Frjáls verslun - 01.02.2011, Blaðsíða 23

FRJÁLS VERSLUN 1.tbl.2011 23
Næsta tæknibylting er spjaldtölvurnar. Í janúar í fyrra kom Apple
með iPad, sem seldist eins og heitar lummur, 30 milljón stykki
voru seld á fyrsta árinu. Tímarit og dagblöð, sérstaklega vestan­
hafs, hafa tekið þessu fagnandi og forráðamenn þeirra segja að
pappírsútgáfur dagblaða og tímarita muni hverfa á næstu árum.
Nú ári síðar kemur Apple með aðra kynslóð af iPad; 33% þynnri
og fjórðungi léttari – og enn hraðvirkari.
Spjaldtölvurnar gefa útgefendum frelsi til að koma með
nýjungar, hreyfimyndir, viðtöl með hljóði, hreyfiauglýsingar eins
og í sjónvarpi. Aðrir framleiðendur keppast við að koma með
spjaldtölvur, fá sneið af kökunni.
Í fyrra seldust spjaldtölvur fyrir 11 milljarða dollara, eftir tvö ár
er búist við að salan verði yfir 70 milljarðar dollara og Android­
farsímastýrikerfið verði ráðandi, með spjaldtölvum frá Samsung,
Motorola og LG, og Nokia með Windows frá Microsoft. Þetta eru
snjallsímaframleiðendur, ekki fornir tölvuframleiðendur.
Það eru fleiri byltingar. Þriðji heimurinn stytti sér leið og hoppaði
yfir fastlínusíma beint í farsíma. Ég undraðist það mikið þar sem
ég var í Dogon­héraði í Malí í Vestur­Afríku að allir voru með farsíma
þegar næsta rafmagnsinnstunga var í 300 kílómetra fjarlægð.
Hvernig hleður maður símann? Jú, Nokia kom með byltingu,
dýnamó­hleðslutæki fyrir reiðhjól sem hleður Nokia­farsímann
þinn á augabragði.

Páll Stefánsson, ljósmyndari:
Bylting á
byltingu ofan
Græjur
5NÝIR OG SPENNANDI ÁFANGASTAÐIR+ Bókaðu ferð á www.icelandair.is
Stjórnunarmoli:
Einelti er ekki aðeins vandamál í skólunum.
Æ oftar heyrist rætt um einelti á vinnustað.
Og þegar farið er lýsa eineltinu muna allir
eftir slíkum atvikum frá fyrri vinnu stöðum og
þekkja dæmin á núverandi vinnustað.
mörg andlit
eineltiS
þau hafa orðið
Eineltið hefur alltaf verið til en
ekki litið alvarleg um aug um
fyrr en nú. Því má raunar halda
fram að vandinn hafi verið
meiri áður fyrr og þá jafnvel
talið sjálfsagt að hafa einhvern
útundan og stríða honum
svolítið. Starfs menn eru lagðir
í einelti af vinnufélögum sínum
en stjórnendur geta líka gerst
sekir um einelti. Ef til vill oftar
en margir halda.
Núna er viðurkennt að einelti
getur reynst fyrirtækjum og
stofnunum dýrt. Það veldur
veikindum, það spillir andrúms­
lofti á vinnustað og getur valdið
kröfum um skaðabætur fyrir
dómstólum. Forstjóri vill ógjarna
sitja á sakamannabekk.
Einelti meðal vinnufélaga
birtist oftast sem hrekkir. Það
þykir fyndið að hrekkja einn.
Einelti stjóranna er öðruvísi. Því
er venjulega skipt í tvo flokka:
Útilokun. Starfsmaðurinn
finn ur fyrir því að hann er
ekki með. Upplýsingar berast
honum ekki. Hann er ekki
boðaður á fundi og ákvarðanir
teknar á valdsviði hans að
honum forspurðum. Hann er
frystur úti.
Blóraböggull. Starfsmann­
inum er kennt um flest sem
miður fer. Hann fær að vita
ótt og títt um mistök sín stór
og smá. Hann fær að vita að
einmitt hann er vandamálið í
fyrirtækinu og hrökklast oftast
burt.
En hvað er til ráða ef þú sérð
að einhver í fyrirtækinu sætir
einelti? Eða ef það ert þú sem
lendir í eineltinu? Það eru til
ráð. En því má aldrei gleyma
að fórnarlamb eineltis er sá
sem hafður er undir. Baráttan
gegn eineltinu er því oft háð
út frá erfiðri stöðu. Og oft er
fórnar lambið talið eiga upphafið
að eineltinu og jafnvel að því líki
eineltið.
TexTi: Gísli
krisTJánsson
hér eru ráðin:
Treystu á sjálfa/n þig. Skráðu
hjá þér atvik sem þú upplifir
sem einelti.
Ræddu vandann við fólk sem
þú þekkir og hafðu samband
við stéttarfélag þitt.
Láttu þann sem leggur þig
í einelti strax vita að þér líki
þetta ekki. Það er erfitt. Gott er
ef vitni eru að samtalinu.
Ekki einangra þig. Haltu sam­
bandi við vini þína.
Borðaðu hollan mat. Þetta er
mikilvægt því líkamlegt ástand
hefur áhrif á það andlega.
Ekki láta útiloka þig frá félags­
skap á vinnustað. Þetta krefst
hugrekkis.
Heilsubrestur er ein afleiðing
eineltis. Fylgstu með heilsunni.
Íhugaðu að skipta um vinnu.
Vinnustaðurinn getur ekki verið
mikilvægari en heilsan.