Frjáls verslun - 01.02.2011, Blaðsíða 10
10 FRJÁLS VERSLUN 1.tbl.2011
HARpAN er tíguleg við höfnina og þar verður fyrsti
tónninn sleginn bráðlega. Þetta er lang þráð tónlistar-
hús fyrir unnendur óperu söngs og fagurra tóna – sem
og fyrir ráðstefnur og kynningar. Í Hörpunni verður
glæsilegur veitingastaður.
E
n Harpan kostar sitt og um það hefur verið skrifað
og þrefað; 27,5 milljarða króna fullkláruð. Það er
mikið fé á erfiðum tímum. Upphaflega var ráðgert að
Harpan kostaði 12,5 milljarða króna – en það var á
verðlagi ársins 2004.
Kostnaðurinn fyrir hrunið í október 2008 var kominn í um 10
milljarða hjá fyrrverandi eigendum sem stofnuðu til verksins;
þ.e. gamla Landsbankanum og Nýsi.
Það var úr vöndu að ráða eftir hrun. Framkvæmdir stöðvuðust.
Átti að láta verkið standa hálfkarað í áratugi á einum fjölfarnasta
reit landsins í miðbæ höfuðborgarinnar eða klára það? Seinni
kosturinn var valinn.
Það mun kosta núverandi eigendur Hörpu 17,5 milljarða króna
að klára húsið samkvæmt núverandi byggingaráætlun.
Núverandi eigendur greiða fjárfestingu sína niður á 35 árum
en þá verður húsið komið að fullu í þeirra eign. Þeir munu ekki
greiða til rekstrar hússins.
Austurhöfn hf. á Hörpu. Eigendur Austurhafnar eru ríkið með
54% og Reykjavíkurborg 46%. Ríkið er því meirihlutaeigandi.
Eina eign Austurhafnar hf. eru hlutabréf í Portusi sem er með
tvö dótturfélög; fasteignafélag sem byggir og á húsið og rekstr ar
félag sem rekur það.
Systurfélag Portusar er Situs. Það á lóðirnar á svæðinu í
kringum Hörpu þar sem m.a. er gert ráð fyrir byggingu hótels.
Áætlað er að tekjur Hörpu af tónlistar og ráðstefnuhaldi á
fyrsta heila rekstrarárinu 2012 verði 636 milljónir króna.
Á því ári er reiknað með 750 þúsund gestum í húsið. Skipting
in er áætluð svona: Ráðstefnu og fundagestir verði 52.000,
tón leikagestir 196.000, veislugestir 55.000, erlendir ferðamenn
275.000 og Íslendingar í öðrum erindum um 172.000.
Opnunartónleikarnir í Hörpu verða þrennir tónleikar Sinfóníu
hljómsveitar Íslands 4., 5,. og 6. maí undir stjórn Vladimirs
Ashkenazys.
Þegar eru bókaðir 230 tónleikar út þetta ár og 82 ráðstefnur.
Þá hafa 35 annars konar viðburðir verið bókaðir í húsinu.
Bygging Hörpu hófst í september 2006 en stöðvaðist í október
2008 þegar fyrri eigendur, gamli Landsbankinn og Nýsir, til
kynntu að þeir gætu ekki staðið við skuldbindingar sínar.
Framkvæmdir hófust aftur í mars 2009 af hálfu Austurhafnar.
Harpan kostar sitt en hún er bæjarprýði.
TexTi: Jón G. Hauksson Myndir: Geir ólafsson
Harpa?
Hvað
kostar