Frjáls verslun - 01.04.2011, Blaðsíða 47

FRJÁLS VERSLUN 4.tbl.2011 47
nokkur Joly var á þessum árum að garfa í
frönskum spillingarmálum, einkum tengd­
um einkavæðingu sem Strauss­Kahn hafði
barist fyrir. Þetta var hið svokallaða Elf­
hneyksli og DSK sagði af sér árið 1999.
Hann var þó ekki dæmdur fyrir spill ingu
og komst aftur til áhrifa í flokki jafnaðar­
manna. Nú í ár þótti ljóst að þau Joly og
Strauss­Kahn mættust aftur í forsetakjöri að
ári; hann fyrir krata en hún fyrir græningja.
Hann hugðist fyrst bjóða sig fram til
for seta árið 2007 en varð að láta í minni
pok ann fyrir Segolene Royal við val á fram­
bjóð anda jafnaðarmanna. Síðan tapaði
Royal fyrir Sarkozy. Strauss­Kahn var
ósáttur við kosningabaráttu flokks síns og
leitaði nú út fyrir landið eftir frama. Hann
varð framkvæmdastjóri Alþjóða gjald eyris­
sjóðsins – AGS – haustið 2007 og sat þar til
19. maí 2011.
sterkur stjóri
Í þessu embætti naut Strauss­Kahn víð­
tæks stuðnings, líka meðal pólitískra and­
stæðinga sinna heima. Sagt er að Sarkozy
forseti hafi mælt með honum í embættið
einmitt til að losna við skæðan andstæðing.
Strauss­Kahn naut og stuðnings allra ríkja
ESB, Bandaríkjanna og Kína. En nú hafði
hann boðað til baráttu á heimavelli að nýju
fyrir forsetakosningar á næsta ári. Af því
verður varla.
Í hagfræði sinni þykir Strauss­Kahn
beggja blands. Hann er meiri velferðar sinni
en fyrirrennararnir hjá AGS en um leið
fylgis maður einkaframtaks og einka væð­
ingar. Kröfur hans til skuldugra ríkja hafa
því þótt mildari en áður var hjá AGS.
Áður var aðförum AGS í vanda skuldugra
oft líkt við hrossalækningar og kúrinn verri
en sjúkdómurinn. Núna eru allir sammála
um að hann hafi fylgt skynsamlegri stefnu í
starfi sínu sem sjóðstjóri og skilið hinn póli­
tíska vanda sem fylgir efnahagskreppu.
kvennabósi hinn mesti
Vandinn nú er að hagfræði Strauss­Kahn er
ekki lengur umræðuefnið. Það eru kvenna­
málin sem vekja yfirþyrmandi athygli mitt
í fjármálakreppu heimsins. Og um leið og
ein kona segir farir sínar ekki sléttar eftir
ástleitni stjórans koma fram aðar konur
með eldri sögur.
Alvarlegasta ásökunin kemur frá blaða­
konu að nafni Tristane Banon. Hún átti við
hann viðtal árið 2002 og segir að Strauss­
Kahn hafi reynt að nauðg0a sér. Sagan varð
alkunn þá en Banon kærði ekki. Það varð
Strauss­Kahn til happs. Hún mun þó íhuga
að kæra nú.
Þetta er ekki allt. Árið 2008 fól stjórn AGS
sérstakri rannsóknarnefnd að kanna hvað
væri hæft í ásökunum um að Strauss­Kahn
héldi við Pirosku Nagy, konu þar á skrif stof­
unni í Washington og þá eiginkonu hag fræð­
ingsins Mario Blejer. Nagy sagði að Strauss­
Kahn hefði mis notað valdastöðu sína og
leitt sig nauðuga viljuga út í ástarsamband.
Síðar útvegaði Strauss­Kahn henni nýja
vinnu. Það fylgir með í hinni frönsku
karlímynd að reynast ástkonum sínum vel.
En nefndin komst að þeirri niðurstöðu
að dómgreind Strauss­Kahn hefði brugðist
í samskiptum við Nagy, óbreyttan starfs­
mann. Honum hefði orðið á en væri samt
ekki sekur um kynferðislega misnotkun eða
að hafa notað sér áhrifastöðu sína til að kom­
ast yfir konuna. Strauss­Kahn var því ekki
vikið út embætti. En hurð skall nærri hælum.
Þerna og nakinn maður í sturtu
Síðan gerist það um hábjartan dag 14. maí
að 32 ára gömul herbergisþerna kemur inn
á herbergi Strauss­Kahn á Sofitel­lúxus ­
hó t el inu í New York og hittir AGS­stjórann
þar fyrir nakinn á leið úr sturtu. Honum
halda engin bönd. Þernan segir að hann
hafi neytt hana í munngælur og síðan reynt
að nauðga henni. Hún slapp þó út áður en
verra hlaust af.
Upptökur úr öryggismyndavélum sýna
að Strauss­Kahn fór af hótelinu í flýti
klukk an 12.29. Á sama tíma lýsti þernan
því fyrir yfirmanni sínum að Strauss­Kahn
hefði reynt að nauðga sér. Þó leið klukku­
stund áður en lögregla var kölluð til og þá
var Strauss­Kahn löngu farinn.
Þremur tímum síðar hringdi Strauss­
Kahn á hótelið og bað um að farsíma, sem
hann gleymdi þar, yrði komið til hans á
John F. Kennedy­flugvöll. Hann biði eftir
flugi 32 með Air France til Parísar.
Þessar upplýsingar urðu Strauss­Kahn að
falli því lögreglan fór á staðinn og hand­
tók hann áður en flugvélin lagði af stað
til Parísar. Sagan um farsímann styður
sakleysi Strauss­Kahn. Hefði sekur maður
á flótta hringt á hótelið og sagt hvar hann
væri að finna?
vinur og félagi Clintons
En þegar löggan kom á staðinn féll einn
af áhrifamestu mönnum heims af stalli
sín um og mynd hins glaðbeitta leiðtoga
var skipt út fyrir mynd af þreyttum og
órökuðum fanga. Núna er það orðið sport
eigenda hóruhúsa að segja frá fyrri við­
skiptum við karl. Hann á að hafa keypt
sér kynlífsþjónustu við ýmis tækifæri,
m.a. í New York árið 2006. Þá var hann í
heimsókn hjá Bill Clinton. Það eru tveir
hæfileikamenn með sama veikleika.
Strauss­Kahn hefur alltaf verið veikur
fyrir hinu ljúfa lífi. Hann klæðist – eða
klædd ist – dýrum fötum og bjó, ef hann gat
valið næturstað sjálfur, á dýrum hótelum.
Hann heldur heimili í Washington, París og
Marrakesh í Marokkó. Vinur hinna fátæku
veður í peningum.
Hann hefur ekkert gert til að eyða ímynd
kvennabósans. Kvensemi er heldur ekki
talin há mönnum í frönskum stjórnmálum.
En samt eru takmörk og þau eru önnur í
Bandaríkjunum en í Frakklandi en hvergi
eru nauðganir taldar afsakanlegar.
samsæri illra afla
Strauss­Kahn segir að um samsæri sé að
ræða; að lögð hafi verið fyrir sig gildra og
herbergisþernan sé handbendi óvinveittra
afla. Á því byggist vörn hans en er lítið
sann færandi, nema ný sannindi komi í ljós.
Hann segist hafa snætt hádegismat með
dóttur sinni þegar þernan segist hafa mætt
honum allsberum. Tekur dómari mark á
því sem dóttir manns segir?
Enn vantar líka innihaldið í samsæris kenn­
i nguna. Hverjum var svo illa við DSK að hann
gerði fátæka blökkukonu út af örkinni til að
tæla AGS­stjórann? Því er ósvarað.
Hvað verður þá um manninn sem búið
er að niðurlægja frammi fyrir heims byggð­
inni? Á hann sér uppreisn æru? Banda­
ríkjamenn ganga augljóslega harðar fram
í þessum málum en Evrópubúar og þá
sérstaklega kaþólskir Suður­Evrópubúar.
góður félagsskapur en umdeildur
Al Gore, ekki Bandaríkjaforseti, féll í ónáð
við það eitt að klípa einu sinni í rassinn á
þernu. Silvio Berlusconi hefur um árabil
klipið í alla kvenrassa sem hann hefur
séð og það er nú fyrst farið að há honum.
Francois Mitterrand Frakklandsforseti hélt
ástkonu að sið heldrimanna og enginn fann
að því, ekki neinu sinni forsetafrúin.
Meira að segja Karl Gústaf Svíakonugur
heldur framhjá. Og sjálfur Arnold Schwarz­
e negger, maðurinn sem upprætir illgresið
í mannheimum, hefur sáð um sig og það
borið ávöxt. Hvernig á að dæma í svona
málum? Eftir bandarískum lögum: Sekur.
Eftir meðaltali laga allra annarra þjóða:
Hálfsekur og ætti að skammast sín. Eftir
frönskum lögum: Kjarkmaður DSK.
Sjálfur finnur hann ekki til sektar og þó
ætlaði hann á konuna.
Time fjallaði nýlega um breyskleika valdamanna.
Al Gore. Arnold Schwarzenegger. Tiger Woods. Silvio Berlusconi.