Frjáls verslun - 01.03.2011, Síða 86

86 FRJÁLS VERSLUN 3.tbl.2011
Fyrsta frumsýning Íslensku óperunn­ar í Hörpu verður hinn 22. október næstkomandi og
verkið sem valið hefur verið til
sýningar er Töfraflautan eftir
Mozart. „Ástæðan fyrir því
vali er náttúrlega sú að verkið
er einstaklega fallegt auk þess
sem óperan er aðgengileg og
fjölskylduvæn. Hún verður þar
að auki sungin á íslensku sem
er sérlega ánægjulegt af þessu
tilefni,“ segir Stefán Baldursson
óperustjóri sem fagnar betri
aðstöðu.
„Þótt tónlistar­ og ráðstefnu­
húsið hafi ekki verið hannað
fyrir óperuflutning eða yfirleitt
til leiksýninga er það engu að
síður stórt og glæsilegt þannig
að öll aðstaða batnar náttúr­
lega, bæði fyrir áhorfendur og
listamennina. Það reynir bara
öðruvísi á og við erum full
tilhlökkunar,“ segir Stefán.
Hann getur þess að mennta­
málaráðuneytið hafi fyrir hönd
núverandi eigenda Hörpu
beð ið stjórn Íslensku óperunnar
að kanna mögulega flutninga
í húsið. „Eftir svolitla yfirlegu
ákvað stjórnin að láta á þetta
reyna. Það voru gerðar nokkrar
breytingar af því tilefni en þá
var þegar búið að steypa húsið
upp. Við þurftum hins vegar
að fara fram á ákveðin grund­
vallaratriði, eins og aðgang að
einhvers konar æfingarými,
aðstöðu til hárgreiðslu og
förð unar, litla saumastofu og
svo skrifstofuhúsnæði sem var
nú minnsti vandinn.“ Að sögn
Stef áns voru jafnframt gerðar
fleiri lítilsháttar breytingar.
„Núna eru fleiri möguleikar til
innkomu en voru upphaflega.
Allar þessar breytingar nýtast
ekki bara Íslensku óperunni,
heldur einnig öðrum sem koma
þarna með einhvers konar
við burði, eins og til dæmis
gestasýningar og sumarsöng­
leiki. Þarna er að vísu ekki
leiksvið með bakrými og
lyftu kerfi fyrir leikmyndir en í
stað inn þarf bara að finna snjall­
ar lausnir. Það verður hlutverk
leik stjóra og leikmyndahönn­
uða að leysa þetta hverju sinni
en þar sem fólk gerir ekki nú
á tímum rosalegar kröfur um
leikmyndir held ég að þetta geti
verið mjög spennandi.“
Leikstjóri Töfraflautunnar
verður Ágústa Skúladóttir
og hljómsveitarstjóri Daníel
Bjarnason. Í helstu hlutverkum
verða Þóra Einarsdóttir, Finnur
Bjarnason, Garðar Thór Cortes,
Jóhann Smári Sævarsson og
Ágúst Ólafsson.
erum full tilhlökkunar
Töfraflautan fyrsta verkið sem Íslenska óperan frumsýnir í Hörpu. Breytingar gerðar í tón-
listar- og ráðstefnuhúsinu fyrir óperuna.
Stefán Baldursson óperustjóri
„Þótt tónlistar­ og
ráð stefnuhúsið hafi
ekki verið hannað
fyrir óperuflutning
eða yfirleitt til leik­
sýninga er það engu
að síður stórt og
glæsilegt.“
Stefán Baldursson óperustjóri í húsnæði Íslensku óperunnar í Gamlabíói áður en hún flutti í Hörpuna.