Frjáls verslun - 01.04.2011, Blaðsíða 33

FRJÁLS VERSLUN 4.tbl.2011 33
metur þú þetta tímabil núna þegar tvö og hálft
ár eru frá hruninu?
„Ég tók við stjórnarformennsku í Glitni til
skamms tíma, fyrst og fremst til að standa
fyrir tiltekt og breyt ing um í átt til sparnaðar
og meiri ráðdeildar í rekstrinum. Ég boðaði
slíkar breyt ingar strax á aðalfundi og var
kominn áleiðis með þær á þeim fáu mán ­
uðum sem ég var stjórnarformaður. Þetta
var eril samur tími og um margt öðruvísi
en ég átti von á en um það þýðir ekki að
fást nú.“
Þú sýndir því áhuga að fjárfesta ásamt fleirum
í MP banka nýlega. Hvað varð til þess að Sam­
herji dró sig út úr þeim áformum?
MP banki er eini bankinn sem stóð af sér hrunið og er í eðlilegu eignarhaldi. Það er nauð syn­
legt að slíkur banki sé til á Íslandi og ekki
lík legt að heimildir fáist til að stofna slíka
banka á næstunni. En það var með þetta
viðskiptatækifæri eins og önnur sem við
skoðum, það þarf að vega þau og meta í
samhengi við önnur sem í boði eru og það
gerðum við. Það kom í ljós að við höfð um
aðrar skoðanir á ákveðnum grund vall ar ­
atriðum en hinir sem síðan keyptu.“
Þú stýrir sjávarútvegsfyrirtæki – en hvernig er
áhugi þinn á bönkum tilkominn?
„Ég hef óhjákvæmilega átt mörg erindi í
banka í tengslum við rekstur okkar og oft
séð að þar mætti gera hluti öðruvísi en gert
var og gert er. Áhugi minn hefur fyrst og
fremst helgast af því.“
AÐKOMAN AÐ
MORGUNBLAÐINU
Þú ert einn nokkurra sem koma að útgáfu
Morg unblaðsins undir stjórn Óskars Magnús­
sonar – hvernig kom það til?
„Morgunblaðið hafði átt í rekstrar erfið­
leikum og var komið í hendur bankans
þegar málið var rætt við okkur í Samherja.
Mér þótti þá, og þykir enn, nauðsynlegt
að blað eins og Morgunblaðið sé til. Það
hefur tekið upp mjög öfluga málsvörn sem
ekki hefur orðið vart annars staðar. Hér
á ég einkum við Icesave­málið en ég tel
nokkuð víst að ef Morgunblaðsins hefði
ekki notið við værum við búin að taka á
okkur meiri skuldir en við þurftum. Þá
þarf einhver fjölmiðill að fara að huga að
framtíðinni í stað þess að horfa enda laust
til fortíðarinnar. Ég vonast til að Morg un­
töLur úr rEKStri SAMHErjA
Tölur vegna 2010 verða birtar að loknum aðalfundi
félagsins sem verður haldinn síðar í júní. Sam herji
hefur frá upphafi verið rekinn með hagnaði og var
síðasta ár þar engin undantekning.
Fyrirtækið gerir upp í evrum vegna hinna miklu
umsvifa erlendis.
Árið 2009
Ath. Aðeins þriðjungur af starfseminni hér á landi.
Tölur hér í krónum á verðlagi ársins 2009.
i. Heildartekjur Samherja: 55,7 milljarðar kr.
ii. Hagnaður eftir skatta: 3,8 milljarðar kr.
iii. Eigið fé: 24,6 milljarðar kr.
iV. Veltufjárhlutfall: 1,0.
V. Eiginfjárhlutfall: 27,5%.
„Það er engin leið að lesa öruggan rekstrargrundvöll út úr nýframkomnum frumvörpum og í því ljósi má vissu-
lega segja að við höfum tekið of mikla áhættu með kaupunum á Brimi og að við hefðum átt að bíða.“