Frjáls verslun - 01.02.2011, Blaðsíða 18

18 FRJÁLS VERSLUN 1.tbl.2011
fyrst & fremst
Eina fyrirtækið sinnar
tegundar
Áslaug Magnúsdótt­ir lauk lögfræðiprófi frá Háskóla Íslands, meistaraprófi (LLM)
frá Duke­háskóla í Bandaríkjun­
um og MBA­námi frá Harvard
Business School. Hún vann í
nokkur ár sem ráðgjafi hjá Mc­
Kinsey í London, hún vann hjá
Baugi þar í borg og hélt síðan
til Bandaríkjanna þar sem hún
starfaði sem aðstoðarforstjóri
hjá Marvin Traub í New York um
nokkurra ára skeið en um er
að ræða ráðgjafarfyrirtæki sem
hefur einbeitt sér að ráðgjöf í
tísku heiminum. Þess má geta að
langt viðtal við Áslaugu birtist í
Frjálsri verslun árið 2007 þegar
hún vann þar.
„Ég hef unnið sem fjárfestir,
ráðgjafi og stjórnandi innan
tískuheimsins í mörg ár. Á þeim
árum hef ég oft heyrt frá hönn­
uðum að margt af því sem þeir
hafa hannað hafi aldrei staðið
viðskiptavinunum til boða því
verslanir kaupa inn einungis
lítinn hluta af þeirri hönnun sem
sýnd er á tískusýningum. Ég hef
einnig heyrt frá fjölmörgum kon­
um að þær hafi séð ákveðnar
flíkur á tískusýningum sem þær
hafa horft á á netinu og hefðu
gjarnan viljað eignast en hafi
ekki staðið til boða í verslunum.
Ég vildi því leggja áherslu á að
finna leið til að tengja hönnuðina
beint við viðskiptavinina – við
þá sem kunna best að meta
hönn un þeirra.“ Stofnendur og
eigendur Moda Operandi eru
tveir: Áslaug og Lauren Santo
Domingo auk þess sem fjárfest­
ar eiga einnig hlut í fyrirtækinu.
Lauren vann lengi sem „contri­
buting editor“ eða ráðgefandi
ritstjóri hjá Vogue. Sautján manns
starfa hjá fyrir tækinu í New York.
geta valið úr öllu
Moda Operandi er að sögn
Ás laugar eina fyrirtækið sinnar
tegundar – bæði hvað varðar
það að viðskiptavinir geti pantað
nýjustu tísku innan nokkurra
daga frá tískusýningu ákveðins
hönnuðar sem og að þeir geti
valið úr öllu sem hönnuður sýnir
á hverri tískusýningu.
„Fyrir tíu árum virkaði það
kerfi, sem er ennþá við lýði, þar
sem viðskiptavinir höfðu ekki
vitn eskju um hvað væri í boði
eftir sýningar. Það sem þeir sáu
á þeim tíma var aðeins það sem
verslanir höfðu keypt og buðu
síðan til sölu. Fólk hefur svo miklu
meiri þekkingu á tísku núna veg­
na auðvelds aðgangs að upp­
lýs ingum og getur því séð alla
nýjustu hönnun á netinu jafnvel
meðan á sýningu stendur. Það
er mikilvægt að koma til móts við
áhugasama viðskiptavini sem
gera kröfur um að tryggja sér
hlutina strax og vilja ekki bíða í
marga mánuði. Það er ljóst að
þegar fólk sér eitthvað sem það
hefur áhuga á að fjárfesta í ætti
það að vera sjálfsagður hluti
samskipta við viðskiptavininn að
bregðast við fljótt og vel.“
vera Wang og Nina ricci
Áslaug segir að heimsmark aður­
inn fyrir lúxusvörur hafi minnkað
talsvert frá árinu 2007 til 2009
en á árinu 2010 hafi aftur orðið
mikill vöxtur á markaðnum í
nánast öllum heimshlutum. „Ég
held reyndar að margir hafi
ákveðið að vanda valið meira
en þeir gerðu áður – kaupa
færri stykki en virkilega einblína
á gæði og sérhæfða hönnun.
Moda Operandi­síðan hentar
mjög vel þeim sem vilja vanda
valið og kaupa hágæðavöru.“
Hvað varðar áherslur í rekstrin­
um segir Áslaug að það sé að
bæta við viðskiptavinum og
auka vöruúrvalið jafnt og þétt.
„Við leggjum mikla áherslu á að
kynna bestu hönnun í heimi og
veita bestu mögulegu þjónustu.“
Áslaug segir að í upphafi hafi
Moda Operandi verið í samstarfi
við um fimmtíu bestu merkin og
á meðal þeirra eru Vera Wang,
Missoni, Nina Ricci, Matthew
Williamson og Alberta Ferretti.
„Við vinnum beint með hönn­
uðum sem vörurnar koma frá.
Við förum almennt á vinnustofur
þeirra einum til tveimur dögum
eftir tískusýningar og tökum
myndir af vörunum frá ýms­
um sjónarhornum þannig að
við skiptavinir okkar fái að sjá öll
smá atriði svo sem efni, sauma
og skreytingar. Við setjum vör­
una á sölu á Moda Operandi­
síðunni nokkrum dögum eftir
myndatökuna og eru vörurnar
á síðunni í allt að viku í senn.
Eftir að sölu lýkur sendum við
hönnuðinum pöntun fyrir þeim
vörum sem viðskiptavinirnir hafa
pantað. Við erum því ekki með
lager nema á þeirri vöru sem
þegar hefur selst.“
Nokkrir stílistar vinna hjá Moda
Operandi við að svara spurn­
ingum viðskiptavina allan sólar­
hringinn.
„Viðtökurnar hafa verið mjög
góðar. Hönnuðirnir eru afskap­
lega spenntir fyrir því að hafa
tækifæri til að selja alla línuna
sína og að fá svona fljótt upp­
lýsingar um hvaða vörum við­
skiptavinir eru spenntastir fyrir.
Þetta gerir hönnuðunum kleift að
skipuleggja framleiðsl una betur.
Viðskiptavinir hafa líka tekið
mjög vel í þessa hugmynd. Eftir
ein ungis fimm vikur í rekstri erum
við strax komin með marga fasta
kúnna sem versla hjá okkur einu
sinni til tvisvar í viku.“
Áslaug Magnúsdóttir er annar eigandi og framkvæmda-
stjóri Moda Operandi sem selur hátískuföt á netinu nokkr-
um dögum eftir tískusýningar hönnuðanna.
Moda Operandi:
TexTi: svava JónsdóTTir
Áslaug Magnúsdóttir.
„Viðtökurnar hafa verið
mjög góðar. Hönnuðirnir
eru afskaplega spenntir fyrir
því að hafa tækifæri til að
selja alla línuna sína og að fá
svona fljótt upplýsingar um
hvaða vörum viðskiptavinir
eru spenntastir fyrir.“
iPhone 4
Stundum eru orð of fátækleg til að lýsa upplifuninni.
Stærsti
skemmtis
ta›ur
í heimi!
d
a
g
u
r
&
s
t
e
in
i
3.000 kr. símnotkun fylgir með 0 kr. Nova í Nova og Eitt verð í alla, áskrift og frelsi.
Mánaðarleg afborgun greidd með kreditkorti + 250 kr./mán. greiðslugjald.
Það er ódýrara að staðgreiða og þá þarf ekki kreditkort.
Verslanir Nova eru í Kringlunni, Smáralind, Lágmúla, MM Selfossi og á Glerártorgi Akureyri
Þjónustuver 519 1919 | www.nova.is | m.nova.is | Facebook | Twitter
7.990 kr./18 mán.
iPhone 4 16 GB
3.000 kr. notkun á mán.
í 12 mánuði fylgir!
Staðgreitt: 139.990 kr.
3.000 kr.símnotkun ámánuði í 12mán. fylgiriPhone 4hjá Nova!