Morgunblaðið - Sunnudagur - 09.02.2014, Qupperneq 28

*Matur og drykkir Matarklúbbur kastar fram hugmyndum að uppskriftum á Facebook og framkvæmir saman »30
Crêpes:
500 g hveiti
1 l mjólk
6 egg
4 msk bráðið smjör
smásalt
4 msk sykur
2 msk romm
Hindberjasósa:
250 g frosin hindber
100 g sykur
1 dl vatn
Súkkulaðisósa:
150 g dökkt súkkulaði
120 ml mjólk
smjörklípa
Að auki:
½ l rjómi
fersk ber til skrauts
grófsaxaðar heslihnetur
Undirbúningur:
Byrjið á því að útbúa pönnukök-
urnar. Hveitinu er hrært saman
við ½ l af mjólk með trésleif. Písk-
ið næst eggin og bætið þeim út í,
ásamt smjöri, salti og sykri. Notið
þeytara til að blanda öllu saman í
kekkjalaust deig. Hellið restinni af
mjólkinni saman við deigið í
mjórri bunu á meðan þið hrærið í.
Loks má bragðbæta með rommi.
Deigið þarf að bíða í allavega
klukkustund í ísskápnum áður en
pönnukökurnar eru steiktar á
hefðbundinn máta á pönnuköku-
pönnu.
Hindberjasósan er ákaflega ein-
föld. Við setjum frosin hindber,
sykur og vatn í lítinn pott og hitum
upp að suðu á meðalhita. Setjið
sósuna þessu næst örstutt í bland-
ara þar til hún er að mestu kekkja-
laus.
Til að útbúa súkkulaðisósuna er
súkkulaðið sett í skál ásamt mjólk
og smjöri og brætt yfir vatnsbaði.
Við hrærum af og til í þar til sósan
er kekkjalaus og glansandi.
Að lokum þeytum við rjómann
og skolum berin sem við ætlum að
skreyta tertuna með.
Samsetning:
Til að setja tertuna saman byrjum
við á því að leggja eina pönnuköku
á kökudisk. Smyrjið hana með
súkkulaðisósu og leggið aðra
pönnuköku ofan á. Setjið lag af
hindberjasósu á hana. Ofan á hind-
berjasósuna fer pönnukaka og of-
an á hana þeyttur rjómi. Svo byrj-
um við aftur og höldum svona
áfram þar til öllum pönnukök-
unum hefur verið staflað í lag-
skipta tertu. Ofan á tertuna fer
loks þeyttur rjómi, ferskir ávextir,
grófsaxaðar heslihnetur og loks
meiri súkkulaði- eða hindberja-
sósa.
Bon appétit!
Crêpes-terta
með súkku-
laði- og hind-
berjasósu
Þ
að má eiginlega segja að ég hafi fengið
virkilega ástríðu fyrir matargerð í
Frakklandi enda er matur svo stór
þáttur í franskri menningu,“ segir Ás-
dís, sem flutti nýverið aftur til Íslands ásamt
frönskum eiginmanni og dóttur þeirra. Um átta
ára skeið hafði hún þá búið ytra, fyrst við nám
í Grenoble og síðan um sex ára skeið við Mið-
jarðarhafið, í bænum Antibes á Rívíerunni,
nærri landamærum Ítalíu.
Í Frakklandi hóf Ásdís meðal annars að
blogga um mat og matargerð en frá 2011 hefur
hún deilt uppskriftum og fróðleik á síðunni
gurmandisir.blogspot.com. „Líkt og eflaust
flestir byrjaði ég að blogga til að halda utan
um eigin tilraunir í eldhúsinu. Mig langaði líka
til að kynna franska matarmenningu fyrir
fólki,“ bætir hún við.
Önnur vídd og eldað
í takt við árstíðirnar
Ásdís segist hafa litast töluvert af búsetunni
ytra, hvað áherslur í eldhúsinu varðar. „Mat-
argerð öðlast einhvern veginn allt aðra vídd
þegar úrvalið er svona fjölbreytt og árs-
tíðabundið eins og úti. Grænmetið og ávextirnir
koma oft úr nálægum héruðum og sumar teg-
undir eru fáanlegar aðeins í nokkrar vikur á
ári. Fólk hugsar mikið um að finna rétta vínið
fyrir máltíðina og flestallar hátíðir fela í sér
eitthvað ákveðið matarkyns. Frakkar hugsa
bara mjög mikið um mat,“ segir hún létt í
bragði.
Þrátt fyrir að vera flutt heim segist Ásdís
enn reyna eftir megni að hafa franska háttinn í
huga í eldhúsinu. Reynir hún að elda árs-
tíðabundið, vanda valið á hráefni og elda sem
mest frá grunni – þótt ekki sé kannski alltaf
hlaupið að því. „Það er einhvern veginn aðeins
öðruvísi að fara á litríka matarmarkaði í Suður-
Frakklandi, þar sem maður velur sér t.d.
ferskt grænmeti beint frá býli, og fær ráðlegg-
ingar um hvernig sé best að meðhöndla hráefn-
ið og elda það, og fara síðan í stórmarkað hér.
En þetta er allt að koma,“ segir hún létt. Bætir
hún við að hún sé mjög hrifin af gróskunni sem
gætir í matarverslun hér á landi með tilkomu
verslana á borð við Búrið, Frú Laugu, Lifandi
markað og fleiri slíkra. Spurð út í úrval
franskra osta hér á landi segir Ásdís það gott
að mörgu leyti. „Það er helsti gallinn hversu
erfitt er að nálgast osta úr ógerilsneyddri
mjólk – þrátt fyrir góðan vilja í ostabúðunum –
en það eru auðvitað bestu ostarnir,“ segir hún.
Úrval annarra franskra matvara segir hún oft
á tíðum ágætt , en verðlagningin sé kannski
helsta ókosturinn.
Ásdís gefur hér uppskrift að ljúffengum
pönnukökurétti upp á franska vísu. „Þetta er
nokkurs konar crépes-terta. Kaþólsku hátíðina
kyndilmessu bar upp á síðustu helgi, en hún er
einnig orðin þekkt sem „dagur frönsku pönnu-
kökunnar“ hjá Frökkunum. Þá hittast þeir og
borða saman pönnukökur í hinum ýmsu út-
gáfum,“ segir hún að endingu.
Morgunblaðið/Ómar
ÁSDÍS JÓHANNESDÓTTIR VERKFRÆÐINGUR OG „GÚRMANDÍS“
Lituð af búsetu í Antibes
ÁSDÍS JÓHANNESDÓTTIR, VERKFRÆÐINGUR, SEGIST LENGI HAFA HAFT ÁHUGA Á MAT OG MATARGERÐ OG ÞANNIG
FENGIÐ ÚTRÁS FYRIR SKÖPUNARÞÖRFINA. MATREIÐSLUÁHUGINN BYRJAÐI HINS VEGAR AÐ BLÓMSTRA ÞEGAR HÚN BJÓ
Í FRAKKLANDI ENDA MATARMENNING ÓVÍÐA JAFN FYRIRFERÐARMIKIL.
Gunnhildur Ásta Guðmundsdóttir gunnhildur@mbl.is
Ásdís segir matreiðsluáhugann hafa blómstrað
ytra enda matur stór þáttur í franskri menningu.
Morgunblaðið/Ómar