Frjáls verslun - 01.10.2012, Page 56

56 FRJÁLS VERSLUN 11. 2012
Stefanía Óskarsdóttir segir þrennt standa upp úr á stjórnmála­sviðinu árið 2012. Hún
nefnir að í fyrsta lagi hafi fengist
niðurstaða í máli meirihluta
alþingis gegn Geir H. Haarde
fyrir landsdómi. „Geir var sýkn­
aður af helstu ákæruatriðunum
nema þeim að hafa ekki sett
málefni bankanna á dagskrá
ríkisstjórnarfunda. Ákæruvald­
inu tókst m.ö.o. ekki að sanna
að forsætisráðherra hefði með
einhverju móti getað afstýrt
bankahruninu eða lágmarkað
tjón landsmanna frekar.
Annað mál eru átökin um
stjórn arskrána. Stjórnarliðar
virðast þess fullvissir að það
sé framfaraskref að samþykkja
víð tækar breytingar á stjórnar­
skránni á grunni tillagna stjórn­
lagaráðs enda hafi kjósendur
gefið grænt ljós á tillögurnar í
þjóðaratkvæðagreiðslu í október
sl. Hins vegar hafa sérfræðingar
og reyndir stjórnmálamenn utan
þings lýst efasemdum um ágæti
tillagnanna enda alls óvíst að
breyt ingarnar styrki stjórnmála­
kerfið.“
Stefanía segir að þriðja atrið ið
sem megi nefna sé að ríkis­
stjórnin varð formlega minni ­
hlutastjórn á árinu þegar Róbert
Marshall varð fjórði þingmað ­
urinn sem sagði skilið við
stjórnar flokkana á kjörtímabilinu.
„Aldrei áður hefur verið jafnmikil
hreyfing á þingmönnum á milli
flokka og á þessu kjörtímabili
en Sjálfstæðisflokkurinn er eini
flokk urinn sem ekki hefur misst
þingmann fyrir borð.“
Átök á stjórn mála sviðinu
dR. STeFAnÍA óSKARSdóTTIR
– lektor við HÍ
STJÓRNMÁL
H
eilmiklar breyting­
ar hafa orðið á
skipuritum ís­
lenskra fyrirtækja
á árinu 2012 með
mismunandi afleiðingum fyrir
framkvæmd mannauðsstjórn­
unar. Í sumum tilfellum hafa man­
nauðsdeildir verið afmáðar af
skipuritinu eða ábyrgðarmaður
mannauðsmála fluttur á næsta
lag fyrir neðan. Önnur fyrirtæki
og stofnanir hafa á árinu ráðið
fyrsta mannauðsstjórann sinn
og/eða boðið honum eða henni
til sætis við framkvæmdastjórn­
ar borðið. Það er í sjálfu sér ekki
aðalatriðið hver situr við það
borð heldur er aðalatriðið hvort
skipulega er unnið að því að
mannaflinn sé til þess fallinn að
koma stefnumiðum fyrirtækisins
í framkvæmd. Á meðal æðstu
stjórnenda eru einstaklingar sem
gæta þess að staldra við þegar
stefnumarkandi ákvarðanir eru
ræddar til að spyrja lykilspurn­
inga á borð við: „Höfum við
rétta fólkið fyrir þetta?“ „Erum
við í stakk búin til að þjálfa fólk
fyrir þessa breytingu?“ „Tryggja
hvatakerfin okkar að allir stefni í
sömu átt?“ „Stuðlar frammistöðu­
matið okkar að því að hvarvetna
sé valinn maður í hverju rúmi?“
„Miðlum við stefnunni nægilega
mikið til fólksins til að líkur séu á að
unnið verði í samræmi við hana?““
Ásta segir að ef sérstakur
mann auðsstjóri er ekki til staðar
til að spyrja þessara spurninga
þurfi einhver annar að gera það.
Stundum séu almennir stjórnend­
ur í efsta teyminu jafnframt sterkir
stjórnendur mannauðs og vinni
einfaldlega vel að þessum mál­
um sjálfir. „Slíkt er í raun mikill
styrkleiki í einu fyrirtæki. En oftar
en ekki telja efstu stjórnendur
þetta ekki vera sína „deild“,
ekki frekar en fjármálin eða
upplýsinga tæknin. Þess vegna
verða til sérstök stoðsvið á
þessu sviði. Það verður athyglis­
vert að sjá hvað niðurstöður
CRANET­könnunarinnar á ís­
lenskri mannauðsstjórnun 2012
segja um þessa þróun.“
Mannauðsstjórnun í skipuritinu 2012
dR. ÁSTA BjARnAdóTTIR
– ráðgjafi hjá Capacent
MANNAUÐS-
STJÓRNUN
skoðun
Nú er ekki aðeins að koma nýtt ár heldur nýtt skattaár með nýjum og breyttum álögum og sífellt er verið að gera núverandi kerfi flóknara.
Nú sjáum við skattahækkanir fimmta árið
í röð og óvissan í rekstri fyrirtækja heldur
áfram. Undanfarin ár hafa skattabreytingar
og hækkun gjalda verið tilkynnt með nánast
engum fyrirvara sem gerir alla áætlanagerð
erfiða og þar með rekstur fyrirtækja á Íslandi.
Óháð því hvort einstaka skattar eigi rétt á
sér, til að ná fram stefnu stjórnvalda, eru
vinnu brögðin óviðunandi þegar tímafrestur
er enginn, eins og ferðaþjónustan þarf að
búa við, s.s. hótelin og bílaleigurnar, og geta
ekki brugðist við með neinum hætti. Fyrirhug­
uð breyting á byggingarreglugerð gæti aukið
byggingarkostnað og mun leiða til þess að
innflytjendur á byggingarvörum sitja upp
með stóran lager af óseljanlegri vöru. Að
þessum afleiðingum er aldrei hugað við
svona breytingar.“
Jón Snorri bendir á stöðu sumra fyrirtækja
sem vilja fjárfesta í tækjum í dag sem þurfa
að fá undanþágu frá fjármagnshöftum Seðla­
bankans. Hann segir að bankinn fái þannig
ákveðið vald til þess að ákveða hvaða fjár­
festingar fái að fara fram og hverjar ekki eftir
því hvort talið sé að þær falli undir heimildir
fjármagnshaftanna eða ekki. „Með þessu
móti má segja að ríkisvaldið geti komið að
miðstýringu efnahagslífsins.“
Óvissan er óvinur atvinnulífsins
jón SnoRRI SnoRRASon
– lektor við viðskipta fræð i deild Háskóla Íslands
FYRIRTÆKIÐ &
ÞJÓÐFÉLAGIÐ
Fundir, ráðstefnur, veislur,
spennandi matarupplifun í kraftmiklu umhverfi
A
N
T
O
N
&
B
E
R
G
U
R
Hafðu samband í síma 420 8800 eða á sales@bluelagoon.is