Læknablaðið - 15.11.2004, Blaðsíða 52

UMRÆÐA & FRÉTTIR / AÐALFUNDUR LÍ
Ll á aðalfundi
Páll Sigurðsson
f. 9. nóvember 1925
í Reykjavík.
Sigurbjörn Sveinsson
formaður LÍ rœðir málin
við Ragnheiði Guðmunds-
dóttur, nýkjörinn heiðurs-
félaga Lœknafélagsins, á
aðalfundinum í Nesi.
Páll Sigurðsson lauk kandídatsprófi í læknisfræði frá
Háskóla íslands 31. janúar 1952. Hann varð sérfræð-
ingur í bæklunarlækningum 1956. Hann fékk diploma-
gráðu í lýðheilsufræði við háskólann í Bristol 1970 og
sérfræðiviðurkenningu í embættislækningum 1972.
Páll starfaði í sérgrein sinni, bæklunarlækningum,
til 1970 en gegndi jafnframt stöðu tryggingayfirlæknis
frá árinu 1960. Á þessum árum gegndi Páll fjölmörg-
um trúnaðarstörfum fyrir lækna, sat í stjórnum félaga
þeirra og var m.a. formaður Skurðlæknafélags Islands
frá 1961 til 1964. Hann fór fyrir læknafélögin á 7. ára-
tugnum ásamt Arinbirni Kolbeinssyni og Þórarni
Guðnasyni til Finnlands og Bretlands til að kynna sér
rekstur læknamiðstöðva. Um ferð þeirra má lesa ítar-
lega og merkilega skýrslu í Læknablaðinu frá þessum
tíma. Páll tók virkan þátt í stjórnmálum og sat meðal
annars í borgarstjórn fyrir Alþýðuflokkinn.
Páll varð ráðuneytisstjóri í heilbrigðis- og trygginga-
ráðuneytinu þegar það var sett á stofn 1970 og gegndi
því starfi þar til hann fékk lausn fyrir aldurssakir 1995.
Hann tók þátt í undirbúningi aðstofnun heilbrigðisráðu-
neytisins og á engan er hallað þó hann sé talinn einn
aðalhöfundur laga um heilbrigðisþjónustu frá 1973
sem í megindráttum gilda enn. Páll var á sínum dögum
í ráðuneytinu læknum ráðhollur og mátti treysta á að
þau málefni fengju framgang sem hann tók að sér.
Páll hefur ætíð verið virkur í félagsstarfi lækna og
tjáð sig frjálslega um viðfangsefni og hagsmuni lækna,
þó í embætti ráðuneytisstjóra hafi setið. Hann var
fastur gestur á aðalfundum Læknafélags Islands, tók
virkan þátt í umræðum, var tillögugóður og reyndi að
snúa hverju máli læknum og almenningi í hag.
Kjör Páls sem heiðursfélaga LÍ er m.a. til marks
um það, að læknar virða þá félaga sína, sem gera emb-
ættisstörf og stjórnsýslu í þágu lýðheilsu að ævistarfi.
Ragnheiður Guðmundsdóttir
f. 20. ágúst 1915 í Reykjavík.
Ragnheiður Guðmundsdóttir lauk kandídatsprófi í
læknisfræði frá Háskóla íslands 23. maí 1945. Hún var
sjötta konan, sem lauk læknaprófi frá HI frá stofnun
hans 1911. Hinar eru Kristín Ólafsdóttir, 1917, Katr-
ín Thoroddsen, 1921, María Hallgrímsdóttir, 1931,
Gerður Bjarnhéðinsdóttir, 1932, Sigrún Briem, 1940
og loks Ragnheiður 1945 eins og áður segir. Segja
má að kona hafi útskrifast sem læknir frá HI með
liðlega fimm ára fresti á þessum árum. Eru tímarnir
sem betur fer breyttir í þessu sem öðru. Ragnheiður
varð sérfræðingur í augnlækningum á Islandi 1966 en
áður hafði hún lokið sérfræðiprófi í augnlækningum
frá Escuela Professional de Oftalmologia í Barcelona
1964. Ragnheiður bjó sig meðal annars undir sérfræði-
viðurkenningu sína í Kaliforníu og í Maine í Banda-
ríkjunum.
Ragnheiður gegndi störfum sem læknir hér á landi,
á Spáni og í Bandaríkjunum. Hún var augnlæknir á
Landakotsspítala en skipulagði jafnframt kennslu
sjúkraliða á þeim spítala og annaðist kennslu þeirra.
Ragnheiður mun hafa átt frumkvæði að kennslu
sjúkraliða hér á landi eftir að hafa kynnst starfi þeirra
erlendis.
Ragnheiður starfaði að félagsmálum lækna. Hún
var í stjórn augnlæknafélagsins og formaður þess
1972 til 1974. Ragnheiður hafði með höndum fjölda
trúnaðarstarfa, sem hún valdist augljóslega til vegna
læknisstarfsins. Hún sat í stjórnum Rauða kross
deildar Reykjavíkur og í stjórn Rauða kross Islands, í
læknanefnd Öldrunarfélags íslands og í öldungadeild
Læknafélags íslands frá 1994 til 1996. Ragnheiður er
heiðursfélagi Golfklúbbs Reykjavíkur.
Það má hverjum manni vera ljóst, að það hefur ekki
þótt sjálfsagt fyrir konu að hefja nám í læknisfræði á
þeim árum sem Ragnheiður settist í læknadeild. Um
það bera þær tölur glöggt vitni, sem ég nefndi hér að
ofan. En Ragnheiður lét sér ekki almenna lækninga-
leyfið duga, heldur aflaði sér framhaldsmenntunar til
sérfræðiviðurkenningar víða og á fáförnum Islend-
ingaslóðum.
Kjör Ragnheiðar sem heiðursfélaga Læknafélags
íslands er m.a. til marks um það, að læknar vilja sýna
þeim konum virðingu, sem brutust gegn straumnum
til mennta og voru sú hvatning kynsystrum sínum til
að leggja stund á læknisfræði sem leitt hefur til jafnrar
stöðu kvenna á við karla í læknadeild.
780 Læknablaðið 2004/90