Frjáls verslun - 01.03.2011, Page 88

88 FRJÁLS VERSLUN 3.tbl.2011
Það voru Katrín Jakobsdóttir mennt a mála ráð­herra og Hanna Birna Kristjánsdótt­
ir, þáverandi borgarstjóri, sem
tóku ákvörðun snemma árs
2009 um að haldið yrði áfram
framkvæmdum við tónlist­
ar­ og ráðstefnuhúsið Hörpu.
Framkvæmdirnar höfðu lagst
niður í nóvember 2008 í kjölfar
bankahrunsins en voru hafnar
á ný í mars 2009.
„Það var farið í heilmikla
grein ingu og í kjölfarið ákveðið
að skásti kosturinn væri að klára
verkið. Það var auðvit að búið
að leggja gríðarlega vinnu og
peninga í þetta þá þegar fyrir
utan það að með þessu rættist
draumur margra um tónlistar­
hús. Þetta þótti langskynsam­
legasta lausnin,“ segir Katrín.
Hún segir opnun Hörpu
gríðarleg tímamót fyrir Sin ­
fó n íu hljómsveit Íslands. „Þetta
gjör breytir allri aðstöðu fyrir
hljómsveitina sem hefur hlotið
mikla alþjóðlega viðurkenningu
og náð miklum árangri.“
Katrín bendir á að ríkið
greiði húsaleigu fyrir Sinfóníu­
hljómsveit Íslands og að
Ís lenska óperan, sem einnig
fær inni í Hörpu, sé styrkt
með ríkis fram lagi. „Það má
segja að ríkið komi þannig
óbeint að rekstr inum en það
hefur ekki verið hugsunin að
leggja beint fé í reksturinn.“
Menntamálaráðherra tekur það
fram að Harpa skipti auð vitað
máli fyrir alla tónlistarmenn.
„Það er mjög merkilegt hversu
mikill áhugi er á að leigja húsið
til tónleikahalds, allavega í
upphafi. Svo á auð vitað eftir að
sjá hvernig geng ur. Harpa er
líka ráðstefnuhús og það á eftir
að koma á daginn hvernig sú
sambúð mun ganga en ég held
að það skipti líka miklu máli
upp á rekstrargrunn inn. Það
er ljóst að þetta er ekki auðvelt
verkefni en þeir sem hafa unnið
að því og öllum undirbúningi
hafa kynnt sér vel stöðuna hjá
svona húsum á Norðurlöndum.
Við ætlum að reyna að læra af
reynslu annarra, hvað beri að
varast og hvað vísi til árangurs.“
Það er mat ráðherrans að
Harpa verði mikið kennileiti
í Reykjavík. „Fólk sér ýmsa
möguleika í tengslum við húsið
og auðvitað vonast ég til að
gengið verði frá afganginum
af lóðinni sem fyrst til þess að
þetta verði ein falleg heild.“
mikið kennileiti í reykjavík
Langskynsamlegast þótti að halda áfram framkvæmdum við Hörpu, segir ráðherra. Gríðarleg
tímamót fyrir Sinfóníuhljómsveit Íslands.
Katrín Jakobsdóttir menntamálaráðherra
Katrín Jakobsdóttir menntamálaráðherra.
„Það er ljóst að þetta
er ekki auðvelt verk­
efni en þeir sem hafa
unnið að því og öllum
undirbúningi hafa
kynnt sér vel stöðuna
hjá svona húsum á
Norðurlöndum.“