Læknablaðið - 15.12.2011, Síða 3

Margrél Guðnadóttir þakkar Guðmundi Þorgárssyniforseta læknadeildar fyrir heiðursnafnbótina.
Heiðursdoktor við læknadeild
Margrét Guðnadóttir prófessor emeritus var sæmd heiðursdoktorsnafnbót við athöfn í hátíðasal Há-
skóla íslands þann 9. nóvember síðastliðinn. Margrét er brautryðjandi í rannsóknum sínum á visnuveiru
í sauðfé og löngu viðurkennd sem einn af fremstu vísindamönnum í heiminum á þessu sviði. Margrét
þakkaði heiðurinn og kvað rannsóknarárangur sinn ekki síst að þakka kennara sínum og velgjörða-
manni, Birni Sigurðssyni forstöðumanni á Keldum er lést árið 1960. Sigurður Guðmundsson sviðsstjóri
heilbrigðisvísindasviðs Háskóla íslands færði Margréti þakkir fyrir hennar framlag til vísindasam-
félagsins og kvað mikilvægt að háskólinn viðurkenndi ósérhlífið ævistarf vísindamanna á borð við Mar-
gréti Guðnadóttur, sem á ferli sínum hefði ekki sóst eftir vegtyllum sjálfri sér til handa.
LISTAMAÐUR MÁNAÐARINS
Rúmt hálft ár er nú liðið frá því að Homage, verk Magn-
úsar Árnasonar (f. 1977), var sett upp í Ásmundarsafni í
Laugardal, en alls verður það til sýnis I eitt ár. Verkið felur
í sér tilvísanir í óravíddir tímans og því vel
við hæfi að það sé svo lengi á sýningu. í ein-
stökum hljómburði Kúlunnar, hvolfþaki safn-
byggingarinnar, má heyra dauft tif í klukku
sem ómögulegt er að staðsetja, enda brengl-
ast hljóðskynjun gesta algerlega í þessu ein-
staka rými. Þess utan er dimmt þegar upp er
komið og allt leggst á eitt við að skapa sér-
stök hughrif og færa áhorfandann inn í annan
heim. Fyrir miðju er upplýst borð, afmarkað
með köðlum svo áhorfendur hætti sér ekki
of nærri, enda fínlegir glerskúlptúrar á því
miðju. Það eru eins konartilraunaglös, tvær
glærar kúlur með vökva og liggur flöskuháls
í langan sveig út frá belgnum. Á þær er ritað
heiti verksins. Um er að ræða endurgerð
gamallar vísindatilraunar Louis Pasteurs frá því um 1860,
þar sem hann sýndi fram á að lif kviknar ekki af sjálfu
sér. Hann útbjó svanahálsflöskur, svipaðar þeim sem
hér má sjá, með næringarríkum vökva sem hann sauð
og enn í dag eru þær flöskur varðveittar með tærum og
líflausum vökva. Örverur sem berast með loftinu myndu
að óbreyttu menga vökvann en þær komast ekki inn um
þröngan og langan stútinn, heldur setjast á hann innan-
verðan. I sýningarrýminu ríkir samt sem áður spenna,
rétt eins og maður eigi von á því að verða
vitni að einhverju í flöskunum. Verkið leiðir
hugann að list og sköpun, spurningum um
hvort þar sé nokkuð sjálfsprottið að finna
eða er öll list hluti samhangandi fram-
vindu? I annarri flöskunni er vökvinn tekinn
að gruggast, enda hvolfdi Magnús henni á
opnun sýningar þannig að innihaldið komst
í snertingu við það sem fyrir var í stútnum.
Listamaðurinn fangar þannig augnablikið
og hrindir ákveðinni framvindu af stað en
vísar um leið bæði afturtil 19. aldar, sem
og enn lengra aftur eða til upphafs lífs á
jörðu fyrir um fjórum milljörðum ára. Þegar
Pasteur hafði sannað að sjálfskviknun lífs
væri ógerleg og Darwin um svipað leyti
sett fram þróunarkenningu sína, vöknuðu spurningar um
hvaðan lífsneistinn hefði komið i upphafi. Þeirri spurningu
er enn ósvarað i dag og er vel við hæfi að velta fyrir sér á
jólum. Gleðilega hátíð!
Markús Þór Andrésson
Læknablaðið
THE ICELANDIC MEDICAL IOURNAL
www. laeknabladid. is
Hlíðasmára 8,
201 Kópavogi
564 4104-564 4106
Útgefandi
Læknafélag íslands
Læknafélag Reykjavíkur
Ritstjórn
Engilbert Sigurðsson,
ritstjóri og ábyrgðarmaður
Anna Gunnarsdóttir
Gylfi Óskarsson
Hannes Hrafnkelsson
Tómas Guðbjartsson
Þórdís Jóna Hrafnkelsdóttir
Þórunn Jónsdóttir
Tölfræðilegur ráðgjafi
Thor Aspelund
Ritstjórnarfulltrúi
Védís Skarphéðinsdóttir
vedis@lis.is
Blaðamaður og Ijós-
myndari
Hávar Sigurjónsson
havar@lis.is
Auglýsingastjóri og ritari
Dögg Árnadóttir
dogg@lis.is
Umbrot
Sævar Guðbjörnsson
saevar@lis.is
Upplag
1700
Áskrift
9.500,- m. vsk.
Lausasala
950,- m. vsk.
Prentun, bókband
og pökkun
Oddi,
umhverfisvottuð
prentsmiðja
Höfðabakka 3-7
110 Reykjavík
%
© Læknablaðið
Læknablaðið áskilur sér rétt til að birta
og geyma efni blaðsins á rafrænu
formi, svo sem á netinu.
Blað þetta má eigi afrita með neinum
hætti, hvorki að hluta né í heild án
leyfis.
Fræðigreinar Læknablaðsins eru
skráðar (höfundar, greinarheiti og
útdrættir) í eftirtalda gagnagrunna:
Medline (National Library of Medicine),
Science Citation Index (SciSearch),
Journal Citation Reports/Science
Edition og Scopus.
The scientific contents of the lcelandic
Medical Journal are indexed and abst-
racted in Medline (National Library
of Medicine), Science Citation Index
(SciSearch), Journal Citation Reports/
Science Edition and Scopus.
ISSN: 0023-7213
LÆKNAblaðið 2011/97 667