Frjáls verslun - 01.02.2011, Blaðsíða 67

FRJÁLS VERSLUN 1.tbl.2011 67
orka og iðnaður
af metangasi samsvarar 1,1 lítra af bensíni.“
Metangasið á ökutæki hefur Íslenska
gáma félagið sótt til Sorpu en það er hins
vegar dýrt að flytja metangas, að því er Jón
bendir á.
Metangas Frá bænduM
„Við urðum vör við að í fljótu bragði benti
ekkert til þess að opna ætti metangas stöðvar
vítt og breitt um landið. Við stofn uðum
þess vegna fyrirtæki sem heitir Metan orka
og erum að huga að framleiðslu á metan­
gasi víða um land í samstarfi við aðra. Við
erum samtímis að opna fyrstu metangas­
dælistöðina utan Reykjavíkur í samstarfi
við Háskólann Keili. Metangasið á þá stöð
fáum við frá Sorpu og keyrum það frá
Álfsnesi á Suðurnesin.“
Að sögn Jóns verður metangasframleiðsla
Íslenska gámafélagsins í samstarfi við ýmis
bú á landinu, það er kúabú, svínabú og
hænsnabú. „Þar sem það er dýrt að flytja
metangasið er best að hafa dreifinguna sem
næst framleiðslustaðnum. Við kortlögðum
landið og sáum hvar metangasið verður til.
Með því að framleiða það á bóndabæjum
og leggja leiðslu nánast út á þjóðveg geta
ferðamenn á leið um landið dælt metani á
bílana sína á sjálfsafgreiðslustöðvum. Þar
með verður til hið ágætasta dreifikerfi.“
Undirtektir bænda hafa verið góðar, að
því er Jón greinir frá. „Við höfum auðvitað
ekki rætt við alla bændur en þeir þekkja
metangasið og þetta er góður bisness ef
menn hafa nef fyrir slíku. Bændur eru oft
framsæknir.“
úrgangi breytt í verðMæti
Metangasframleiðslan verður viðbót við
aðra framleiðslu Íslenska gámafélagsins
á grænni orku. „Við framleiðum einnig
lífdísil en reyndar ekki nema 72 þúsund
lítra á ári í augnablikinu. Þetta er kannski
eitt af skýrari dæmunum um hvernig við
breytum úrgangi í verðmæti. Við tökum á
móti matarolíu frá fyrirtækjum, djúpsteik­
ingarolíu og öðru slíku, og breytum í lífdís il.
Olían frá veitingahúsunum var áður flokk uð
sem spilliefni sem viðkomandi þurfti að borga
háar upphæðir fyrir að láta eyða. Í dag tökum
við þetta ókeypis en sé olían góð borgum við
jafnvel fyrir hana,“ segir Jón.
Það er að verða til grænt þorp í kringum
starfsemi Íslenska gámafélagsins í Grafar­
voginum.
„Við erum að stuðla að því að búa til endur ­
vinnsluþorp í Gufunesi þar sem er mið stöð
endurvinnslu á Íslandi. Það er rosa leg gróska
í vinnslu verðmætis úr því sem áður var
flokkað sem rusl. Um er að ræða endur­
vinnslu á plasti og útflutning á pappír svo
eitthvað sé nefnt. Það er verið að skapa
gríðarleg verðmæti úr því sem áður var
urðað. Það er margt skemmtilegt að gerast
á þessu sviði.“
Með því að framleiða metangasið á bóndabæjum og leggja leiðslu
nánast út á þjóðveg geta ferðamenn á leið um landið dælt metani á
bílana sína á sjálfsafgreiðslustöðvum.
Sveinn Hrafnsson og Helgi Hilmarsson
voru vinnufélagar hjá Atlanta áður en þeir
stofnuðu fyrirtækið TEZ, Thor Energy Zolu­
tions ehf., sem hóf strax þróun hugmyndar
Sveins um nothæfan vetnisrafal í mótorhjól
og bíla. Þróunin átti að standa í nokkra
mánuði en ýmis ljón voru í veginum og það
er fyrst nú sem þeir félagar sjá árangur erf­
iði sins og eru að setja á markað vetnisrafal í
mótor hjól og bíla sem dugar. Staðreyndin er
að hægt er að finna á netinu mikinn fjölda
álíka lausna sem reynast yfirleitt ónothæfar
þegar á reynir eða duga aðeins í tvo til þrjá
sólarhringa.
„Það sem við erum að gera er að nota
vetn ið með bensíni og auka brunahraðann á
eldsneytisblöndunni þannig að hitaeining­
in í sprengingunni er örlítið hærri og allt
Vetnisrafallinn eykur
kraft og minnkar eyðslu
Sveinn Hrafnsson og Helgi Hilmarsson eru komnir með spennandi
vetnisbúnað fyrir mótorhjól og bíla sem vakið hefur athygli út fyrir
landsteinana
Íslenskt hugvit slær í gegn:
TexTi: HilMar karlsson Mynd: Geir ólafsson
Um 400 ökutæki Íslenska gámafélagsins verða knúin grænni íslenskri orku.