Þjóðlíf - 01.12.1990, Qupperneq 105

Með slíkum úrræðum er líklegt að
draga megi úr starfsdoða en það fellur að
sjálfsögðu stundum í hlut starfsmanna að
vekja athygli á þörfum sínum um breytta
tilhögun í starfi. Oft er það svo að stjórn-
andi hefur í svo mörg horn að líta að hann
gefur ekki nægan gaum að slíku. Megin-
niðurstaðan verður því þessi: Til að forð-
ast yfirþyrmandi leiða í starfi er vænlegast
að ráðast gegn orsökum hans. Það er unnt
að temja sér að ganga skipulega að verk-
efnum dagsins og líta á þau sem örvandi
viðfangsefni í stað þess að fyllast hryllingi
þegar hugsað er til þeirra. í þessu tilliti er
mikilvægt að þekkja takmörk sín og taka á
sig eðlilegar skuldbindingar en ekki þar
umfram.
0
VATNS ER ÞÖRF
eftir Sigu'rjón Rist
Ómissandi handbók um ár
og vötn á Islandi
Bókaútgáfa Menningarsjóðs
Skálholtsstíg 7
Starfsdoði er ómeðvituð streita og þekkist á öllum vinnustöðum. Fólk á öllum vinnustöðum
verður líka að læra að fá sér sæti og „slappa af‘.
Það er ljóst að á vinnustað má færa
margt til betri vegar og minnka líkur
á starfsdoða meðal starfsfólks. Jesper All-
entoft er danskur sálfræðingur sem hefur
sérhæft sig í starfsmannavali og þjálfun
stjórnenda. Hann nefnir einkum tvennt:
vinnuskipulag þarf að vera í föstum skorð-
um, en vera þó sveigjanlegt og starfsmenn
verða að fá að hafa áhrif á þær ákvarðanir
sem teknar eru innan fyrirtækisins. Raun-
ar getur starfsdoði hlotist jafnt af of mikilli
stífni og lausung yfirboðara. Það varðar
miklu að hver starfsmaður viti til hlítar
hvers er vænst af honum og jafnmikilvægt
er að starfsreglur þrengi ekki svo að hon-
um að þær kæfi allt frumkvæði hans.
Jesper hvetur ennfremur til þess að yfir-
boðari sjái til þess að hver starfsmaður eigi
alltaf tryggan aðgang að einhverjum sem
hann getur leitað til og rætt við um vanda-
mál sín og hagi sína í fyrirtækinu.
Jesper bendir einnig á að það er nauð-
synlegt að í kjölfar tímabils þar sem yfir-
vinna hefur verið mikil komi nokkur
hvíldartími. Þetta ættu íslenskir vinnu-
veitendur að íhuga vel! Starfsmenn þurfa
líka að geta sagt nei og vísað viðfangsefn-
um frá sér ef viðfangsefni þeirra eru orðin
óhæfilega mikil. í kjölfar mikils álags ætti
að bjóða sérstök leyfi, hvíldartíma og frí-
daga. Ef verkefni krefst mikillar einbeit-
ingar er nauðsynlegt að hægt sé að vinna
að því í ró og næði og þá henta nútímaleg-
ar, opnar skrifstofur með ófullkomnum
skilrúmum illa.
NÝ BÓK:
ÞJÓÐLÍF 105