Morgunblaðið - 22.03.2014, Qupperneq 18
BAKSVIÐ
Helgi Bjarnason
helgi@mbl.is
Landgræðsla ríkisins hefur formlega
mótmælt ákvörðun bæjarstjórnar
Ölfuss og Orkuveitu Reykjavíkur um
að ráðstafa fjármunum uppgræðslu-
sjóðs til að leggja ljósleiðara um
sveitarfélagið. Atli Gíslason, fyrrver-
andi alþingismaður, telur ákvörðun-
ina lagalega og siðferðilega óásætt-
anlega. Bæjarstjóri Ölfuss segir að
notkun fjármunanna til að leggja ljós-
leiðara um dreifbýli sveitarfélagsins
muni skila samfélaginu miklu í fram-
tíðinni.
Í samningum sveitarfélagsins og
Orkuveitu Reykjavíkur vegna bygg-
ingar Hellisheiðarvirkjunar var
ákvæði um að Orkuveitan myndi
verja fé til að bæta rask vegna virkj-
ana og til almennrar uppgræðslu á
svæðinu. Stofnaður var Uppgræðslu-
sjóður Ölfuss sem Orkuveitan átti að
greiða í alls 82,5 milljónir á sex árum.
Höfuðstóll sjóðsins er raunar 75
milljónir og mátti ekki skerða en
ávöxtun hans, 2-4 milljónir á ári, hef-
ur verið varið til uppgræðslu- og
skógræktarverkefna. Endurheimt
votlendis var einnig meðal verkefna
sjóðsins.
Samningar um virkjun
Orkuveitan lofaði einnig að lýsa
upp Þrengslin og leggja ljósleiðara
um sveitarfélagið, auk annars.
Í janúar samþykkti bæjarstjórn
samninga við Gagnaveitu Reykjavík-
ur, sem er dótturfélag Orkuveitunn-
ar, um lagningu ljósleiðara og rekst-
ur gagnaflutningakerfis og um
lúkningu samkomulags frá 2006 um
ýmis mál sem tengjast virkjun á
Hellisheiði.
Í þessum samningum felst meðal
annars að 75 milljónum úr upp-
græðslusjóðnum verður varið til þess
að leggja ljósleiðara heim á alla bæi í
dreifbýli Ölfuss, alls 125 heimili.
Áætlað er að kostnaður við það sé
eitthvað á annað hundrað milljónir
kr. Gagnaveitan leggur í sumar ljós-
leiðara um Þorlákshöfn en það verk-
efni er á viðskiptalegum forsendum,
að sögn Gunnsteins R. Ómarssonar
bæjarstjóra.
Komið í veg fyrir brýn verkefni
Landgræðsla ríkisins telur í mót-
mælum sínum að engar forsendur
séu til að falla frá áformum um að
veita fjármagn til að bæta rask vegna
virkjana og til almennra landbóta í
Ölfusi. „Með því að leggja sjóðinn nið-
ur verður komið í veg fyrir mörg brýn
gróðurverndarverkefni í sveitarfé-
laginu. Það er einstaklega sorgleg
staða fyrir alla aðila. Hverjir hafa
áhuga og metnað til að sinna þessum
málum í sveitarfélaginu ef heima-
menn hafa hann ekki?“
Gunnsteinn segir að bæjarstjórn
hafi ákveðið samhljóða, eftir samráð
við Orkuveituna, að verja fjármunum
uppgræðslusjóðsins til mikilvægs
verkefnis í dreifbýli sveitarfélagsins.
Hann tekur fram að sjóðurinn hafi
ekki enn verið leystur upp en Orku-
veitan hafi afsalað sér aðild að sjóðn-
um og umsýslu hans.
Skiptar skoðanir um lögmæti
Núgildandi samþykktir Upp-
græðslusjóðs Ölfuss gera ráð fyrir að
ef Orkuveitan og sveitarfélagið
ákveða að leggja hann niður skuli
stjórn sjóðsins, sem skipuð er fulltrú-
um beggja aðila, leggja fram tillögu
um ráðstöfun eigna í samræmi við til-
gang og stefnu sjóðsins.
Í grein sem Atli Gíslason, hæsta-
réttarlögmaður og fyrrverandi al-
þingismaður, skrifaði í Morgunblaðið
í fyrradag kemur fram það álit að
ráðstöfun fjármunanna til ljósleiðara-
væðingar sé bersýnilega ólögmæt.
Gunnsteinn mótmælir því, segir að
samþykktum sé hægt að breyta, þær
séu ekki ígildi laga. Hann telur
ákvörðunina heldur ekki siðferðilega
ranga. „Menn verða að horfa aðeins
út fyrir boxið. Tímarnir breytast og
mennirnir með. Þetta er gríðarlega
mikilvægt samfélagsverkefni,“ segir
hann.
Landgræðslufé notað í ljósleiðara
Landgræðslan mótmælir því að bæjarstjórn Ölfuss og Orkuveita Reykjavíkur leysi upp uppgræðslu-
sjóð Sveitarstjórinn segir að ljósleiðari muni skila samfélaginu miklu í framtíðinni
Morgunblaðið/RAX
Orka úr iðrum jarðar Mikið hefur verið borað á Hellisheiði og virkjanir, borholur og lagnir eru áberandi í landslagi.
18 FRÉTTIRInnlent
MORGUNBLAÐIÐ LAUGARDAGUR 22. MARS 2014
Syrusson Hönnunarhús
Síðumúla 33
Ótrúlegt úrval húsgagna og gjafavöru - Láttu verðið koma þér þægilega á óvart
Syrusson - alltaf með lausnina!
Loki Funi LjúfurFannar
Mikilvægt er að gera fleiri taln-
ingar á umferð í kringum Hofs-
vallagötu til að meta áhrif af breyt-
ingum sem gerðar voru á henni í
fyrra. Vísbendingar um að umferð
hafi aukist í íbúðagötum í nágrenni
sýnir fram á gagnsemi bráða-
birgðaframkvæmda, að sögn Krist-
ínar Soffíu Jónsdóttur, fulltrúa
Samfylkingar í umhverfis- og
skipulagsráði Reykjavíkurborgar.
Talning hefur leitt í ljós að um-
ferð um götur í nágrenni Hofs-
vallagötu hafi aukist um 500-1.000
bíla á sólahring frá því að hún var
þrengd.
„Það er ljóst að einhver umferð
flyst til og þá verður að skoða það.
Hlutfallslega er þetta mjög lítil
breyting. Reynslan sýnir okkur líka
að svona breytingar eru mestar í
byrjun en svo skilar umferðin sér
aftur,“ segir Kristín Soffía. Því sé
mikilvægt að gera fleiri talningar
en einnig verði skoðað hvort frek-
ari mótvægisaðgerðir þurfi við
Melaskóla.
„Þetta sýnir mjög vel hvers
vegna er gott að fara í bráðabirgða-
aðgerðir. Með því að gera það fáum
við reynsluna og getum tekið tillit
til hennar í varanlegri hönnun.
Þarna höfum við tíma til að bregð-
ast við og endurskoða ef við teljum
þess þörf,“ segir hún.
Þessi aðferðafræði hafi verið not-
uð við borgahönnun erlendis, þar á
meðal í New York í Bandaríkj-
unum, og segir Kristín Soffía að lit-
ið hafi verið til reynslunnar þar.
Þetta hafi verið hugmyndin þegar
ráðist var í bráðabirgðafram-
kvæmdir við Hofsvallagötuna síð-
asta sumar. kjartan@mbl.is
Sýnir gagn bráða-
birgðaaðgerða
Meta reynslu af Hofsvallagötunni
Ný stjórn Félags framhaldsskóla-
kennara tók við á aðalfundi félagsins
sem lauk í gær. Guðríður Arnardótt-
ir, nýr formaður félagsins, segir að
farið hafi verið í gegnum allt innra
starf félagsins auk þess sem kjara-
málin hafi verið rædd.
„Það var bara mikill baráttuhugur
og gott hljóð í fólki. Ég horfi frekar
bjartsýn fram á næstu daga. Ég held
að þetta verði ekki langt verkfall,“
segir Guðríður en verkfall fram-
haldsskólakennara hefur nú staðið
yfir í viku.
Aðalfundurinn samþykkti ályktun
þar sem menntamálayfirvöld voru
átalin fyrir hringlandahátt, villandi
umræður og skammsýni í málefnum
framhaldsskólanna. Stjórnvöld hafi
kosið að hunsa hættumerki sem hafi
hrannast upp og enn hafi sex ára
gömul lög um framhaldsskólana ekki
verið innleidd. Þá ályktaði fundurinn
að ekkert annað virtist liggja til
grundvallar kröfu menntamálayfir-
valda um að stytta nám til stúdents-
próf en það að þrengja enn frekar að
framhaldsskólunum sem séu þegar
algerlega fjársveltir.
Bjartsýnni eftir gærdaginn
Viðræður milli kennara og stjórn-
enda framhaldsskólanna við sveitar-
félögin halda áfram nú um helgina.
Ólafur H. Sigurjónsson, formaður
Félags stjórnenda í framhaldsskól-
um, segir menn bjartsýnni eftir
fundi gærdagsins en þeir hafa verið
frá því að verkfall hófst. Tekist hafi
að ljúka vinnu við vinnumat í
tengslum við innleiðingu framhalds-
skólalaga og breytingar á skóla-
árinu. Launahækkanir, rekstrarmál
og umræður um styttingu náms til
stúdentsprófs standa enn út af borð-
inu. kjartan@mbl.is
Baráttuhugur og
bjartsýni á aðalfundi
Framhaldsskólakennarar átelja menntamálayfirvöld
Skipti Guðríður (t.h.) tók við af
Aðalheiði Steingrímsdóttur (t.v.).