Frjáls verslun - 01.03.2015, Page 87

FRJÁLS VERSLUN 3 tbl. 2015 87
í hvað set ég tímann minn?
Hversu stórt hlutfall af tíma
mín um fer í mikilvæg verkefni
sem eru þó án tímamarka (e.
import ant and not urgent),
s.s. að vera til staðar fyrir mitt
fólk, leiðbeina því, veita upp­
byggilega endur gjöf, bjóða
stuðning, hjálpa því að þróast
í starfi, spyrja það um þeirra
hugmyndir og tillögur, mynda
tengsl o.s.frv.

hversu duglegur er ég að
sinna eigin þróun í starfi?
Hvaða bækur hef ég lesið
eða hvaða hljóðbækur hef
ég hlustað á nýlega? Hvaða
fyrirlestra hef ég sótt eða
fylgst með á netinu? Hvað er
langt síðan ég sótti námskeið
sem getur gert mig að betri
stjórnanda? Hef ég nýtt mér
markþjálfun? Er ég í öflug­
um mastermind­hóp eða
fagfélagi?
Öflugir stjórnendur nýta sér
nýjustu rannsóknir og kenn­
ingar um það sem best þykir
í stjórnun á hverjum tíma.
Til þess þarf gjarnan gott
sjálfstraust, að þora að láta af
ýmsum þrautreyndum aðferð­
um og taka upp nýjar.
Nú er mikið í umræðunni að þeir
sem vilja ná árangri, stjórnendur
og aðrir, þurfi að vera öflugir
leiðtogar í eigin lífi og starfi (e.
self­leadership). Fyrst þegar fólk
hefur náð því getur það farið að
vera leiðtogar annarra eða leið­
togar ákveðinna niðurstaðna.
Það að vera leiðtogi yfir sjálfum
sér krefst þess að þú hafir
þroskaða sýn á hver þú ert, hvað
þú ert fær um, hvert þú stefnir –
ásamt getunni til að hafa stjórn
á eigin framkomu, tilfinningum
og hegðun á leið þinni að tak­
markinu.
Einnig er talað um nýja nálgun
við að nálgast og stjórna fólki,
með því að tengjast sjálfum sér
betur og þannig ná betur að
tengjast og vinna með sínu fólki
(e. heart based leadership).
Þessi nálgun krefst þess að
stjórnendur þori að líta inn á við,
vita fyrir hvað þeir vilja standa,
hvernig þeir geta nýtt styrkleika
sína sem best, orðið betri í að
eiga góð samskipti og hvert þeir
stefna með sig sjálfa. Stjórnend­
ur sem ná þessum tengslum
taka ákvarðanir út frá því sem
þeir vita að er rétt og samræmist
þeirra gildum og góðri siðfræði.
Þeir stjórnendur sem þora að
vera stjórnendur á þennan hátt,
þora að láta af eldri og viður­
kenndum aðferðum og hugmynd­
um, leggja gjarnan mikið upp
úr því að fá starfsfólk til að sjá
tilgang með störfum sínum, hlusta
á starfsfólk sitt, kalla eftir hug­
myndum þess að úrlausn mála
og þar fram eftir götunum.
Þeir þora einnig að viður­
kenna að þeir viti ekki allt best
sjálfir, hika ekki við að spyrja
undirmenn sína ráða, þora að
endurskoða ákvarðanir, biðjast
afsökunar og hafa nógu mikið
sjálfstraust til að leyfa sínu fólki
að eiga heiðurinn af verkum
sínum og blómstra í starfi.
Það besta við að fá að vera
með mannaforráð og þora að
vera góður stjórnandi, sam­
kvæmur gildum sínum og nýj­
ustu hugmyndum um stjórnun, er
einmitt að hjálpa sínu fólki að ná
árangri, fagna og samgleðjast
því.
Þorir þú að prófa nýja nálgun í
þinni stjórnun?
Starfsmenn kvarta yfir
því að fá ekki uppbyggj­
andi endurgjöf, hvatn­
ingu, hrós eða fagnaðar­
stundir þegar áföngum er
náð – en fá mjög fljótt að
vita af því ef eitthvað má
betur fara.
Við uppeldi barna
þarf meðal annars að
leiðbeina, styðja, byggja
upp traust í samskiptum,
hlusta, sýna heilbrigðan
aga, vera samkvæmur
sjálfum sér, setja skýr
mörk, þora að segja já,
þora að segja nei, hvetja,
hrósa, fagna og halda
upp á áfanga, þora að
sleppa tökunum, treysta
og samgleðjast.
Hvað vil ég að mitt fólk
læri af mér? Hvað geri ég
til að hjálpa mínu fólki
að vaxa og eflast í starfi,
að verða öflugra en þegar
ég fékk það undir mína
ábyrgð? Hvaða ákvarð­
anir þarf ég að taka?
Hvaða áföngum ætla
ég að ná með mitt fólk
á hverjum ársfjórðungi
þessa árs?