Læknablaðið - 15.05.2000, Page 51

Þjónustusamningur TR við
endurhæfingarteymi
Gunnar Kr. Með sífellt aukn'
Guðmundsson UM FJÖLDA ör-
orkuþega er ljóst
að sporna verður
við þeirri þróun.
Pað er að einungis þeir, sem nauðsynlega
þurfa á örorku að halda, fari á örorku og að
áður en einstaklingur fari á örorku þá hafi
hann fengið sanngjarna meðhöndlun og
allar þær leiðir sem stuðlað gætu að aukinni
vinnufærni hafi verið reyndar. Nokkuð
tilviljanakennt hefur verið hvað hefur verið
í boði fyrir hvern og einn einstakling og oft
ekki markvisst tekið á málum. Það er ljóst
að mikilvægt er að koma sem fyrst inn í
myndina, helst innan fárra mánaða frá því
einstaklingur dettur út af vinnumarkaði.
Með þetta í huga hefur Tryggingastofn-
un ríkisins gert þjónustusamning við endur-
hæfingarteymi, sem undirritaður stýrir en
auk endurhæfingarlæknis eru í teyminu fé-
lagsráðgjafi, sálfræðingur og sjúkraþjálfari.
Einnig er fyrirhugað að setja á stofn teymi á
Akureyri, sem í eru auk undirritaðs, iðju-
þjálfi, félagsráðgjafi og sjúkraþjálfari, einn-
ig verður mögulegt að kalla aðra til ef við á.
Hlutverk þessara teyma er að kortleggja þá
færniskerðingu sem til staðar er og þær end-
urhæfingarleiðir sem reyndar hafa verið,
meta endurhæfingarmöguleika viðkomandi
einstaklings og koma með tillögur. Þessi
teymi verða aldrei meðferðaraðili eða dóm-
ari á þá meðferð sem átt hefur sér stað.
Markmiðið er að vera til aðstoðar við end-
urhæfinguna, setja markmið og hjálpa til
við val á þeim meðferðarleiðum sem til
greina koma.
Þar sem þetta er enn á tilraunastigi er
mikilvægt að læknar segi sitt álit á því
hvernig teymið getur sem best hjálpað til
við endurhæfinguna. Markmiðið er sameig-
inlegt, að koma einstaklingum sem fyrst til
vinnu á nýjan leik.
Til þess að þessi teymi hafi yfir einhverj-
um úrræðum að ráða, þá hefur TR gert
þjónustusamninga við Reykjalund varð-
andi atvinnulega endurhæfingu, einnig við
Hringsjá, starfsþjálfun fatlaðra, varðandi
kennslu og ráðgjöf og svæðisskrifstofu fatl-
aðra varðandi atvinnu með liðveislu. Þar
sem vitað er að mest gagn er af inngripi sem
fyrst í ferlinu, það er innan nokkurra mán-
uða, þá er oft of seint að grípa inn þegar sótt
er um örorku. Mikilvægt er því að heimilis-
læknar eða aðrir þeir læknar, sem verða
varir við að það stefni í óefni, hafi samband
við tryggingayfirlækni og komi þessu ferli
sem fyrst af stað.
Höfundur er endurhæfingarlæknir.
SMÁSJÁIN ■
Klínískar leiðbeiningar
hjá landlækni
■ Samkvæmt lögum um heilbrigðis-
þjónustu og lögum um réttindi sjúk-
linga hefur landlæknir verulegu hlut-
verki að gegna viðvíkjandi leiðbein-
ingum og eftirliti á sviði heilbrigðis-
mála. Þessu hlutverki gegnir embætt-
ið með ýmsum hætti, svo sem söfnun
tölfræðilegra gagna, samanburði við
nágrannalönd og eftirliti með dagleg-
um störfum heilbrigðisstétta.
Liður í þessu starfi er útgáfa klín-
ískra leiðbeininga og nú er að færast
töluvert líf í það starf. Sigurður
Helgason læknir hefur verið ráðinn
til að stjórna verkinu og hefur hann
virkjað fjölda lækna til þátttöku í
gerð klínískra leiðbeininga.
Þetta starf er skammt á veg komið
en Læknablaðið mun fylgjast með
því og greina frá hvernig það gengur
þegar tímabært þykir. En þeim sem
vilja fylgjast með starfinu er bent á að
snúa sér til landlæknisembættisins.
Það má gera með því að fara inn á
heimasíðu embættisins en slóðin
þangað er:
http://www. landlaeknir. is
Einnig er hægt að senda tölvupóst
á netfangið postur@landlaeknir.is
Læknablaðið 2000/86 371