Morgunblaðið - Sunnudagur - 02.02.2014, Blaðsíða 30

Morgunblaðið/Árni Sæberg
30 MORGUNBLAÐIÐ SUNNUDAGUR 2.2. 2014
Matur og drykkir
É
g hef lengi notað föstur, bæði með
mínum viðskiptavinum og ég sjálf. Þá
hefur það yfirleitt verið þannig að
maður hefur þurft að taka frá viku
eða tíu daga í sínu lífi sem getur oft reynst
erfitt, en þegar ég sá þessa leið, 5:2, þá höfð-
aði það strax til mín hvað hún er einföld í
framkvæmd, sveigjanleg og praktísk,“ segir
Unnur Guðrún eða Lukka, rekstrarstýra
veitingastaðarins Happs og höfundur bók-
arinnar 5:2 mataræðið. 5:2 mataræðið hefur
farið sannkallaða sigurför um heiminn. Mat-
aræðið snýst um það að fasta tvo daga vik-
unnar en þá er hitaeiningainnihald matarins
eingöngu 500-600 hitaeiningar. Aðra daga á
fólk hinsvegar að halda sig við hefðbundið
mataræði. Lukka hefur lengi haft áhuga á
föstum og segir að það sem heilli hana helst
við föstur almennt og einnig þessa gerð af
föstu sé fyrst og fremst rannsóknirnar sem
búa að baki og sýna fram á aukið heilbrigði
og forvarnargildi gagnvart langvinnum sjúkt-
dómum.
Partur af daglegu lífi
„Mér finnst 5:2 mataræðið jafnvel betri leið
til þess að fasta. Það er allt í lagi að taka
viku og jafnvel 10 daga föstur eftir sem áður
og gott að gera það í byrjun og fara svo inn í
5:2 en 5:2 er eitthvað sem maður getur haft
sem lífsstíl og það finnst mér alltaf spenn-
andi, þegar eitthvað getur orðið partur af
manns daglega lífi og er ekki bara kúr sem
dugir í stuttan tíma.“
Lukka segir 5:2 mataræðið bæði megrun
og lífsstíl og ef fólk er of þungt þá sé þetta
vissulega megrun en mataræðið snýst ekki
um útlit eða holdafar heldur heilbrigði.
„Ég er ekki sammála því að kúr sé
skammaryrði, því þegar við erum langt leidd,
þá þurfum við stundum kúr eða átak til þess
að koma okkur inn á beinu brautina, síðan
getum við haldið áfram á beinu brautinni.
Þannig að það er allt í lagi að nýta sér kúra,
hvaða nafni sem þeir nefnast, ef þeir eru ekki
of ýktir eða öfgafullir,“ segir Lukka og bætir
við að bókin sé ekki bara ætluð þeim sem séu
á 5:2 mataræðinu heldur sé hún full af holl-
um og næringarríkum uppskriftum sem fólk
getur nýtt sér hvaða dag sem er. „Fyrir þá
sem vilja fara þessa leið, 5:2, þá eru útreikn-
ingar á hitaeiningainnihaldi matarins og það
hjálpar þeim að velja og sjá hvað þeir mega
boðra stóran skammt. Við eigum alltaf að
hugsa um hollustu og að hafa það að leið-
arljósi að velja hollan og næringarríkan mat
og það er miklu auðveldara í framkvæmd ef
reglurnar eru aðeins sveigjanlegri.“
Morgunblaðið/Árni Sæberg
MIKILVÆGT AÐ HUGA AÐ HEILBRIGÐI OG HOLLUSTU
Frjálsari fasta
UNNUR GUÐRÚN PÉTURSDÓTTIR, EÐA LUKKA, HEFUR LENGI
HAFT ÁHUGA Á FÖSTUM SEM STUÐLA AÐ HEILBRIGÐI.
LUKKA SEGIR MATARÆÐIÐ 5:2 VERA LÍFSSTÍLSKÚR OG AUÐVELDA
OG SVEIGJANLEGA LEIÐ TIL ÞESS AÐ FASTA.
Sigurborg Selma Karlsdóttir sigurborg@mbl.is
Lukka segir 5:2
ákveðinn lífsstíl.
fyrir 4
400 g rækjur
1 msk. kókosolía
3 geirar hvítlaukur
1 rautt chili
1 rauðlaukur
1 þumall fersk engiferrót
2 stilkar sellerí
2 gulrætur
1 rauð paprika
400 g hakkaðir tómatar
safi af 1 límónu
4 dl soðið quinoa
Saxið hvítlauk, chili, rauðlauk
og engifer smátt og steikið á
pönnu í 1 msk. kókosolíu.
Skerið sellerí, gulrætur og
papriku frekar smátt og bætið
út á pönnuna. Bætið hökkuðum
tómötum á pönnuna og látið
malla í u.þ.b. 10 mínútur.
Kryddið með chiliflögum, lím-
ónusafa, salti og pipar.
Bætið rækjunum síðast út í
og slökkvið á hitanum.
Sjóðið quinoa samkvæmt
leiðbeiningum á pakkanum og
berið fram með rækjuréttinum.
Spænskar rækjur
fyrir 4
216 kcal. skammturinn
3 dl lífrænt gróft haframjöl
6 dl hrísmjólk
6 stk. jarðarber
1 msk. þurrkuð trönuber
2 msk. hörfræ, ljós eða dökk
sjávarsalt á hnífsoddi
Setjið haframjölið í skál, hellið hrísmjólkinni yfir og saltið.
Skerið jarðarberin í litla bita.
Bætið jarðarberjunum og trönuberjunum í grautinn og
látið standa í nokkrar mínútur eða þar til hafrarnir hafa
mýkst og drukkið í sig nokkuð af vökvanum.
Hafragrautur með jarðarberjum og trönuberjum