Frjáls verslun - 01.04.2011, Blaðsíða 10

10 FRJÁLS VERSLUN 4.tbl.2011
fyrst & fremst
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fundir - Móttökur - Veisluþjónusta
Jó úin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fundir - Móttökur - Veisluþjónusta
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Hvernig almenningsálitið var mótað í
þágu Baugsmanna
B
ók Björns Bjarnasonar um
Baugsmálið, Rosabaugur yfir
Íslandi, hefur verið vel tekið
og var efst á metsölulista
Eymundsson þegar tekið var
mið af bóksölu í verslunum Eymundsson
um land allt dagana 25. maí til 1. júní. Bókin
er kilja og 432 blaðsíður.
Björn segir í aðfaraorðum að megintilgang­
ur bókarinnar sé að „greina þær aðferðir
sem beitt var til að móta almenningsálit í
þágu Baugsmanna, vega að réttarvörslu­
kerfinu og hafa áhrif á niðurstöðu dómara“.
Í bókinni kemur fram að Baugsmálið hafi
byrjað með kæru Jóns Geralds Sullenburg­
ers til lögreglu sumarið 2002 og síðan hús­
leit í höfuðstöðvum Baugs 28. ágúst síðar
um sumarið.
„Við varnir í málinu var gripið til aðferða
sem eru einstæðar í íslenskri stjórnmála­ og
fjölmiðlasögu. Þessi bók snýst um þessar
aðferðir.“ Að mati Björns voru aðferðirn­
ar m.a. þær að Baugsmiðlum var beitt
eigendum sínum til varnar í dómsmálinu
og því stillt upp sem pólitísku máli en ekki
sakamáli – og sem runnið væri undan rifj­
um Davíðs Odds sonar. Þekktir álitsgjafar
skrifuðu reglulega í Baugs miðlana til varnar
Jóni Ásgeiri – sem og nokkrir kunnir rithöf­
undar. Lögfræðing ar ráku málin í fjölmiðlun­
um og gert var lítið úr ákæruvaldinu. Þeir
sem gagnrýndu eigendur Baugs lentu
iðulegu í skotlínu Baugs miðlanna. „Áróðri
Baugsmanna var haldið fram í fjölmiðlum
þeirra og dreift endurgjaldslaust inn á hvert
heimili í landinu. Víðlesnustu rithöfundar
landsins slógu Baugstaktinn. Dýrustu
lög menn landsins stóðu alvarlegir í bragði
frammi fyrir sjónvarpsmyndavélun um og
gáfu til kynna að Baugsmenn sættu pólitísk­
um árásum, lögreglu væri sigað á þá án
nokkurra saka af þeirra hálfu. Vegið var að
stjórnmálamönn um sem Baugs menn töldu
sér óvinveitta. Á bak við áróðurinn stóð vol­
dugasti auðhringur Íslandssögunn ar,“ segir í
bókinni.
Þá segir: „Að rannsóknarnefnd alþingis
vegna bankahrunsins léti undir höfuð leggj­
ast að lýsa þessu andrúmslofti og geta
Baugsmálsins og um hvað það snerist á
sviði dómsmála, stjórnmála og fjölmiðla
verður hvorki afsakað með skorti á tíma né
fjármunum.“
Fram kemur að Baugsmenn hafi lagt
höfuð kapp á áróður til að grafa undan trú
á ákæruvaldinu. „Látið var í veðri vaka að
lög regla og saksóknarar væru ekki annað
en viljalaus verkfæri í höndum óvina Baugs
meðal stjórnmálamanna.“
Ennfremur þetta: „Pólitískir óvinir Davíðs
urðu vinir Baugs. Undir forystu Ingibjarg­
ar Sólrúnar Gísladóttur tók Samfylkingin
höndum saman við Baugsmenn. Af hálfu
Samf ylkingarinnar var kosningabaráttan vorið
2003 háð undir eigin merkjum og Baugs.“
Lokaorð Björns í bókinni eru þessi:
„Rannsókn minni á Baugsmálinu er lokið.
Niðurstaðan liggur fyrir hér í þessari bók.
Ég kynni hana í fullvissu þess að fleiri en
ég vilji átta sig á því hvernig málið var rekið
í opinberum umræðum til að villa um fyrir
almenningi og hafa áhrif á dómarana. Þeir
sem stóðu í eldlínunni við gæslu laga og
réttar geta litið með stolti á störf sín.“
Tilgangur bókarinnar er „að greina þær aðferðir sem beitt var til að móta almenningsálit í þágu Baugsmanna,
vega að réttarvörslukerfinu og hafa áhrif á niðurstöðu dómara“.
Við varnir í málinu var
gripið til aðferða sem
eru einstæðar í ís lenskri
stjórn mála- og fjöl miðla-
sögu. Þessi bók snýst um
þessar aðferðir.“
TexTi: Jón G. Hauksson Mynd: Geir ólafsson
Rosabaugur yfir Íslandi:
Björn Bjarnason með bók sína Rosabaugur
yfir Íslandi.