Morgunblaðið - Sunnudagur - 02.02.2014, Blaðsíða 23

2.2. 2014 MORGUNBLAÐIÐ SUNNUDAGUR 23
Í
þróttakempur leynast víða í samfélaginu og
þær eru á ýmsum aldri. Þær eru af öllum
stærðum og gerðum en eiga það sameig-
inlegt að vera í góðu líkamlegu formi.
Kempurnar eru sem betur fer til í að deila
reynslu sinni með okkur og veita okkur góð
ráð. Kempa dagsins er Guðmundur Þór-
arinsson, leikmaður Sarpsborg í Noregi. Guð-
mundur spilaði sinn fyrsta A-landsleik gegn
Svíum fyrir skömmu og hefur vakið athygli
stærri liða með frammistöðu sinni. Hann er
einnig liðtækur söngvari, á stutt að sækja
hæfileika sína á því sviði enda bróðir Ingólfs
sem oftast er kenndur við Veðurguðina.
Gælunafn:
Oftast kallaður Gummi. Gvendur eða
Gummi seðill ef þú vilt vera með leiðindi.
Íþróttagrein:
Knattspyrna.
Hversu oft æfir þú á viku?
Ætli það séu ekki um það bil 10 æfingar á
viku.
Hvernig æfir þú?
Oftast vil ég vera með bolta í æfingunum, en
oft eru þetta líka hlaup og styrktaræfingar.
Þetta er sennilega allt jafn mikilvægt.
Henta slíkar æfingar fyrir alla?
Er til æfing sem hentar fyrir alla? Ég held
ekki.
Hvernig er best fyrir nýliða að koma sér af
stað?
Þegar stórt er spurt … Að gera það sem
manni þykir skemmtilegt kemur manni oftast
á bragðið, þannig að ég held að það sé besta
leiðin til að komast af stað.
Hver er lykillinn að góðum árangri?
Hafa alltaf trú á sjálfum sér og vorkenna
þeim sem reyna að brjóta þig niður og segja
þér að þú getir ekki eitthvað. Fólk segir það
vegna þess að það hefur ekki trú á að það sjálft
geti náð þangað. Úff, þetta er djúpt, en sam-
kvæmt minni reynslu er það þannig.
Hvað er það lengsta sem þú hefur hlaupið?
Sennilega einhver fótboltaleikur, annars tek
ég stundum 10 km á hlaupabretti.
Hvað ráðleggurðu fólki sem vill hreyfa sig
meira?
Finna góða félaga til þess að vera með sér
í hreyfingunni eða hlusta á tónlistina sem
kemur þér í stuð þegar þú hreyfir þig, það
munar mikið um það hjá mér.
Líður þér illa ef þú færð ekki reglulega út-
rás fyrir hreyfiþörfina?
Líður kannski ekki illa en ég finn samt fyrir
því að ég verð aðeins sveiflukenndari í skapinu
þegar ég fæ ekki mína útrás.
Hvernig væri líf án æfinga?
Vigtin myndi sennilega sýna 20 kg meira.
Mörgum af mínum bestu vinum hefði ég aldrei
kynnst. Hef ferðast um allt Ísland og til ótal
annarra landa, allt í tengslum við það að ég
byrjaði að æfa þessa íþrótt. Lífið væri senni-
lega töluvert öðruvísi ef ég hefði ekki skottast á
fyrstu æfinguna fjögurra ára gamall með síðu
ljósu krullurnar mínar.
Hvað er það lengsta sem hefur liðið á milli
æfinga hjá þér?
Ekki með það á hreinu.
Hvernig heldurðu þér í formi þeg-
ar þú ferð í frí?
Fer út að hlaupa og æfi mig
líka með bolta. Nokkuð frjáls-
legt hjá mér, en ég finn ágæt-
lega á sjálfum mér hvað þarf
til.
Ertu almennt meðvitaður
um mataræðið?
Nei, ég verð að við-
urkenna að ég væri til í að
vita meira um það en það
batnar með hverju árinu og
batnandi mönnum er best að lifa.
Hvað borðarðu til að halda þér í
formi?
Reyni að forðast bara sem
mest skyndibita og syk-
ur. Það að drekka
lítið gos finnst mér hjálpa mikið.
Hvaða óhollustu ertu veikur fyrir?
Hvar á ég að byrja? Ég er algjör nautna-
seggur. Ef ég yrði að nefna eitthvað þá yrði
það Pylsuvagninn á Selfossi, algjör A-klassa
matsölustaður þó það sé sennilega ekki það
hollasta sem ég get fengið mér.
Hvað ráðleggurðu fólki sem vill bæta mat-
aræðið?
Taka þetta bara í litlum skrefum. Byrja á að
venja sig af einhverju einu óhollu og þá allt í
einu byrjar maður að finna fyrir bætingu.
Hvaða gildi hefur hreyfing og líkamsrækt
fyrir þig?
Skemmtun og partur af vinnunni minni
eins og er. Það er því ansi mikilvægt
fyrir mig að vera í þokkalegu
standi.
Hver eru erfiðustu meiðsl-
in sem þú hefur orðið fyr-
ir?
7, 9, 13, hef verið frekar
heppinn með meiðsli, en
þegar ég var 14 ára var
ég frá í að mig minnir 3
mánuði. Var á gelgjunni
og loksins byrjaður að
stækka og álagið fór illa með
annað hnéð á mér.
Hversu lengi varstu að ná þér
aftur á strik?
Það gekk nú bara nokkuð
vel, tók sennilega 1
mánuð að verða alveg góður aftur.
Hver eru heimskulegustu meiðslin sem þú
hefur orðið fyrir?
Ekki ennþá orðið fyrir heimskulegum
meiðslum sem hafa haldið mér frá æfingum og
vona að það muni ekki gerast.
Hvað eru algeng mistök hjá fólki við æfing-
ar?
Sennilega að vera að keppa og metast við fé-
lagann. Hvort sem hann er kominn lengra eða
styttra en þú í æfingaferlinu þá held ég að það
sé best að miða við sjálfan sig og sína líðan á
æfingunni sem maður gerir hverju sinni.
Hver er erfiðasti mótherjinn á ferlinum?
Ferillinn of stuttur ennþá til að velja einn.
Hver er besti samherjinn?
Gerir maður nokkuð upp á milli barnanna
sinna? Spilað með mörgum góðum svo að ég vil
ekki taka einn sérstakan út. Að því sögðu ætla
ég samt að fá að nefna Ingó bróður minn. Þeg-
ar við spiluðum saman hafði hann alltaf vit á
því að láta mig hafa boltann.
Hver er fyrirmynd þín?
Þarf að nefna nokkra aðila hér. Ingó bróður
minn, Eið Smára, Jón Jónsson og Vigdísi Finn-
bogadóttur. Ég og hún eigum sama afmæl-
isdag þannig að það var alltaf flaggað á afmæl-
isdaginn minn þegar ég var yngri. Svo er hún
líka glæsileg kona sem kemur vel fyrir.
Hver er besti íþróttamaður allra tíma?
Alltof erfið spurning!
Skemmtileg saga/uppákoma frá ferlinum?
Þegar ég var 7 ára fór ég í heimsókn til
frænda míns í Noregi og keppti í fótboltaleik
með liðinu sem hann æfði með. Það átti svo að
skipta mér útaf og þjálfarinn spurði frænda
minn hvert nafn mitt væri til að geta kallað
mig af vellinum. Gummi, svaraði frændi minn
og það endaði með því að ég var aldrei tekinn
útaf. Seinna uppgötvaðist að Gummi getur ver-
ið slangur yfir orðið „smokkur“ í Noregi. Það
yrði sennilega illa séð ef þjálfari yngri flokka
liðs kallaði inná völlinn: „Smokkur, komdu út-
af!“ Það var sennilega ágætt að ég var ekki
tekinn útaf enda brást ég alltaf illa við þegar
það gerðist á mínum yngri árum! Ég er kall-
aður Gudi af liðsfélögum mínum hérna úti
svo það sé á hreinu.
Skilaboð að lokum?
Vona að þessi alvarlegu svör mín geti
nýst einhverjum sem les þetta. Var að
reyna að vanda mig, er nefnilega svo mikil
kempa.
ÍÞRÓTTAKEMPA VIKUNNAR GUÐMUNDUR ÞÓRARINSSON
Ingó hafði vit á að láta mig alltaf fá boltann
Morgunblaðið/Ómar
Guðmundur
Þórarinsson
Volgt vatn með sítrónu getur gert kraftaverk sé það
drukkið á fastandi maga á morgnana. Sítróna er sýru-
jafnandi og örvar meltinguna til góðra verka þegar líð-
ur á daginn.
Sítrónukraftaverkið að morgni*Ef þig svo mikið sem dreymdi umað vinna mig þá var eins gott aðbiðjast afsökunar þegar þú vaknaðir
Muhammed Ali