Frjáls verslun - 01.03.2015, Page 45

FRJÁLS VERSLUN 3 tbl. 2015 45
sinn hjá sænska símarisanum
LM Ericsson. Hann er upphaf­
lega rafmagnsverkfræðingur að
mennt en hefur síðar bætt við sig
viðskiptafræði.
Fyrstu 15 árin var hann hjá
Erics son og sinnti þar alþjóðleg­
um verkefnum. Hann hefur gegnt
fjölmörgum stjórnunarstöðum í
upplýsingatæknifyrirtækjum, svo
sem stöðu framkvæmdastjóra
sölu­ og markaðsmála sam­
stæðu hjá Logica PLC í London,
stöðu forstjóra CMG Wireless
Data Solutions BV í Hollandi og
stöðu forstjóra EHPT AB – sem
var samstarf milli Ericsson og
Hewlett Packard – í Svíþjóð.
Síðustu 12 árin hefur Thomas
unnið að verkefnum tengdum
samruna og yfirtökum og
eftir fylgni breytinga í kjölfarið.
Hann hefur verið ráðgjafi og
fjárfestir í litlum og meðalstórum
fyrirtækjum og situr í fjölmörgum
stjórnum.
Advania næsta skrefið
Það var í framhaldi af þessum
störfum sem hann stofnaði
fjárfestingafélagið AdvInvest
AB í þeim tilgangi að kaupa
íslenska tölvufyrirtækið Advania.
Upphafsstafirnir Adv vísa til
Advania. Fjárfestingafélagið er
stofnað um kaupin á Advania.
Í þessum tilgangi leitaði hann
til fjárfesta sem hefðu hug á að
taka þátt í verkefninu.
Upphaflega hugðist hann
kaupa Advania að fullu strax en
félagið var að meirihluta í eigu
Framtakssjóðs Íslands sem
aftur er eign lífeyrissjóðanna.
Niðurstaðan varð þó sú að í
fyrstu eignaðist AdvInvest AB
58,5% af fyrirtækinu eftir hluta­
fjáraukningu.
„Ég fékk í raun umþóttunar­
tíma í eitt ár til að átta mig á
að stæðum á Íslandi og hjá Adva­
nia. Þetta var held ég góð lausn
og nú heldur starfið áfram. Eftir
árið var ég sem fyrr ákveðinn í
að kaupa og núna eru þau kaup
frágengin,“ segri Thomas.
Lífseigar efasemdir
Fjárfestanir að baki AdvInvest
AB tengjast flestir upplýsinga­
greinum en þarna eru líka menn
sem hafa verið í fasteigna­
kaupum.
„Ég leitaði til nokkuð margra
um að vera með í AdvInvest.
Það komu strax upp efasemdir
hjá nokkrum þeirra um að rétt
væri að fjárfesta á Íslandi. Þær
efa semdir má rekja til hrunsins
2008. Vantrúin á íslenskt athaf­
nalíf eftir bankahrunið er lífseig.
Þetta olli þó ekki verulegum
vandræðum en það eru fyrst
og fremst menn úr tölvugrein­
um sem fjárfestu enda eru þeir
vanir að hugsa alþjóðlega,“ segir
Thomas.
Álitlegt fyrirtæki
En af hverju Advania? Fyrirtækið
er stórt á Íslandi en enginn risi í
alþjóðlegum samanburði.
„Ég fór einfaldlega að svipast
um eftir álitlegu fyrirtæki að leggja
fé í með það í huga að stækka og
byggja upp. Þarna var Advania
álitlegur kostur vegna lausna
sem unnið hefur verið að innan
fyrirtækisins. Þarna er mikil
reynsla og þekking samankomin.
Sterk tengsl við helstu lykilbirgja í
upplýsingatækni og gæðavottun
þess skiptir þar miklu. Fyrirtækið
hefur sterka stöðu á heimamark­
aði og fótfestu bæði í Svíþjóð
og Noregi. Þessir þættir réðu
útslitum,“ segir Thomas.
Hann segir einnig að ódýrara
sé að reka fyrirtæki á Íslandi en
í Svíþjóð. Kostnaður sé minni og
því standi ekki til að flytja starf­
semina úr landi. Möguleikar á
vexti séu hins vegar helstir ann­
ars staðar á Norðurlöndunum.
Fyrri áform um að skrá Ad­
vania í kauphöll í Reykjavík og
Stokkhólmi standa óbreytt og
verða væntanlega að veruleika á
næsta ári.
Thomas segist ekki hafa viljað
nýta sér gjaldeyrisafsláttarleið
Seðlabanka Íslands. „Við viljum
vera óháðir öllum skilyrðum og
ekki binda okkur við utanaðkom­
andi samninga,“ segir Thomas.
Markmiðið er að stækka
„Markmiðið hjá mér er að auka
veltuna, stækka fyrirtækið. Við
erum núna með 600 í vinnu á
Íslandi og 300 í Svíþjóð. Grunn­
urinn er góður þótt Advania
flokkist undir lítil til meðalstór
fyrirtæki í Svíþjóð. Þetta fyirtæki
á eftir að vaxa. Ætlunin er að
byggja ofan á það sem fyrir er,“
segir Thomas.
Thomas hefur síðasta árið verið
mikið á Íslandi en annars er hann
búsettur í Stokkhólmi. Áður var
hann með annan fótinn í Lundún­
um og í stöðugum ferðum á milli
landa.
„Ég vildi ráða meira mínum
tíma og mínum ferðum og því
ákvað ég að gerast fjárfestir í
stað þess að vinna fyrir aðra.
Tölvur og upplýsingatæknin eru
það svið sem ég þekki og nú hef
ég stigið eitt mikilvægt skref í þá
átt að vinna fyrir eigin reikning,“
segri Thomas.
„Þetta er langtímafjárfesting
af minni hálfu. Ég sé fyrir mér
meiri samvinnu milli landa og
það verða vissar breytingar,
sem unn ið verður að á næstunni.
Þetta verður spennandi fyrir alla,
bæði fjárfestana og starfsfólkið,“
segir Thomas Ivarson.
„Ég fékk í raun umþótt­
unar tíma í eitt ár til að
átta mig á að stæðum á
Íslandi og hjá Advania.
Þetta var held ég góð
lausn og nú heldur
starfið áfram.“
„Þetta er langtímafjár­
festing af minni hálfu. Ég
sé fyrir mér meiri sam­
vinnu milli landa og það
verða vissar breytingar,
sem unn ið verður að á
næstunni.“
um advaia
Níunda stærsta fyrirtæki um upplýsingatækni á Norðurlöndum með
starfsemi á Íslandi og í Svíþjóð og Noregi.
Starfsmenn eru um 1.000.
Að meirihluta í eigu sænska fjárfestingafyrirtækisins AdvInvest.
stjórnarformaður: Thomas Ivarson.
forstjóri: Gestur G. Gestsson.
Advania varð til árið 2012 en á upphaf að rekja til Einars J. Skúla­
sonar skrifstofuvéla hf. (1939) og Skýrsluvéla ríkisins og Reykjavíkur­
bæjar – Skýrr hf. (1952) auk margra annarra fyrirtækja síðar á Íslandi
og annars staðar á Norðurlöndunum.