Frjáls verslun - 01.03.2011, Síða 60

60 FRJÁLS VERSLUN 3.tbl.2011
F
yrirtækið Sportís var stofnað árið
1983 og vörumerkið Cintamani
árið 1996. Ársvelta fyrirtækisins
er um milljarður króna. Fyrirtækið
lætur framleiða vörur sínar í verk­
smiðjum m.a. í Lettlandi, Búlgaríu, Tyrklandi
og Kína og eru starfsmenn fyrirtækisins um
fjörutíu.
Hvað vefverslunina varðar er lögð áhersla
á að viðskiptavinir geti séð hvað er til á lag­
er fyrirtækisins í hverju landi og er hægt að
fá nánast alla vörulínuna með því að panta
á netinu.
Vörur frá Cintamani eru seldar í um þrjátíu
verslunum á Íslandi og í verslunum í Dan­
mörku og Noregi. Í ágúst munu vörur frá
Cintamani fást í Bandaríkjunum og tæplega
tuttugu útivistarverslunum í Þýskalandi.
„Við viljum alls ekki byrja á of mörgum
mörkuðum heldur gera vel þar sem varan
mun fást,“ segir Dagný Guðmundsdóttir,
rekstrarstjóri hjá Cintamani. „Við viljum
heldur ekki vera með lítið af vöru í mörgum
verslunum. Við viljum góðar verslanir í góð­
um borgum.“
Dagný segir að áherslurnar í rekstrinum
séu að ná fullkomnum fókus á kjarnastarf­
semina, sem er Cintamani­merkið. „Við
erum að taka hönnunina og framleiðsluferlið
í gegn til að búa okkur undir útflutninginn
sem byrjar af alvöru á næsta ári auk þess
sem við erum að bæta við verksmiðjum
sem framleiða fyrir okkur til að stytta af­
hend ingartíma svo vörurnar komi fyrr í
versl anir. Pantanir fyrirfram frá útlöndum
fyrir haustið 2011 eru nú þegar orðnar
um 60% af heildsölu Cintamani. Í fyrra
var þessi tala 7%. Við viljum gera vel og
leggj um alla áherslu á að geta byggt upp
sterkt merki í Evrópu. Við verðum með lager
í Þýskalandi og verðum í stakk búin til að
afhenda kúnnum okkar vöruna reglulega
og á réttum tíma. Framleiðendur okkar eru
spenntir fyrir Þýskalandsmarkaði og styðja
vel við bakið á okkur. Þeir verða með efni
á lager til að hægt verði að anna eftirspurn
á mest seldu vörunum. Við verðum með
NOOS­prógramm (never out of stock) þar
sem tuttugu best seldu vörurnar okkar eiga
alltaf að vera til. Þetta hefur háð rekstrinum
mikið hingað til en þegar salan er eins góð
og hún hefur verið eigum við bestu hlutina
oft ekki til í réttum stærðum og litum. Þetta
breytist með haustinu.“
Cintamani
„Við viljum alls ekki byrja á
of mörgum mörkuðum held­
ur gera vel þar sem varan
mun fást,“ segir Dagný
Guðmundsdóttir, rekstr ar­
stjóri hjá Cintamani.“
Dagný Guðmundsdóttir. „Pantanir fyrirfram frá útlöndum fyrir haustið 2011 eru nú þegar orðnar um 60% af heildsölu Cintamani.“