Morgunblaðið - Sunnudagur - 02.02.2014, Blaðsíða 60

60 MORGUNBLAÐIÐ SUNNUDAGUR 2.2. 2014
„Real Madrid var með marga framherja og nýbúið að kaupa
Ronaldo. Það var einfaldlega ekki pláss fyrir hann.“
Manuel Pellegrini um Negredo
Boltinn
BENEDIKT BÓAS
benedikt@mbl.is
U
nglingastarf Real Madrid fær oftast ekki
mikið hrós. Þar eru keyptar stórstjörnur
í aðalliðið í stað þess að gefa ungum og
efnilegum leikmönnum tækifæri. Auðvit-
að er ekkert unglingastarf í heiminum
eins og hjá Barcelona en Real Madrid hefur framleitt
marga frambærilega knattspyrnumenn og nokkra stór-
kostlega. Samuel Eto’o, Santiago Cañizares, Luis García
og þeir Juan Mata og Álvaro Negredo hafa allir
byrjað sinn feril hjá Real Madrid en slegið í
gegn annars staðar. Iker Casillas, Raúl, Guti
og auðvitað gammurinn sjálfur, Emilio
Butragueño, komu allir í gegnum ung-
lingastarf Real Madrid og náðu að
komast í gegnum nálaraugað og alla
leið í aðalliðið.
Nú eru tveir fyrrverandi ung-
lingar Real Madrid orðnir stór
hluti hvor af sínu Manchest-
er-liðinu. Juan Mata var
keyptur á metfé til Man-
chester United frá Chelsea
í vikunni en hann gekk í
raðir Real Madrid 15 ára.
Hann spilaði eitt tímabil með vara-
liði Real þar sem hann skoraði tíu
mörk og bjó til annað eins fyrir framherja
liðsins, Álvaro Negredo. Negredo skoraði 18 mörk
þetta tímabil og var markahæstur í varaliðinu.
Fabio Capello stýrði Real Madrid á þessum tíma
og hreifst af pilti. Hafði hann á bekknum í
nokkrum leikjum og Negredo byrjaði einn leik á
undirbúningstímabilinu 2007. Hann var hins-
vegar lánaður til Almeria þar sem hann skoraði
32 mörk á tveimur árum og fyrir sumarið 2009
ætlaði hann sér stóra hluti með Real Madrid
þrátt fyrir að framlínan væri skipuð leikmönnum
eins og Cristiano Ronaldo, Raúl, Karim Benzema,
Ruud van Nistelrooy, Gonzalo Higuaín og Klaas-
Jan Huntelaar. Manuel Pellegrini var þá nýtekinn
við sem knattspyrnustjóri Real Madrid og fyrsta
verk hans var að ræða við piltinn. Það samtal end-
aði með því að Pellegrini sagði að hann ætti enga
framtíð hjá stjörnum prýddu liði Real og seldi hann
til Sevilla.
Heppinn hjá Valencia
Það fyrsta sem Pellegrini gerði hinsvegar þegar
hann tók við liði City var að kaupa Negredo frá Se-
villa. „Pellegrini er ein aðalástæðan fyrir því að ég
er hér hjá City. Ég hef alltaf borið virðingu fyrir
honum því hann var hreinn og beinn við mig hjá
Madrid. Hann lét mig ekki taka heilt undirbún-
ingstímabil með liðinu þar sem ég hefði vonað að
fá einhverjar mínútur. Hann ráðlagði mér frekar
að fara til Sevilla. Hann er hreinskilinn maður og
hikar ekki við að tala við mann undir fjögur augu til
að greina frá stöðu mála. Það kunna menn að meta í
atvinnumannaheiminum.“
Unglingarnir í Madrid
taka yfir Manchester
SPÆNSKA INNRÁSIN Í MANCHESTER HÉLT ÁFRAM ÞEGAR JUAN MATA SAMDI VIÐ
MANCHESTER UNITED. SEX SPÁNVERJAR SPILA MEÐ MANCHESTER-LIÐUNUM, UNITED
OG CITY, ÞAR SEM FYRRVERANDI FÉLAGI MATA HJÁ REAL MADRID, ÁLVARO NEGREDO,
ER AÐ SANNA SIG SEM EINN BESTI FRAMHERJI ENSKA BOLTANS.
EPA
David Moyes reyndi að kaupa Negredo frá Sevilla til
Everton fyrir ári á níu milljónir punda. Það tókst ekki.
Honum tókst hinsvegar að kaupa Mata í vikunni og er
Spánverjinn dýrasti leikmaður Manchester United í
sögunni. Kostaði 37 milljónir punda en sjaldan eru
leikmenn keyptir svona dýrum dómum í janúarglugg-
anum.
Eftir að hafa slegið í gegn með varaliði Real Madrid
fór Juan Mata án greiðslu til Valencia. Real Madrid hef-
ur oft verið orðað við kaup á Mata enda sjá Madrid-
ingar mjög eftir honum. Bæði stjórnarmenn og stuðn-
ingsmenn. Þrátt fyrir að liðið sé fullt
af svokölluðum Galacticos eða ofur-
stjörnum vilja Madrídingar sjá
heimamenn í liðinu. Það hefur hins-
vegar aldrei gerst að formlegt boð
hafi komið frá Real Madrid í Mata.
Kannski er það bara hugarburður
að Real vilji hann.
Með Valencia var Mata heppinn.
Vicente meiddist og Ronald Koeman
vildi ekki nota Miguel Ángel Angulo.
Tveir leikmenn sem voru að keppa
við hann um stöðu í liðinu. Opnuðust
þá dyr fyrir unglinginn sem hann
gekk glaður inn um. Frá 2007-2011
var Mata einn besti leikmaður Valencia þrátt fyrir
ungan aldur. Hann hafði kannski ekki hraðann en
knattspyrnugáfur hans voru betri en hjá flestum.
Það kom ekki á óvart þegar stóru liðin í Evrópu
fóru að renna hýru auga til Mata. Í ágúst 2011 var
tilkynnt að Mata hefði samið við Chelsea og borg-
aði Lundúnaliðið 23 milljónir punda fyrir kappann.
Það voru mikil kjarakaup.
Hann varð fljótlega dýrkaður og dáður af
stuðningsmönnum Chelsea. Hann er virkur á
samfélagsmiðlunum og gefur sér oft tíma til að
svara aðdáendum hvort sem er á Twitter eða
Instagram þar sem hann tekur hreint ótrú-
legar myndir.
Aðdáendur kusu hann leikmann ársins,
fyrsta tímabilið hans enda bjó hann til
flest mörk fyrir Chelsea og stöðugleikinn
í leik hans var mikill. Hann var alltaf
góður, í öllum leikjum hvort sem þeir
voru stórir grannaslagir eða litlir
deildarbikarleikir. Seinna árið hans
var álíka gott. Stoðsendingar komu í
bunkum og Chelsea vann Evrópubik-
arinn þar sem Mata lagði upp sig-
urmarkið. Aftur var hann kosinn leik-
maður ársins.
Mourinho gleymir ekki
Það var alltaf vitað að Juan Mata
myndi eiga í erfiðleikum undir stjórn
Jose Mourinho. Mourinho var ný-
kominn úr dramanu frá Madrid til
baka á Stamford Bridge og Mata er
einn besti vinur Iker Cassillas. Casillas og Mourinho
voru engir perluvinir eftir að Mourinho setti markvörð-
inn dáða á bekkinn. Mata tjáði sig um það mál og slíku
gleymir Jose Mourinho ekki. Það var því vitað að hann
myndi nota hvert tækifæri til að setja út á Spánverjann.
Ekki leið á löngu þar til Mourinho sagði að Mata væri
ekki að sinna nógu mikilli varnarvinnu. Oscar væri miklu
betri í því. Þess vegna spilaði hann ekki. Stuðningsmenn
vissu ekki í hvorn fótinn þeir áttu að stíga. Þeir dýrkuðu
Mata en Mourinho á sess í hjörtum þeirra. Barátta
þeirra hélt svo áfram bæði innan vallar og utan. Mata
bjó til mörk þegar hann fékk tækifæri til
en hljóp ekki nógu hratt til baka fyrir
Mourinho. Þar með voru örlög hans ráð-
in hjá Chelsea. Vörnin vinnur titla, segir
máltakið.
Mata skoraði 33 og lagði upp 58 mörk
fyrir Chelsea í 135 leikjum. Hann átti
einnig oft þriðju síðustu sendinguna,
sendingu sem splundrar vörn andstæð-
inganna áður en boltinn er gefinn fyrir
og framherjinn skorar. Tölfræðigúrúar
heimsins hafa ekki enn áttað sig á því að
sú sending skiptir miklu máli og ætti að
vera skráð. Fegurðin við knattspyrnu er
að hún er óútreiknanleg og tölfræði
skiptir litlu máli. Það er ómögulegt að ætla að dæma
leikmann fyrir góða eða lélega tölfræði.
Matar hann Negredo á HM?
Tölur Negredo í ár fyrir framan markið eru hinsvegar
svo glæsilegar að ekki er hægt annað en að tala aðeins
um þær. Manchester City er búið að skora 115 mörk í
öllum keppnum á þessu tímabili. Það er meira en á öllu
tímabilinu í fyrra. Negredo er búinn að skora 21 af þess-
um 115 á sínu fyrsta tímabili og hefur verið algjörlega
magnaður. Hann kom ekkert við sögu gegn Tottenham í
vikunni og lét aðra um að skora fimm mörk gegn Gylfa
Sigurðssyni og félögum. Negredo er að öllum líkindum
orðinn fyrsti kostur Spánverja í framlínunni fyrir HM í
sumar. Hann hefur sýnt það í vetur að hann er mun
betri í dag en hinir framherjar Spánar. Fernando Torres
er enn bara skugginn af sjálfum sér, ef það, og Roberto
Soldado virðist bara skora úr vítaspyrnum. Michu er
aldrei að fara að byrja í framlínunni. Frekar beitir
landsliðsþjálfarinn Del Bosque þeirri undarlegu taktík að
spila ekki með framherja, heldur sex miðjumenn.
Hver veit nema að Mata verði fyrir aftan Negredo í
Brasilíu að mata hann með sendingum sínum eins og
forðum daga í varaliði Real Madrid. Andrés Iniesta hef-
ur verið meiddur og nái Mata að enda tímabilið með
góðum leik er erfitt að horfa framhjá honum í byrj-
unarlið Spánverja þar sem stórkostlegir miðjumenn bíða
í bunkum eftir að fá tækifæri.
Hvað sem gerist má telja víst að þessir gömlu félagar
frá Madrídi spili stórt hlutverk það sem eftir er tíma-
bilsins á Englandi fyrir Manchester-liðin. Annar að
skora mörkin, hinn að búa þau
til.
Juan Mata kostaði
Manchester
United skildinginn
eða 37 milljónir
punda.
* Mata spilaðieitt tímabilmeð varaliði Real
þar sem hann
skoraði tíu mörk og
bjó til annað eins
fyrir framherjann
Álvaro Negredo