Frjáls verslun - 01.04.2011, Blaðsíða 20

20 FRJÁLS VERSLUN 4.tbl.2011
Fyrirtæki ársins hjá VR
Í
slenska gámafélagið sigraði í flokki
stórra fyrirtækja í árlegri könnun VR
á fyrirtæki ársins og fékk einkunn­
ina 4,49 af 5,0 mögulegum. Þetta
er annað árið í röð sem Íslenska
gámafélagið er útnefnt fyrirtæki ársins hjá
VR. Í flokki minni fyrirtækja urðu Vinnuföt
ehf. sigurvegari en fyrirtækið fékk 4,94 í
heildareinkunn en meðaltal minni fyrirtækja
var 4,1 í könnuninni. Þetta er í fyrsta skipti
í sögu þessara kannana VR að vinnings­
fyrirtæki fær heildareinkunn yfir 4,9. Sögu­
leg könnun.
Stefán Einar Stefánsson, nýkjörinn for­
maður VR, segir að horft sé til aðbúnaðar
og vellíðunar starfsfólks og ákveðnir þættir
í stjórnun og starfsmannahaldi kannaðir
meðal starfsfólksins og fyrirtækjunum gefn­
ar einkunnir út frá niðurstöðunum.
„VR kynnti fyrirtæki ársins í fyrsta skipti
vorið 1997 og hefur gert það árlega síðan.
Könnunin hefur orðið umfangsmeiri ár frá
ári og þetta árið náði hún til fjörutíu þúsund
starfsmanna á almennum og opinberum
vinnumarkaði,“ segir Stefán.
„Þegar fyrirtæki ársins var valið í fyrsta
sinn var markmiðið m.a. að gefa félags­
mönn um upplýsingar til að þeir gætu metið
vinnustað sinn á hlutlausan hátt og borið
hann saman við aðra. Þótt könnunin hafi
tekið breytingum er markmiðið enn það
sama; upplýsingarnar sem starfsmenn fá
eru ítarlegar og sýna ekki einungis stöðuna
heldur þróunina innan veggja fyrirtækisins
síðustu ár.“
Hvert er að þínu mati helsta gildi þessarar
könnunar?
„Könnunin er kjörinn vettvangur fyrir starfs­
menn til að ræða við stjórnendur um stöð­
una innan veggja fyrirtækisins. Hún gefur
þeim færi á að hrósa fyrir það sem vel er
gert og benda á hvað betur má fara. Fyrir
stjórnendur er mikilvægt að heyra hvern­
ig starfsmönnum líður og hver afstaða
þeirra er. Niðurstöðurnar eru þannig öllum,
starfs mönnum og stjórnendum, mikilvægur
mælikvarði á frammistöðu fyrirtækisins sem
vinnustaðar.
Niðurstöðurnar endurspegla ástandið á
vinnumarkaði hverju sinni, eins og glöggt
kom fram í könnuninni fyrir og eftir hrun.
Niðurstöðurnar sýndu nákvæmlega hvernig
hrunið kom við starfsmenn og hvernig fyrir­
tæki brugðust við. Það er ómetanlegt að
geta á þennan hátt skoðað hvaða áhrif ytri
og innri aðstæður fyrirtækja hafa á líðan og
aðbúnað starfsmanna og hvernig við get­
um best brugðist við.“
Íslenska gámafélagið
Íslenska gámafélagið hlaut 4,49 í heildar­
einkunn en að meðaltali voru stærri fyrir tæki
með 4,01 í einkunn þannig að Íslenska
gámafélagið reyndist talsvert yfir meðal­
lagi. Hæstu einkunnina fékk Íslenska
gámafélagið fyrir þáttinn Ánægja og stolt
af fyrirtæki. Ekki er hægt annað en dást að
svo góðum árangri en þessi þáttur könnun­
arinnar mælir m.a. vellíðan í vinnu og hvort
viðkomandi myndi mæla með vinnustaðn­
um sem góðum vinnustað við vini.
Íslenska gámafélagið fékk líka háa ein­
k unn fyrir Sveigjanleika í vinnu eða 4,66
en lægsta einkunnin er fyrir Launakjör,
3,89. Allajafna er sú einkunn lægst meðal
fyrirtækja í þessari könnun en gefur sannar­
lega vísbendingu og fyrirheit um að launa­
kjör séu ekki úrslitaþáttur þegar kemur að
vellíðan og ánægju fólks í starfi.
Vinnuföt
Í flokki minni fyrirtækja sigraði að þessu
sinni fyrirtækið Vinnuföt ehf. Það fékk
4,94 í heildareinkunn en meðaltal minni
fyrirtækja er 4,1. Þetta er í fyrsta skipti sem
vinningsfyrirtæki fær heildareinkunn yfir
4,9. Fyrirtækið fékk 5,00 stig fyrir þáttinn
Ánægja og stolt af fyrirtæki þar sem meðal­
tal minni fyrirtækja var 4,24. Það hlaut svo
einkunnina 4,96 fyrir Trúverðugleika stjórn­
enda en meðaltalið þar er 4,05.
VR verðlaunar þau fyrirtæki sem samkvæmt árlegri könnun VR skara fram úr í aðbúnaði, vellíðan, stjórn un
og starfsmannahaldi. Þetta er annað árið í röð sem Íslenska gámafélagið er fyrirtæki ársins hjá VR í flokki
stærri fyrirtækja.
„Könnunin er kjörinn
vettvangur fyrir starfs menn
til að ræða við stjórn endur
um stöð una innan veggja
fyrirtækisins. Hún gefur
þeim færi á að hrósa fyrir
það sem vel er gert.“
TexTi: STeingerður STeinarSdóTTir Myndir: geir ólafSSon
20 efstu í flokki
stærri fyrirtækja
Íslenska gámafélagið
Johan Rönning
Securitas
Betware á Íslandi
Logos
Maritech
Prentsmiðjan Oddi
VÍS
1912-samstæðan
Parlogis
Distica
Nova
Össur
ISS Ísland
Icepharma
CCP
Nýherji
Tryggingamiðstöðin
Öryggismiðstöð Íslands
Alcan á Íslandi
Íslandspóstur
20 efstu í flokki
smærri fyrirtækja
Vinnuföt
Podium Imports
Sigurborg
Miracle
Gróco
Spölur
Kjarnavörur
Beiersdorf
Danica sjávarafurðir
Sæmark
Microsoft Íslandi
Birtingahúsið
Bókhald og uppgjör
Kemi
Emmessís
Basis
Vörumerking
Frjó
Globus
Krýsuvíkurskóli