Frjáls verslun - 01.04.2011, Síða 71

FRJÁLS VERSLUN 4.tbl.2011 71
Fyrst og
fremst er það
hitinn sem
skiptir máli
við grilleldun
á fiski. Það
þarf að vera
mikill hiti
svo fiskurinn
festist ekki við
grind ina.
að mér finnst best að nudda
það vel með hvítlauk, krydda
með salti og pipar, pensla með
olíu og grilla svo. Annars hef
ég verið að leika mér að því
að marínera grænmeti eins og
maður marínerar kjöt.
Það er skemmtileg tilbreyting.
Þó finnst mér best að hafa bara
einn rétt af þeim sem maður er
að elda maríneraðan og leyfa
bragðinu af þeirri maríneringu
að njóta sín. Ekki vera að rugla
saman of mörgum bragðteg­
undum. Grillmatur á að vera
einfaldur og skemmtilegur.“
Hvað með fisk?
„Auðveldast er að grilla skötu­
sel og fisktegundir með hold
sem ekki er laust í sér. En fyrst
og fremst er það hitinn sem
skiptir máli við grilleldun á fiski.
Það þarf að vera mikill hiti svo
fiskurinn festist ekki við grind­
ina. Þar fyrir utan er best að
snúa fiskbitunum aðeins einu
sinni til að reyna að koma í veg
fyrir að þeir brotni og verði að
plokkfiski.“
Hvernig á þá
að fara með kjöt?
„Ef maður er með hágæða nauta­
eða lambavöðva er salt ið og
piparinn það eina sem þarf. Þá
nær maður fram besta bragð ­
inu af kjötinu. En með aðra bita,
t.d. svínakjöt og kjúkl ing, er
marínering málið.“ 
Áttu þér einhverja uppáhalds­
maríneringu?
„Já, ég nota alltaf sojasósu
og hunang sem ég krydda á
mismunandi hátt. Mér finnst
nefnilega svo gott þegar mar ­
íneringin brennur svona smá ­
vegis utan á kjötinu og það þarf
sætuna til þess.“ 
Er eitthvað sem þér finnst
alveg ómissandi með grill­
matnum?
„Já, grillaður maís. Ég er búin
að stúdera hann út í ystu æsar.
Fólk hrósar honum mjög mikið
hjá mér og spyr hvernig ég geri
hann svona góðan. Ég pakka
honum inn í álpappír og set
slatta af smjöri með og smjörið
bráðnar og síðan karamellast
það í húð utan um maísinn.“ 
Notarðu grillið líka á
veturna?
„Nei, við höfum ekki gert það
hingað til. Þá er svo margt
annað að elda sem er líka
spennandi.“
Á döfinni hjá Hrefnu Rósu er
að opna nýjan stað, Grillmark­
aðinn. Þess er að vænta að
þar verði jafn frumlegir og
bragð góðir réttir og á Fiskmark­
aðnum, enda er hún einn
hug kvæmasti og færasti kokkur
landsins.
En þeir sem aðeins elda
heima á palli geta fetað í fót­
spor hennar og notfært sér
ráðin hér að ofan en það er
gömul saga og ný að uppskrift­
in að vel heppnuðu kvöldi er
góður félagsskapur, vandað
hráefni og notalegt umhverfi. Af
öllu þessu er nóg á íslenskum
sumar kvöldum.
uppSKriFt Að góðri MArÍNEriNgu FrÁ HrEFNu róSu
Einföld og góð marínering.
Best á kjúkling, svínakjöt eða lamb:

200 ml sojasósa
100 ml hunang
4­hvítlauksrif­rifin
2­cm­rifin­engiferrót
4 msk. ólífuolía
Öllu blandað saman í skál. Þegar notuð er sojasósa þarf ekki
að salta kjötið og Hrefnu finnst maríneringin ekki þurfa að liggja
jafnlengi á kjötinu og ella væri ef til dæmis olía væri notuð sem
grunnur.
Á döfinni hjá Hrefnu Rósu er að opna nýjan stað, Grillmarkaðinn. Þess er að vænta
að þar verði jafn frum legir og bragðgóðir réttir og á Fiskmark aðnum.
Með þessari tilteknu maríner­
ingu vill Hrefna Rósa benda á
René Muré Gewurztraminer.
Þetta skemmtilega vín passar
mjög vel með krydduðum mat
að hennar sögn og á einkar vel
við þegar sojasósa eða engifer
er notað í matseldina ásamt
sterkum pipar.
Annað uppáhaldsvín hjá Hrefnu
Rósu er Intis Malbec frá Argen­
tínu. Af því er ríkulegt berja­
bragð en það á sérlega vel við
kryddaðan mat. Intis Malbec er
það milt að það dregur vel fram
bragðið af svínakjöti, kjúklingi
og steikum.
vel valið vín