf til
menningarauka, sveitinni til handa, að eigin sögn. . þín Töch-
terlein Rannveig.
.. Bifröst,20. febr. 1963. Sæll pabbi minn! Alúðarþakkirfyr-
ir bréfið. Þú endaðir bréf þitt á: „Trúðu á tvennt í heimi“
o.s.frv. Þetta er og verður fagur boðskapur, en hann bergmálar
ekki í mínu hjarta. Ég hef hvorki fundið þennan guð né annan.
Ef til vill finn ég hann með ellinni!. . . . Þú virðist vera hraust-
byggðari maður en dótturmyndin þín, a.m.k. væri það mitt síð-
asta verk að fara á fætur kl. 5.15. Nógu erfitt er að vakna kl.
7.25, en þá erum við vakin með hrollvekjandi glymjanda, sem
kemur allur út úr lítilli meinleysislegri bjöllu. .
Satt best að segja erum við Margrét hreint að brjálast úr inni-
lokunarkennd. Þetta er aðeins vegna þess að við erum ungar,
óþolinmóðar, getum ekki alltaf lagað okkur eftir aðstæðum,
viljum gleypa heiminn á einu andartaki. Stundum setjumst við
á tvo steina úti í hrauni, styðjum höndum undir kinnar og reyn-
um að hugsa þannig, að um leiðindi verði ekki að ræða. Ég
hljóp yfir eitt atriði: nýjungagirnina. Nú höfum við verið hér
það lengi, að við vitum yfirleitt við hverju er að búast á
morgun, hvað er þá eftir til að hlakka til? Kannski þessi marg-
umtöluðu fullorðinsár, sem virðast ekki vera sérlega vinsæl af
þeim, sem eru á þeim. Við erum að vakna. Ekki getum við tal-
ist hugsandi verur, fremur ætti að flokka okkur undir hausinn:
Svefnfarar. Við líðum um ganga, stofur, vegi; í móki. Alltaf
sjáum við þó eitthvað nýtt í kringum okkur, en í augum reynds
manns hljótum við að vera sem blindir kettlingar. Hér erum við
oft ávörpuð af gestum og jafnvel kennurum: verðandi verslun-
armenn, verðandi samvinnumenn, verðandi kaupfélagsstjórar
o.s.frv. Aldrei: verðandi menn. . . Þetta bréf á ekkert erindi í
póst, en ég set það samt - ætti að rita hvatningarorð í sambandi
við fiskveiðar. Gangi þér allt í haginn, bestu kveðjur, pabbi
minn, frá Rannveigu.“
15.11.’88. Það þarf náttúrlega ekki að orðlengja það að við
bekkjarsysturnar og herbergisfélagar sitt hvort árið; ég, Magga
og Tóta (Margrét Helgadóttir og Þórunn Matthíasdóttir
Bigler) fórum til útlanda til vinnu og náms strax að loknum
vorprófum í maí 1963. Við Tóta vorum samferða sr. Guð-
mundi Sveinssyni til Kaupmannahafnar með þeim gamla dalli
Dronnig Alexandrinu. A leiðinni gerði ofsarok. Einn daginn
var Tóta ein uppistandandi á matmálstíma með áhöfninni,
eitilhress að vanda, við hinir farþegarnir vorum í koju, ljós-her-
mannagræn í framan og héldum okkur í rúmstokkinn til að
velta ekki framúr.
Tóta hefur lítið verið hér á landi síðan, hefur um langt árabil
búið í New York þar sem hún rekur ferðaskrifstofu og af
Möggu frétti ég síðast í Svíþjóð. Mér finnst athyglisvert þegar
ég lít yfir þessi gömlu bréf að ég virðist alltaf hafa verið á leið-
inni til að fara að lesa rekstrarhagfræði, en hef hins vegar lokið
við lestur ýmissa skáldsagna og ljóðabóka af bókasafni
skólans, sem var bara ansi gott.
ER LOFTRÆSIOG KÆLIKERFID í LAGI
MEDAL VERKEFNA Smíði og uppsetning á stjórnbún- aði fyrir loftræsi og kælikerfið. Viðhald og eftirlit með loftræsi og kælikerfum. Úttekt á nýjum loftræsi og kælikerf- um. Smíði á stjórnbúnaði fyrir iðnaðinn. Skilar fjárfesting þín í loftræsi og kælikerfum sér í betra og þægilegra umhverfi, fyrir starfsfólk og vélbúnað. Sóar loftræsi og kælikerfið fjármunum þínum í óþarfa orkukaup, vegna vanstillingar og skorts á viðhaldi? Hafðu samband við okkur og við stillum og lagfærum loftræsi og kælikerf- ið.
m Hitastýring hf Þverholti 15a - Símar 623366 - 29525