Frjáls verslun - 01.03.2011, Page 95

FRJÁLS VERSLUN 3.tbl.2011 95
R
B rúm hlutu á dög­
unum alþjóðleg
verðlaun á Inter ­
nati onal Qual­
ity Crown Awards í
Lond on fyrir vandaða framleiðslu
og markaðssetningu. Þetta eru
stór verðlaun en það er bara eitt
fyrirtæki í hverri grein sem fær
þau ár hvert. Birna Katrín Ragn­
ars dóttir er framkvæmdastjóri
RB rúma.
„Ég hef verið viðloðandi þetta
fyrirtæki frá blautu barnsbeini,
faðir minn, Ragnar Björnsson
húsgagnabólstrari, stofnaði
það árið 1943 og vann við
það fram á síðasta dag. Allt
frá því ég man fyrst eftir mér
hef ur fyrirtækið verið ofarlega
í huga mínum. Ég var mjög oft
í kringum föður minn og hafði
mjög gaman af að stússast
í öllu mögulegu sem viðkom
fyrirtækinu og segi oft að ég hafi
byrjað á kústinum og unnið mig
upp í framkvæmdastjórastarfið!
Starf mitt felst í því að halda
utan um allan reksturinn, bæði
varðandi hráefnisinnkaup og
framleiðsluna. Þetta er mjög
krefjandi, fjölbreytt og skemmti­
legt starf og reynir meðal annars
á skipulagshæfileika og fleira.
Hjá fyrirtækinu starfar mjög gott
starfsfólk og ég segi alveg hik­
laust að við stæðum ekki svona
vel í dag ef við hefðum ekki
allt þetta góða fólk innan okkar
banda. Markmið fyrirtækisins hef­
ur frá upphafi verið að framleiða
vönduð rúm og springdýnur á
góðu verði og höfum við reynt
að uppfylla óskir viðskiptavina
okkar eftir bestu getu. Í dag
er um við með flestalla fylgihluti
sem tilheyra rúmum; höfðagafla,
rúmteppi, dýnuhlífar, lök og
sængurverasett og margt fleira.
Þessa dagana eru hótelin
og gistiheimilin allsráðandi hjá
okkur. Við munum fram á vorið
framleiða yfir 500 hótelrúm,
einnig eru fermingarrúmin stór
partur hjá okkur á þessum árs­
tíma. Við lítum björtum aug um
til framtíðar og ætlum okkur að
halda áfram að bjóða góð og
vönduð rúm og springdýnur á
góðu verði.“
Birna Katrín er fædd og upp­
alin í Hafnarfirði, fór í Flensborg
og síðan lá leiðin í Iðnskólann og
útskrifaðist hún sem húsgagna­
bólstrari árið 1981. „Ég starfaði
lengi vel með Junior Chamber,
sem var mjög góður skóli fyrir
mig, og sú reynsla sem ég fékk
þar hefur komið sér vel.
Varðandi frítíma þá er hann
ekki mikill, en samvera með fjöl­
skyldu og vinum, elda og borða
góðan mat gefur mér mikið og
ekki skemmir gott rauðvín með.
Varðandi frí þá segja vinir mínir
að ég viti ekki hvað það er, og
ég hef ekki tekið frí í tvö og hálft
ár, en nú ætla ég að bæta fyrir
það eftir þessa stóru törn sem
er búin að vera hjá okkur og fara
með alla fjölskylduna til systur
minnar sem býr í Flórída.“
Birna Katrín Ragnarsdóttir
framkvæmdastjóri RB rúma
„Ég hafði mjög gaman af að stússast í öllu mögulegu sem viðkom fyrirtækinu og segi oft að
ég hafi byrjaði á kústinum og unnið mig upp í framkvæmdastjórastarfið!“
Nafn: Birna Katrín Ragnarsdóttir
Fæðingarstaður: Hafnarfjörður,
15. ágúst 1961
Foreldrar: Ragnar Björnsson
og Ólafía Helgadóttir
Maki: Björn I. Hilmarsson
Börn: Ragnar, 20 ára, og Daði,
15 ára
Menntun: Húsgagnabólstrari
Thor: Chris Hemsworth.