Morgunblaðið - Sunnudagur - 02.02.2014, Blaðsíða 39

2.2. 2014 MORGUNBLAÐIÐ SUNNUDAGUR 39
Þ
ótt það sé ekki sérlega sumarlegt
um að litast þá eru allar alvöru
tískupæjur farnar að pródúsera
hvernig þær ætla að taka á móti
vorinu – og það með stæl. Til þess að
undirbúa sig er ágætt að fara að setja
sumarfötin aðeins framar í fataskáp-
inn, strauja það sem þarf að strauja
og stagla í það sem þarf að
stagla … kannski ekki alveg stagla
í en samt (hér varð náttúrlega
hrun – við skulum alls ekki
gleyma því).
Eins og með öll alvöruverk-
efni sem við tökum okkur fyrir
hendur skiptir máli að vera al-
veg tilbúnar þegar þetta
brestur á. Ég var til dæmis
næstum því viss um að þetta
væri komið þegar ég hjólaði í
gegnum miðbæinn og út á
Seltjarnarnes fyrr í vikunni
seinni part dags – úti var
ennþá bjart og vor í lofti.
Daginn eftir fokkaðist
þetta aðeins upp þeg-
ar það byrjaði að snjóa
af fullum krafti …
Það er akkúrat á þessum árstíma sem við
þráum liti, léttari efni og það að geta verið
berfættar í skónum. Það má pródúsera þessi
þrjú atriði heima hjá sér enda er ekkert sem
bannar okkur að vera berfættar í skóm inn-
andyra. Það er þó eitt sem verður sér-
staklega áberandi í vor- og sumartískunni
og það eru samfestingar og smekkbuxur.
Þú þarft ekkert að óttast að þú verðir eins og fullorðið barn í sam-
festingnum. Þetta snýst um að velja rétta skó, vera með hárið blásið
og slegið og í rétta jakkanum yfir. Samfestingar geta nefnilega verið
ferlega klæðilegir því þeir klippa okkur ekki í sundur – eins og buxur
og skyrta gera. Þegar stykkið er í sama lit og einni heild þá virkum
við hávaxnari (sumar þurfa meira á því að halda en aðrar).
Ég geri mér fyllilega grein fyrir því að þetta samfestinga-mál er
ekki fyrir allar. Ég mæli þó með því að þið gefið samfestingnum séns
og prófið að máta næst þegar þið farið í búð. Auðvitað fylgja fjölda-
framleiddum samfestingum ótalmörg vandamál og getur verið flókið
að finna samfesting sem passar bæði að ofan og neðan. Við erum
nefnilega fæstar eins og dúkkur í laginu og stundum virðist genalot-
teríið eitthvað vera að stríða okkur …
Það framkallar dálitla ónotatilfinningu að klæðast samfestingi sem
smellpassar að ofan en er dálítið of þröngur að neðan. Það getur ver-
ið oggulítið heftandi að geta ekki sest niður – en í kokkteilboðum
þarf það ekki að vera vandamál.
Nú ef samfestingurinn passar að neðan en er aðeins of þröngur að
ofan má alltaf sleppa því að renna honum upp
og fara í jakka yfir. En þú skalt ekki
nota þetta trix þegar þú hittir hressu
vini þína sem gætu tekið upp á því að
breyta þorrablótinu í danskeppni.
Þegar þú færir að rifja upp gömlu
taktana úr freestyle-keppninni í
Tónabæ er hætt við að þér færi að
hitna of mikið sem gerði það að verk-
um að þú yrðir að fara úr jakkanum.
Þótt samfestingar séu töff varð mér
ljóst á dögunum að það voru ekki bara
íslenskir bankamenn sem voru í rugl-
inu 2007. Fatalína Madonnu fyrir
sænska móðurskipið H&M það herr-
ans ár gefur til kynna að ruglið hafi
verið alþjóðlegt. Ykkar ástkæra á
einmitt samfesting úr fyrrnefndri
línu og er ekki eini íslendingurinn
því Sóley Tómasdóttir átti eins
samfesting. Ef mig misminnir
ekki komst hún inn í borg-
arstjórn í honum 2007.
martamaria@mbl.is
Sóley Tómasdóttir var
í þessum samfestingi í
sjónvarpssal fyrir borgar-
stjórnarkosningarnar 2007.
Samfestingur
frá DKNY.
Ekki breyta
þorrablótinu
í danskeppni
GÆÐI – ÞEKKING – ÞJÓNUSTA
Frá okkur færðu
skyrturnar þínar
tandurhreinar og
nýstraujaðar
Háaleitisbraut 58-60 • 108 Reykjavík www.bjorg.is • Sími 553 1380
ÞVOTTAHÚS
EFNALAUG
DÚKALEIGA
SJÓNARHÓLL
Frumkvöðull að lækkun gleraugnaverðs á Íslandi
Reykjavíkurvegur 22 | S. 565 5970 | sjonarholl.is
Þar sem gæðagleraugu
kosta minna!
Kynnið ykkur „Intuitiv“
Nýjustu margskiptu glerin frá BBGR
Frakklandi hlutu gullbikarinn sem bestu
margskiptu glerin á alþjóðlegri
gleraugnasýningu í Paris nú í september.
Verðlaunin voru veitt fyrir mun stærra
fókussvæði í les-, tölvu- og akstursfjarlægðum.
Aðeins á
Sjónarhóli
*Les eða göngugleraugu Sph+/-4 cyl -2 fylgja
Gleraugu fyrir alla
2 fyri
r1
*
Komdu með sjónmælinguna með þér