Frjáls verslun - 01.03.2015, Page 28

28 FRJÁLS VERSLUN 3 tbl. 2015
álitsgjafar
„Svíinn Fredrik Eklund hef ur
náð þeim áfanga að vera titl að ur
„besti sölumaðurinn“ á fasteigna­
markaði í New York.“
Skrýtinn maður
selur best
STJÓRNUNARMOLI gíSLi kriStjánSSon
blaðamaður
S
víinn Fredrik Eklund hefur náð
þeim áfanga að vera titlaður „besti
sölumaðurinn“ á fasteignamarkaði
í New York. Samkeppni er hvergi
meiri en þar. Aðeins bestu sölumennirnir ná
á toppinn.
Eklund segir að „allt sé til sölu, alltaf, og
allir séu sölumenn, alltaf“. Með þessu vill
hann þó ekki réttlæta það að „selja ömmu
sína“ bara ef rétt verð fæst. Heldur hitt að
í lífi nu eru allir á einn eða annan hátt að
selja sig: Mannleg samskipti, þar á meðal á
vinnustað, eru með einum eða öðrum hætti
sölumennska.
Þessi sölumennska liggur í mannlegu eðli
og ekkert við hana að athuga. Aðalatriðið
er, að mati Svíans, að viðurkenna þetta fyrir
sjálf um sér. „Lífið er lotterí og ég tek þátt í
því,“ sagði skáldið og á vissan hátt eru allir
alltaf að reyna að selja sjálfa sig sem happ­
drættismiða. Nýliði á vinnustað er eins og
nýkeyptur happdrættismiði.
En hvað hvað gEtur sölumaður
af harðasta fastEignamarkaði
í hEimi kEnnt fólki á vEnju-
lEgum vinnustöðum? Eklund
hEfur skrifað bók um málið og
hér Eru hElstu ráðin:
1Vertu þú sjálfur. Sölumaður getur ekki tileinkað sér stíl sem er ólíkur hans eigin persónuleika. Það þýðir ekkert
að þykjast. Það sparar mikla orku að vera
bara maður sjálfur.
2Vertu skrýtinn. Allir menn eru skrýtnir. Í staðinn fyrir að fela strýtileikann er rétt að vera bara skrýtinn. Það er
ekkert gaman að tala við fólk sem hefur
tamið sér formlega og staðlaða framkomu.
Láttu fólk sjá að þú ert líka svolítið skrýtinn.
Það selur.
3Vertu vingjarnleg/ur. Svíinn segir að það séu mistök margra í sölumennsk­unni að forðast vináttu við viðskipta­
vininn. Hikaðu ekki við að verða vinur þeirra
sem þú skiptir við og ekki bara vingjarnlegur
á yfirborðinu. Þetta á jafnt við um fasteigna­
viðskipti, mannaráðningar og dagleg störf.
4Viðurkenndu staðreyndir. Staðreynd­in, sem Svíinn talar um, er að fólk er alltaf að selja sig. Í vinnunni eru
starfsmenn að selja sig og sína hæfileika,
hvort sem það er utan vinnustaðar eða
innan. Stjórinn er að selja starfsfólkinu sína
hæfileika og starfsfólkið er að selja stjóran­
um sína. Svona er þetta bara og eins gott
að viðurkenna það.
5Viðurkenndu mistök. Þeir sem ekki vilja viðurkenna eigin mistök eru óviss­ir um sjálfa sig. Öllum verður á og
enginn nær alltaf öllum markmiðum sínum.
Sjálfsöruggt fólk viðurkennir mistök.
6Hvað ertu eiginlega að selja? Allir ættu að spyrja sig þessarar spurningar. Er ég að selja vinnutíma, hugmynd ir,
hæfileika, vöru, þjónustu, fasteign eða bara
vináttu? Allt er til sölu og eins gott að huga
strax að því hvað þú hefur að selja.
Fredrik Eklund
VIÐSKIPTAÞJÓNUSTA
ÚRVALS ÚTSÝNAR
HRINGDU EÐA SENDU OKKUR LÍNU
OG FÁÐU RÁÐGJAFA FRÁ OKKUR Í HEIMSÓKN
585 4400 VIDSKIPTAFERDIR@UU.IS
Við erum óháð flugfélögum og finnum því
hagkvæmustu leiðina fyrir þitt fyrirtæki.
• Neyðarsími 24/7 og eigin ferðaráðgjafi fyrir
samningsbundin fyrirtæki.
• Ferðaráðgjafar með áralanga reynslu og þekkingu.
• Sérsníðum ferðir fyrir einstaklinga og hópa.