Morgunblaðið - Sunnudagur - 19.01.2014, Blaðsíða 30

30 MORGUNBLAÐIÐ SUNNUDAGUR 19.1. 2014
Matur og drykkir
É
g var oftar en ekki að leita að einhverjum uppskriftum, sem ég var ýmist með í bókum, á
miðum, á Íslandi eða annars staðar, svo ég ákvað bara að hafa þær allar á netinu þar
sem ég gæti alltaf komist í þær,“ segir Soffía um tilurð þess að hún hóf að blogga um
mat og matargerð árið 2008. Bloggsíðunni husidvidsjoinn.wordpress.com heldur hún enn
úti þótt fjölskyldan hafi á endanum flutt heim, eftir búsetu í Kanada, Kaupmannahöfn og Madríd.
Spurð út í áhugann á mat og matargerð segir Soffía hann reyndar ekki hafa byrjað að
blómstra fyrr en hún flutti úr föðurhúsum. „Þá kunni maður nú ekki mikið. En áhuginn vaknaði
og þróaðist frekar eftir því sem maður prófaði sig meira áfram,“ segir hún létt í bragði. Í dag er
það ekki einungis matseldin sem vekur áhuga hennar heldur hefur hún einnig mjög gaman af því
að lesa sér til um hráefni og matvælageirann í heild. „Ég hef líka mikinn áhuga á matnum sem
slíkum, vil vita hvað er í honum og skilja hann,“ bætir hún við. Segist hún t.d. lesa sér töluvert
til um matarpólitík, þ.e. bækur eftir höfunda á borð við Michael Pollan og Michael Moss, sem
predika mikilvægi þess að neytendur séu ekki leiksoppar stóru matvælaframleiðendanna. „Ég er
t.d. nýbúin með bókina Salt Sugar Fat sem snýst um hvernig matvælaiðnaðurinn leitast við að
gera okkur háð þessum efnum í vörunum sínum.
Sjálf segist Soffía gera mikinn hluta af innkaupum sínum í Frú Laugu. Þá er fjölskyldan einn-
ig með matjurtagarð á sumrin auk þess sem þau eru komin með hænur, ásamt verðandi ná-
grönnum sínum. Fjölskyldan stefnir nefnilega á flutning í Hvalfjörðinn innan tíðar þar sem hún
er að byggja.
Soffía gefur hér uppskrift að ljúffengu kjúklinga-cannelloni sem hún segir eina þeirra upp-
skrifta sem hafi orðið henni innblástur að blogginu á sínum tíma. „Þetta er hlýleg, ítölsk máltíð
sem ýmist er hægt að leika sér aðeins með eða fara alveg eftir uppskriftinni. Hún er alls ekkert
subbuleg, bara heiðarleg máltíð – en notið góð hráefni,“ segir hún í lokin.
Morgunblaðið/Rósa Braga
SOFFÍA GUÐRÚN GÍSLADÓTTIR MATARBLOGGARI
Les sér líka til um
matarpólitík
Soffía Guðrún segir áhugann á mat og matargerð hafa fyrst
farið að gera vart við sig eftir að hún flutti að heiman.
Morgunblaðið/Rósa Braga
SEGJA MÁ AÐ FLAKK OG BÚSETA ERLENDIS HAFI ORÐIÐ TIL ÞESS AÐ SOFFÍA GUÐRÚN GÍSLADÓTTIR BYRJAÐI AÐ
BLOGGA UM MAT OG MATARGERÐ ÁRIÐ 2008. AUK ÞESS AÐ VERA EITT HENNAR AÐALÁHUGAMÁL Í DAG HEFUR HÚN
EINNIG MIKINN ÁHUGA Á UPPRUNA OG GÆÐUM MATVÆLA OG LEITAST VIÐ AÐ VANDA SIG VIÐ INNKAUPIN.
Gunnhildur Ásta Guðmundsdóttir gunnhildur@mbl.is
Uppskriftin var upphaflega feng-
in úr bókinni Matreiðslubók Ný-
kaups, að hætti Sigga Hall. Ég hef
hins vegar þróað hana og breytt.
LASAGNAPLÖTUR
300 g hveiti
3 egg
Hrærið hveiti og egg saman í
matvinnsluvél í hálfa mínútu og
síðan aðeins í höndunum (1
mín.)
Rúllið næst út þunnar lasagna-
plötur með pastavél eða með
kökukefli. Ef þið kaupið tilbúnar
pastaplötur þá þurfa þær að
vera ferskar svo hægt sé að rúlla
þeim upp.
FYLLING
2 kjúklingabringur
½ dl rjómi
Lúka af ferskri basilíku
1 egg
1 hvítlauksrif
Salt og pipar (1 tsk. af
hvoru)
Maukið allt ofantalið vel í mat-
vinnsluvél, svo að úr verði kjúk-
lingafars.
TÓMATSÓSA
1 flaska tómatpassata
1-2 skalotlaukar
1 tsk. extra virgin-ólífuolía
Léttsteikið lauk á pönnu í ólífu-
olíu við meðalhita þar til hann
verður mjúkur. Bætið tómat-
passata út í. Þá er sósan tilbúin.
Annað:
Ferskur mossarella (sem
fæst í pokum með vökva)
Ferskt íslenskt spínat
Extra virgin-ólífuolía
Samsetning:
Setjið fyllinguna á lasagnaplötur,
um það bil 4 msk. á hverja plötu.
Rúllið plötunum upp. Setjið
þessu næst tómatsósu í botninn
á eldföstu fati og leggið fylltu la-
sagnaplöturnar ofan á. Penslið
smá af tómatsósunni einnig ofan
á rúllurnar og dreifið vel úr svo
þær verði ekki harðar við eldun.
Stráið síðan rifnum, ferskum
mossarella-osti yfir. Bakið í ofni
við 180° C í hálftíma eða þar til
kjúklingafarsið er örugglega eld-
að. Takið eldfasta mótið úr ofn-
inum og dreifið ferskum, rifnum
mossarella yfir cannelloni-
rúllurnar og setjið aftur inn í ofn
í 5 mínútur eða þar til osturinn
er farinn að bráðna og taka lit.
Berið fram með léttsteiktu
spínati. Léttsteikið spínat í 2-3
msk. af extra virgin-ólífuolíu á
stórri pönnu. Saltið og piprið
(½ - 1 tsk. af hvoru).
Fyrir þá sem ekki borða kjúk-
ling er hægt að skipta honum og
rjóma út fyrir ferskt spínat og
kotasælu. Mælt er með að not-
að sé íslenskt spínat en sumt
spínat í pokum í matvöruversl-
unum er innflutt þótt á pok-
anum sé allt á íslensku. Þá er
einnig lykilatriði að nota ferskan
mossarella en ekki rifinn ost í
pokum og einnig ferska basilíku.
Að endingu er líka nauðsynlegt
að vera með góða, alvöru ólífu-
olíu, keypta í verslun sem þið
getið treyst að selji alvöru ólífu-
olíur.
Cannelone
með kjúklingi