Frjáls verslun - 01.02.2011, Blaðsíða 46

46 FRJÁLS VERSLUN 1.tbl.2011
af hverju þessar ákveðnu breytingar hafi
orðið fyrir valinu og hvers vegna þær eru
mikilvægar.
Miðlun upplýsinga er lykilatriði og í því
samhengi þarf að huga að:
Hvers vegna fyrirtækið þurfi að innleiða
breytingar.
Hvað starfsfólkið þurfi að gera.
hvernig starfsfólkið muni njóta góðs af
því. Hver áhrifin verða.
Hversu langan tíma breytingaferlið
muni standa yfir.
Árangursrík miðlun upplýsinga er afar mikil­
væg því hún dregur úr hugsanlegri mót spyrnu
starfsfólks við innleiðingu breytinga.“
Guðrún sagði að skoða þyrfti vinnustaðar­
menninguna út frá því hversu vel núverandi
menning styddi breytingarnar. „Gæta þarf þess
að ferlarnir styðji við breytingarnar eða hvort
það þurfi að endurhanna þá,“ sagði Guðrún.
„Eftirfylgnin er mjög mikilvæg. Þegar
starfs fólk tekst á við hið óþekkta og sýnir
rétta hegðun þarf það hvatningu og umbun.
Stjórnendur þurfa að fylgjast með hvort eftir­
fylgnin hvetji starfsfólkið til að halda áfram
að sýna rétta hegðun.
Síðast en ekki síst er rýni nauðsynleg. Þá
þarf að spyrja og fá svör við spurningum
eins og hvort framkvæmdirnar hafi skilað
æskilegum árangri. Hvað þarf að gera öðru­
vísi í dag en í gær? Hefur eitthvað breyst í
umhverfinu sem kallar á breyttar áherslur?
Með kompásinn að leiðarljósi er líklegra að
fyrir tæki og stofnanir nái þeim árangri sem
lagt var upp með í upphafi vegferðarinnar.“
Við breyttum skipuritinu þegar ég tók við árið 2008,“ sagði Birkir Hólm í erindi sínu. „Hugmyndin var að ein falda uppbygginguna, hraða
ákvarð anatöku, skýra ábyrgð starfsmanna
og gefa í raun verkefnastjórum, fólki í sér­
hæfð um stjórnunarstörfum, meiri ábyrgð og
leyfa því að taka ákvarðanir. Við tókum út þrjá
framkvæmdastjóra og sex millistjórnendur.“
Hann sagði að eftir stæðu þá tvö megin­
svið. „Framleiðslusvið og sölu­ og markaðs­
svið – en þar undir eru m.a. söluskrifstofur
okkar. Svo eru tvö stoðsvið; fjármálasvið og
starfsmannasvið.“
Birkir hefur starfað hjá Icelandair í ellefu ár,
m.a. á mörgum mörkuðum félagsins erlend­
is, svo sem í Bandaríkjunum, Þýskalandi og
Norðurlöndunum, og tók við sem framkvæmda­
stjóri félagsins árið 2008. Síðan þá hefur
Icelandair gengið í gegnum mestu krísur
sem flugþjónustan hefur lent í; bankahrunið
í október 2008 og eldgosið í Eyjafjallajökli
vorið 2010.“
Fram kom hjá Birki að Icelandair hefði haft
starfsmenn úti um allan heim en þeim hefði
fækkað töluvert. Þegar hann fór til starfa í
Bandaríkjunum árið 2002 voru 97 starfsmenn
á skrifstofu Icelandair þar, en núna eru þeir
22 talsins. „Hugmyndin hefur verið að taka
út af söluskrifstofunum erlendis allt sem
ekki tengist beint sölu­ og markaðsmálum.
Félagið hefur m.a. flutt allt bókhald til Íslands
og lokað símsvörun í viðskiptalöndum sínum.
Núna er öllum símtölum svarað á Íslandi.
Markmiðið með þessari aðgerð var að verja
störf á Íslandi, annars hefði þurft að fara í
enn fleiri uppsagnir.“
Birkir sagði að leiðakerfi Icelandair væri í
rauninni hornsteinninn í starfsemi félagsins
og gæfi félaginu samkeppnisforskot.
„Vélar okkar fara á morgnana til Evrópu og
koma svo seinni partinn á sama tíma inn til
Keflavíkur. Þá fara þær til Norður­Ameríku
og koma til baka næsta morgun. Þetta er því
24 tíma hringur og við seljum í þessu kerfi
farþegum sem við köllum VIA­farþega flug
á milli Evrópu og Norður­Ameríku, auk þess
sem við seljum Íslendingum ferðir til útlanda
og erlendum ferðamönnum flug til Íslands.
Leiðakerfið, með Keflavík sem miðstöð flugs­
ins, býr til þessa miklu tíðni ferða frá Íslandi.“
Að sögn Birkis sjá þeir hjá Icelandair fyrir
sér mikil tækifæri í ferðaþjónustunni og mikla
fjölgun erlendra ferðamanna.
„Árið 2000 komu um 300 þúsund ferðamenn
til landsins og árið 2008 voru þeir 500 þúsund.
Þetta er 67% aukning á átta ára tímabili með
tiltölulega sterka krónu. Við sjá um fyrir okkur
mikla fjölgun farþega til Íslands á næstu
árum. Það er áhugavert að Icelandair er
með fleiri flugferðir frá Keflavík til Norður­Am­
eríku á viku en ýmsir stórir millilandaflug­
vellir í Mið­Evrópu og fleiri ferðir en aðrar
höfuðborgir í Skandinavíu.
Það sem Icelandair hefur lagt áherslu á sl.
fimm ár er fyrst og fremst þróun og uppbygg­
ing leiðakerfisins sem nýtir staðsetningu
Íslands til að byggja upp mikla flugstarf­
semi. Við teljum mikinn kost að vera hér
þegar kemur að umferð á milli Evrópu og
Norður­Ameríku. Sveigjanleiki er okkur mjög
mikilvægur. Við fórum því miður í gegnum
mikinn niðurskurð eftir hrunið en erum að
byggja fyrirtækið hratt upp aftur.“
Birkir sagði ennfremur að starfsmannavelta
Icelandair væri lítil; í kringum 1% þegar
þeim væri sleppt sem hættu vegna aldurs.
Meðaltími starfsmanna hjá fyrirtækinu væri
yfir 20 ár og hann væri hærri hjá áhöfnum
vélanna eða 25 ár.
„Við búum að mikilli reynslu og þekkingu
hjá Icelandair – sem er ómetanlegt. Iceland­
air leggur áherslu á íslenskan uppruna, en
áður var meiri áhersla á að vera alþjóðlegt
flugfélag. Við erum stolt af uppruna okkar;
hann er undirstaðan í þjónustu okkar og upp­
lifun viðskiptavina.“
Þá kom Birkir inn á að félagið hefði lagt
áherslu á að auka upplýsingaflæði innan
fyrir tækisins verulega með reglulegum frétta­
bréfum og öðrum leiðum og lögð væri áhersla
á gott samstarf við starfsfólkið. Hann sagði
afar mikilvægt að starfsfólkið væri upplýst
um stefnu félagsins og væri samstiga stjórn­
endum félagsins í átt að markmiðum. Þegar
hefði verið kynnt innanhúss stefnumótun til
ársins 2015.
Efnahagshrunið haustið 2008
Birkir sagði að miklar sveiflur hefðu verið í at­
vinnulífinu síðustu árin, ekki síst eftir banka­
hrunið haustið 2008. Þetta ætti við um önnur
flugfélög líka þar sem fjármálakreppan hefði
herjað á Bandaríkin og Evrópu. „Við þurftum
að endurskipuleggja fyrirtækið og skipurit
þess var einfaldað eftir hrunið. Við fórum
í fjöldauppsagnir og 385 urðu því miður
að hætta. Sem betur fer eru margir þeirra
komnir aftur til starfa. Það var skorið niður
Tækifæri og
ógnir í ferðaþjónustunni
Birkir Hólm Guðnason, forstjóri Icelandair:
Birkir Hólm Guðnason, forstjóri Icelandair og nýútnefndur viðskipta-
fræðingur ársins hjá Félagi viðskiptafræðinga og hagfræðinga, flutti
erindi á hátíðarfundi Stjórnvísi og nefndist erindi hans Tækifæri og
ógnir í ferðaþjónustunni.
Árangursrík
miðlun upplýsinga
er afar mikilvæg
því hún dregur úr
hugsanlegri mót­
spyrnu starfsfólks.