Læknablaðið - 15.12.2001, Page 45

S M A S J A I N
brigðisþjónustu 1997-2000 sem VSÓ Ráð-
gjöf gerði fyrir heilbrigðisráðuneytið, þó
með þeim fyrirvara að þar kynni að skeika
lítillega í einstökum atriðum enda um frum-
athugun að ræða. Meðal þess sem þar
kemur fram er eftirfarandi:
• Fjöldi ferliverka á sjúkrastofnunum
hélst nánast óbreyttur en komum á
göngudeildir og slysa- og bráðamóttöku
fjölgaði.
• Heildarfjöldi aðgerða á sjúkrastofnun-
um lækkaði á árunum 1997-1998 en hef-
ur verið óbreyttur síðan.
• Komur til lækna í heilsugæslunni á höf-
uðborgarsvæðinu hafa ekki haldið í við
fólksfjölgun á svæðinu.
• Komur á Læknavaktina hartnær þre-
földuðust á árunum 1997-2000.
• Komum til sérfræðinga fjölgaði um
þriðjung og einingum um tæplega 60%.
• Aukning var hjá öllum sérgreinum en
langmest hjá skurðlæknum, einingafjöldi
þeirra rúmlega tvöfaldaðist.
Alþjóðleg þróun
Af þessum tölum dró Steinn þá ályktun að
sjálfstætt starfandi læknar hafi „viðhaldið
því þjónustustigi sem þeim hefur verið
kleift að sinna innan ramma samnings við
TR. Segja má að einkarekstur í heilbrigðis-
þjónustu á höfuðborgarsvæðinu sé orðinn
mjög stór þátlur í þjónustunni þótt það fjár-
magn sem til þeirrar starfsemi fer sé lítið
eða um 3 milljarðar á ári miðað við þá rúmu
20 milljarða sem sjúkrahúsin fá.“
Steinn sagði að svo virtist sem fram-
undan væru „tímar breytinga í átt til meira
frjálsræðis í framboði á heilbrigðisþjónustu
og rekstri fyrirtækja í okkar starfsgrein." I
því sambandi vitnaði hann í nýlegan dóm
sem Evrópudómstóllinn kvað upp í máli
belgískrar konu sem hafði leitað sér lækn-
inga í Frakklandi þar sem hún fékk ekki
þjónustu í sínu heimalandi. Dómstóllinn
komst að þeirri niðurstöðu að konan ætti
rétt á endurgreiðslu frá tryggingakerfi
heimalandsins.
„Þá komst Evrópudómstóllinn líka að
þeirri niðurstöðu í sama dómi að ákvæði
Evrópusáttmálans um samkeppni og frjáls
viðskipti eigi við um heilbrigðisþjónustuna.
Það þarf ekki að tvíorða hversu mikilvægur
þessi dómur er fyrir okkur lækna og skjól-
stæðinga okkar. Það er ekkert verra fyrir
lækni en að búa yfir þeirri þekkingu sem
nauðsynleg er til að hjálpa sjúklingum en
geta það ekki vegna tregðu í kerfinu. Þessi
dómur mun hafa víðtæk áhrif á komandi
árum og greiða fyrir auknu frjálsræði í
framboði á þjónustu og fjölbreytileika í
rekstri."
Steinn hvatti til þess að opnað yrði fyrir
aukinn einkarekstur í heilbrigðiskerfinu og
að sama skapi dregið úr ríkisrekstri. „Eg vil
þó leggja áherslu á þá skoðun mína að í
slíkum breytingum eigi fagaðilar en ekki
fjármagnseigendur að vera ráðandi og fyrir-
tækin ættu helst að vera í eigu lækna, hjúkr-
unarfræðinga og almennings. Þó svo að við
séum sammála um að tryggingaverndin eigi
að vera samfélagsleg verðum við að vera
opin fyrir því að lausnin á þeim vandamál-
um sem að steðja í heilbrigðisþjónustu á
íslandi er ekki fólgin í endalausu reglugerð-
arfargani og ríkiseinokun ...,“ sagði Steinn
Jónsson læknir.
Að loknu erindi Steins kynntu fulltrúar
heilbrigðis- og tryggingamálaráðuneytisins
efni frumvarps um breytingar á lögum um
heilbrigðisþjónustu og almannatryggingar
en því frumvarpi eru gerð skil í öðrum
greinum hér í blaðinu og því óþarft að
tíunda framsögu ráðuneytisfulltrúanna hér.
-ÞH
Fjöímiðla-
þjálfun lækna
Læknafélag Reykjavíkur hefur í
vetur staðið fyrir fjölmiðlaþjálfun
fyrir lækna.
Fengið var besta fáanlega fag-
fólk til verksins, varafréttastjóri
Sjónvarpsins Elín Hirst og Þor-
varður Björgúlfsson myndatöku-
maður. Sex námskeið hafa verið
haldin, öll hafa þau tekist vel og
þátttakendum þótt þau bæði gagn-
leg og skemmtileg.
Námskeiðið hófst með afar
fróðlegum og gagnlegunt fyrirlestri
Elínar unt starf fjölmiðla og sam-
skiptin við þá. Síðan var tekið raun-
verulegt viðtal við hvern og einn. A
eftir voru viðlölin skoðuð og rædd.
Um 50 læknar hafa sótt námskeið-
in.
Námskeið af þessu tagi eru liður
í viðleitni læknasamtakanna að
læknar taki í vaxandi mæli þátt í
opinberri umræðu um heilbrigðis-
mál.
Stjórn Læknafélags
Reykjavíkur
Soroptímistasamband Evrópu styrkir konu til sérfræði-
eða framhaldsnáms í lýtalækningum
Soroptimistasamband Evrópu mun á næsta ári veita styrk úr sjóði
Suzanne Noél til konu sem hyggst leggja stund á sérfræði- eða
framhaldsnám í lýtalækningum (plastic or reconstructive surgery).
Styrkurinn mun nema 6.000 til 7.000 evrum.
Skilyrði fyrir styrkumsókn eru að umsækjandi:
- sé yngri en 50 ára,
- hafi lækningaleyfi,
- hafi sérfræðiviðurkenningu eða sé í sérnámi í lýtalækningum
(plastic or reconstructive surgery),
- leggi fram vottorð frá sérfræðingi í lýtalækningum í viðkom-
andi landi.
Umsóknarfrestur er til 15. febrúar 2002.
Umsóknir skulu afhentar Ingibjörgu Benediktsdóttur Sor-
optimistasambandi íslands, sem jafnframt veitir allar nánari
upplýsingar.
Umsóknareyðublað má einnig nálgast hjá Læknablaðinu.
Læknablaðið 2001/87 1005