Morgunblaðið - Sunnudagur - 19.01.2014, Blaðsíða 18

18 MORGUNBLAÐIÐ SUNNUDAGUR 19.1. 2014
Ferðalög og flakk
V
ínaborg er í huga margra þekkt sem vagga tónlistar og ýmissa
annarra fræða. Þarna gengu meistarar á borð við Mozart, Schu-
bert, Brahms og Strauss-feðgar um götur og sömdu mörg sín
þekktustu verk, Sigmund Freud stundaði þar fræði sín áður en
hann flúði krumlu nasismans, auk þess sem ýmsir aðrir hugsuðir og lista-
menn létu hugann reika eða sóttu innblástur á fjölmörgum kaffihúsum, í
söfnum og öðrum kennileitum þessarar fögru borgar við bakka Dónár.
Vín samanstendur af 23 hverfum, auk nokkurra nærliggjandi svæða
sem til hennar teljast. Í dag eru íbúar hennar um 1,8 milljón talsins. Í
miðju borgarinnar liggur fyrsta hverfi, þar sem mörg af helstu kennileit-
um hennar er að finna. Hringvegurinn Ringstrasse aðgreinir síðan miðj-
una frá hverfum 2-9. Önnur hverfi liggja þar fyrir utan auk vinsælla
kennileita á borð við barokk-höllina Schönbrunn og fleira.
Auk þess að státa af fjölmörgum fögrum fornum byggingum, ekki síst
frá valdatíð Habsborgarakeisaranna, hefur mikil uppbygging átt sér stað í
Vín á síðustu árum. Að sögn Jóhönnu Bryndísar Bjarnadóttur og Finns
Magnússonar, hefur síst dregið úr aðdráttarafli borgarinnar á undan-
förnum árum og hótelum sem og nýbyggingum fjölgað mikið. Þekkja þau
borgina vel en þau bjuggu þar um fimm ára skeið, við nám og störf.
Vín er ekki aðeins ein vinsælasta ráðstefnuborg í heimi nú til dags en
fjölmargar alþjóðastofnanir eru einnig staðsettar þar, s.s. OPEC, ÖSE og
hluti aðalstöðva Sameinuðu þjóðanna. Borgin þykir tiltölulega örugg jafnt
fyrir íbúa sem og ferðamenn. Þá eru almenningssamgöngur þar mjög
góðar, bæði reglulegar, öruggar og ódýrar – hvort sem í hlut eiga stræt-
isvagnar, sporvagnar eða neðanjarðarlestir.
Frá Vín er tiltölulega stutt að landamærum Ungverjalands, Tékklands
og Slóvakíu og stutt í góð skíðasvæði ef svo ber til.
Eitt er víst að fjölmargt er að sjá og gera í Vínarborg – ekki síst hafi
fólk ánægju af menningu, sögu, fögrum arkitektúr, tónlist og fleiru.
MENNING, MATUR OG VERSLUN Í VÍNARBORG
Vín fyllilega
þess virði
HÖFUÐBORG AUSTURRÍKIS STÁTAR AF LITRÍKRI SÖGU.
KEISARAR OG FYRIRFÓLK AF ÆTT HABSBORGARA,
NAPÓLEÓN, NASISTAR, LISTAMENN, HELSTU HUGSUÐIR
OG MEISTARAR TÓNLISTARSÖGUNNAR – BORGIN HEFUR
VERIÐ LEIKVÖLLUR ÞEIRRA ALLRA. HEIMSÓKN ÞANGAÐ
ER SVO SANNARLEGA ÞESS VIRÐI.
Gunnhildur Ásta Guðmundsdóttir gunnhildur@gmail.com
Hringinn í kringum gamla miðbæinn, í fyrsta
hverfi borgarinnar, liggur hringvegurinn
Ringstrasse. Liggur hann þar sem rómverskir
borgarmúrar lágu forðum. Frans Jósef I, keisari
af ætt Habsborgara, lét rífa múrana árið 1858 til
að greiða fyrir frekari útþenslu og uppbyggingu
borgarinnar.
Er tilvalið að taka sér hring með sporvagni eða þar til
ætluðum ferðamannarútum. Þannig fær maður góða yf-
irsýn yfir helstu kennileiti, s.s. ráðhúsið, ríkisóperuna
(Staatsoper), dómhúsið, háskólann, þingið, þjóðleikhúsið
(Burgtheater), kirkjur og glæsilegar hallir og söfn á borð við
keisarahöllina við Hetjutorgið (Heldenplatz), Hofburg, svo
fátt eitt sé nefnt.
HRINGVEGURINN RINGSTRASSE
Hvar ættu vínarvalsarnir að duna dátt, ef
ekki í sjálfri heimaborg Strauss-feðga –
sem þeir gera enn!
Rík hefð er fyrir dansleikjum hvers
konar í Vín enn í dag en um 450 slíkir eru
haldnir ár hvert og eru mikið sjónarspil.
Talað er um janúar og febrúar sem
„dansleikja[ball]-tímabilið“ en þá nær
dansmenningin hámarki.
Á þessum tíma dunar Vínartónlistin í
fjölmörgum veislu- og tónlistarsölum
borgarinnar og eru miðarnir margir afar
eftirsóttir. Þekktustu böllin eru kennd
við veiðimenn, lækna, lögfræðinga og
kaffihúsaeigendur, svo fátt eitt sé nefnt.
Þekktast er þó Óperu-ballið sem er afar
eftirsótt, jafnt hjá einstaklingum sem og
fyrirtækjum. Sýnir austurríska ríkis-
sjónvarpið m.a. beint frá því ár hvert.
VÍNARVALSAR OG -BÖLL Schönbrunn-höllin stendur lítið eitt fyrir utan mið-
borg Vínar, en er vel aðgengileg með almennings-
samgöngum.
Höllin er öll hin glæsilegasta, með fögrum gos-
brunnum og lystigörðum, en hún er á heims-
minjaskrá UNESCO.
Keisaraynjan María Theresa á mesta heiðurinn af
glæsileik svæðisins en hér héldu keisarinn Frans
Jósef I. og kona hans Sisi einnig mikið til. Segja má
að þau hafi verið nokkurs konar „Karl og Díana“
síns tíma, ekki síst Sisi.
Í höllinni er hægt að virða fyrir sér heimkynni
hjónanna auk þess sem þar er líka fágætt safn
hestvagna. Tilvalið er líka að rölta í gler-
skálann Gloriette, uppi á hæð í hall-
argarðinum, þar sem er hið hugguleg-
asta kaffihús á sumrin.
Ekki má gleyma elsta dýragarði í heimi sem er
að finna við Schönbrunn, frá árinu 1752. Þar nýt-
ur pandaunginn Fu Bao sérstakra vinsælda en hann
fæddist í garðinum í ágúst síðastliðnum.
SUMARHÖLL HABSBORGARANNA
Mikið er af fallegum görðum í Vínarborg, sem
borgarbúar nýta sér óspart.
Meðal annars má nefna almenningsgarðinn
Prater í 2. hverfi, sem nýtur mikilla vinsælda.
Stendur hann á landi sem forðum var veiði-
lendur keisarans. Frá 1766 hefur svæðið ver-
ið opið almenningi. Þar er m.a.
ýmis skemmtitæki að finna í
dag, svo sem frægt Parísar-
hjól frá árinu 1897.
Manngerða eyjan í
Dóná, Donauin-
sel, nýtur einn-
ig mikilla vin-
sælda sem
útivistarparadís, þrátt fyrir
að hafa verið umdeild í
upphafi.
FAGRIR GARÐAR