Frjáls verslun - 01.03.2011, Qupperneq 50

50 FRJÁLS VERSLUN 3.tbl.2011
bækur
Fátt er reynslunni fróðara, segir máltækið, og má með sanni segja að þessi
orð eigi við um bókina What’s
holding you back, 10 bold steps
that define gutsy leaders eftir
Robert J. Herbold. Herbold var
framkvæmdastjóri hjá Microsoft
á árunum 1994­2001.
Í tíð Herbolds hjá Microsoft
fjórfaldaðist velta fyrirtækisins
og hagnaðurinn sjöfaldaðist sem
verður að teljast harla góður
árangur. Áður en hann gekk til
liðs við Microsoft starfaði hann
í 26 ár hjá stórveldi Procter og
Gamble, síðustu árin sem for ­
stjóri auglýsinga og upplýsinga­
þjónustu fyrirtækisins.
Herbold hefur því gríðarlega
reynslu sem hann deilir með
les endum sínum í bókinni auk
þess að taka fjölmörg dæmi um
önnur stórfyrirtæki, sigra þeirra
og ósigra.
Dæmin sanna
Helsti styrkur bókarinnar er
ein mitt þessi dæmi en þau gera
lesandanum kleift að gera sér
í hugarlund hvernig beita megi
þeim tíu lögmálum sem Herbold
setur fram í bókinni. Það að lesa
raunverulega dæmisögu um
heims þekkt fyrirtæki og stjórnend­
ur og í kjölfarið ráð um hvernig
ná má viðlíka árangri eða sneiða
hjá pyttunum sem fallið var í
gerir bókina einstaklega hagnýta
og trúverðuga. Dæmin sýna
líka hvernig hægt er að nýta
ráð in til framkvæmdar og aukins
ár angurs. Bókin fer því skrefi
lengra en margar handbækur
stjórn enda og leiðtoga.
Sigrar og ósigrar þekktra
stórfyrirtækja
Það sem gerir bókina áhuga­
verða og trúverðuga er sú
stað reynd að dæmin sem höf­
undur tekur eru frá vel þekkt­
um stórfyrirtækjum á borð við
Apple, Microsoft, Porsche, IBM,
Merck, Canon, Sony, Whirlpool,
IDEO, Tesco, P&G, Target, 3M,
Nintendo, Ford, Ericsson, Tesco,
U.S. Steel, Kodak, Honda, BP,
Volkswagen, Fiat og Hyundai
auk margra annarra. Sum þess­
ara fyrirtækja hafa náð mjög
góðum árangri en önnur síður.
Það er engu að síður hægt að
læra af þeim öllum og dregur
höfundur fram góðan lærdóm,
hvort sem þau eru af árangri
eða ósigrum. Því má segja að
mesti styrkur bókarinnar felist í
reynslunni sem kristallast í hverj­
um kafla og nýtist lesandan um
til að ná enn meiri árangri í við­
fangsefnum sínum.
Skjót ákvarðanataka er lykillinn
Auðvelt er að segja að bókin sé
fyrir alla leiðtoga, hvort sem þeir
hafi mikla reynslu eða litla, fáa
undirmenn eða marga. Hún er
sér staklega fyrir þá sem vilja efla
hugrekki sitt við ákvarðanatöku
við erfiðar aðstæður en höfund­
ur heldur því fram að helsti
styrkur stjórnenda sé að taka
skjótar og öruggar ákvarðanir
á ögurstundu. Í því felist kjarkur
og sterk leiðtogahæfni þar sem
rétta ákvörðunin er oftar en ekki
aðeins minna „slæm“ en valkost­
urinn, fellur ekki alltaf í kramið hjá
öllum, skapar óvild og gæti jafn­
vel orðið til þess að stefna frama
viðkomandi stjórnanda í hættu.
Stjórnendum hættir einnig til að
skorta nauðsynlegar upplýsin­
gar til að geta tekið ígrund aðar
ákvarðanir.
Bókin er uppfull af hagnýtum
ráðum sem hjálpa stjórnendum
og leiðtogum á öllum stigum að
takast á við erfiðar aðstæður og
grípa til erfiðra en nauðsynlegra
aðgerða sem geta skilið á milli
feigs og ófeigs í viðskiptum.
Hvað heldur aftur af þér?
Í bókinni What’s holding you back skrifar Robert J. Herbold, fyrrv. forstjóri Microsoft, um þá
þætti sem skilja sterka leiðtoga frá þeim veikari. Hann notar fjölda dæmisagna úr sínu eigin
starfi og annarra vel þekktra fyrirtækja sem gerir bókina einkar áhuga verða og hagnýta.
TexT: unnur valBorG HilMarsdóTTir
1. Gerðu raunsæja áætlun. Einangraðu einn eða tvo þætti sem
verða að breytast til að þú getir náð meiri árangri og gerðu áætlun um
hvernig best er að takast á við þá.
2. Rétta fólkið. Til að geta hrint áætluninni í framkvæmd þarftu
kerfisbundið að koma auga á bestu starfsmennina og styrkja þá um leið
og þeim lakari er stýrt til aukins árangurs eða út úr fyrirtækinu.
3. Burt með losarabraginn. Ferlar og kerfi verða að vera
snurðulaus og á ábyrgð tiltekins starfsmanns.
4. Upp með kostnaðarvitundina. Það þýðir að grípa strax inn í
þegar áætlanir standast ekki.
5. Gerðu kröfu um hámarksárangur á hverju sviði. Það þýðir að
leiðtogar hvers sviðs innan fyrirtækisins eru ekki einasta sérfræðingar
á sínu sviði heldur kunna að beita sérfræðiþekkingu sinni, rísa gegn
viðteknum venjum, einbeita sér að þeim verkefnum sem skila árangri og
halda sig við áætlanir en vita um leið hvenær á að hvika frá þeim.
6. Skapaðu umhverfi sem ýtir undir nýsköpun. Nýsköpun er lykillinn
að árangri, ýttu undir hugmyndaflæði og forðastu ótta við að gera mistök.
7. Gerðu kröfu um öruggar ákvarðanir og ábyrgð og forðastu þörf
manna fyrir einingu. Það kemur niður á verkefninu ef allir verða að vera
sammála og enginn þorir að taka ákvaðanir sem eru óvinsælar einhvers
staðar innan fyrirtækisins.
8. Ekki missa af lestinni. Vertu stöðugt að leita að nýrri tækni,
skoðaðu ný hegðunarmynstur neytenda sem gætu falið í sér tækifæri.
9. Góðar hugmyndir leynast alls staðar. Gerðu fólki ljóst að þú
kannt að meta allar hugmyndir sem leiða til aukins árangurs, sama
hvaðan þær koma, svo fremi sem þær leiði til framfara.
10. Hristu upp í fyrirtækinu. Ef starfsfólkið og uppbygging
fyrirtækisins er látið í friði verður niðurstaða morgundagsins sú sama og
í gær. Til að ná meiri árangri þarf að rísa gegn viðteknum venjum, nýta
hæfileika til fulls og endurskipuleggja í takt við það.
Auðvelt er að segja
að bókin sé fyrir alla
leiðtoga, hvort sem
þeir hafi mikla reyn­
slu eða litla, fáa und­
irmenn eða marga.
10 leiðir til að ná meiri árangri