Frjáls verslun - 01.04.2011, Blaðsíða 41

FRJÁLS VERSLUN 4.tbl.2011 41
Gæti velt sjálfum sér af stóli
Skipti eru svokallað samstæðufélag; félag
sem umfram hefðbundin eignarhaldsfélög
stendur fyrir umtalsverðri starfsemi sjálft
fyrir dótturfélög sín. Það á við um bókhald,
mannahald og stjórnun. Þarna starfa núna
um hundrað manns hjá móðurfélaginu en
helstu eignir eru Síminn, Míla og Skjárinn.
Verkefni Steins Loga er
endurskipulagning – bæði fjárhagslega og
stjórnunarlega – á þessari samstæðu. Hann
á að koma „langtímaskipan á fjármálin“
eins og hann orðar það.
Steinn Logi kom til félagsins í vor og segir
að svo geti farið að hann skipuleggi sjálfan
sig út úr vinnunni. „Ég útiloka ekkert í því
sambandi,“ segir hann. „Mín vinna hér er
rétt að hefjast og allir möguleikar eru uppi
á borðinu, líka sá að Skipti hverfi sem
fyrir tæki.“ Skipti eru enn í eigu Exista, sem
var fjárfestingafélag þeirra Ágústs og Lýðs
Guðmundssona – Bakkabræðra. Það félag
er nú í eigu kröfuhafa þar sem Arion banki
er stór ásamt erlendum lánardrottnum.
Þetta er bú sem ekki er búið að gera upp og
enn ekki vitað hvað verður um einstakar
eignir.
ráðGjöf í fyrirtækjum
Steinn Logi kom til Skipta frá eigin ráð­
gjaf ar fyrirtæki auk þess sem hann sat og
situr í stjórn nokkurra fyrirtækja. Nú síðast
var aðalverkefnið að búa Haga hf. undir
skráningu á markað og sölu. Hann var
stjórnarformaður Haga, sem rekur versl­
anir Bónuss. Hann lét þar af af störf um
þegar nýir eigendur tóku við og kusu sér
stjórn. Vinnu Steins Loga fyrir Haga var
lokið.
Nú eru það Skipti og þar er verkefnið fjár­
hagsleg endurskipulagning og að skerpa
fókusinn aftur á gömlu kjarnastarfsemina
sem er fjarskiptamarkaðurinn á Íslandi
ásamt tengdri starfsemi.
Til að sinna þessum verkum þarf þekk­
ingu á rekstri og stjórnunarhæfileika.
„Í raun og veru fjallar þetta alltaf um þrjú
atriði; kostnað, tekjur og fólk,“ segir Steinn
Logi. „Það skiptir ekki meginmáli á hvaða
sviði fyrirtækið starfar, reikningsdæmið er
alltaf líkt og hin mannlegu samskipti alltaf
áþekk.“
fluGleiðamaður
Lengi vel var Steinn Logi einn af lykil­
starfs mönnum Flugleiða. Fram kvæmda ­
stjóri markaðs­ og sölusviðs þar og af
mörg um talinn líklegur arftaki Sigurðar
Helga sonar yngri á forstjórastóli. Hann var
hand genginn Sigurði allt frá námsárum við
Columbia­viðskiptaháskólann í New York.
Þar tók hann MBA­gráðu árið 1985. Félagið
skipti hins vegar um eigendur árið 2005 og
nýir eigendur vildu að annað fólk tæki við
stjórninni.
„Ég kynntist Sigurði fyrst þegar hann var
yfir söluskrifstofunni í Bandaríkjunum,“
segir Steinn Logi. „Þá tók ég að mér verk­
efni fyrir hann meðan ég var enn í námi og
síðar fór svo að ég réðst til Flugleiða eftir
að hann var orðinn forstjóri.“
Hjá Flugleiðum starfaði Steinn Logi á
Íslandi, í Bandaríkjunum og Þýskalandi og
vann að því að byggja félagið upp sem al­
hliða fyrirtæki í ferðaþjónustu en ekki bara
flugi.
„Ég hef aldrei verið haldinn flugdellu og
leit á mig sem stjórnanda og markaðsmann
hjá félaginu,“ segir Steinn Logi. Hann
skipu lagði kynningarmálin og er að sögn
kunnugra „meistari markaðsherferðanna“.
Þetta kom meðal annars fram hjá Húsa­
smiðjunni, sem Steinn Logi stýrði eftir að
hann hætti í fluginu.
Hann var þó ekki alveg hættur að fjalla
um flug. Nú í vor hefur hann unnið að því
ásamt öðrum að selja kauprétt Ice land ­
air á þremur þotum af gerðinni Boeing
Dreamliner. Hann neitar því ekki að þessi
þotukaup hafi „verið út í bláinn“ að því
leyti að vélar af þessari gerð gátu ekki
fallið að rekstri Icelandair. Hins vegar þró­
uðust mál þannig að kauprétturinn varð
verðmætur í sjálfu sér og hægt að selja
hann með hagnaði.
áætlanaGerð oG aGi
En verkefni næstu missera verður á allt öðru
sviði en bæði flug og sala á byggingar vöru.
Fjarskiptatækni er enn nýtt svið.
Steinn Logi segir að vissulega verði stjórn ­
andi að hafa vit á þeirri tækni sem fyrir tækið
er byggt á. Stjórinn verður að ein hverju
marki að þekkja tæknina og setja sig inn
í það sem er að gerast í greininni. Hvað
varðar Skipti er þróunin ör í notkun snjall­
síma og lesbretta. Nýjar kynslóðir farsíma
eru að koma á markað.
„Starf stjórnanda fjallar samt ekki bara
um tæknina,“ segir Steinn Logi. „Lykil orð­
in eru áætlunargerð og agi. Menn verða
að gera sér skýra grein fyrir því hvert þeir
stefna, vera búnir undir áföll og hafa aga til
að komast að settu marki.“
á ferð yfir ísinn
Hann líkir starfi leiðtogans við ferð yfir
ísilagðan fjörð þar sem ísinn er ótryggur.
(Líkinguna sækir hann til dvalar sinnar í
sveit við Hrútafjörð á hafísárunum miklu
rétt fyrir 1970.)
Steinn Logi spyr: „Á stjórnandinn að
horfa niður fyrir sig og reyna að komast yfir
fjörðinn með því að krækja fyrir allar vakir?
Eða á hann að fylgja leiðarstjörnu, horfa
á markmiðið handan fjarðar og taka þá
áhættu að vökna í einhverri af vök un um?“
Hann segir að ef fyrri aðferðin sé valin
sé hætta á að menn komist aldrei yfir og
séu bara á eilífu hringsóli um ísinn. Hann
vill því heldur taka áhættuna á að vökna
á leiðinni að settu marki. Kosturinn er
líka sá að allir hinir í ferðinni geta horft á
stjörnuna og vita hvert þeir eru að fara.
„Ég held að sama aðferð eigi við í öllum
atvinnugreinum,“ segir Steinn Logi. „Það
er áætlanagerð, greining á aðstæðum og að
reyna að átta sig á hvernig veður geta orðið
á leiðinni að settu marki. Ég er enginn
flugdellumaður og enginn sérfræðingur í
húsasmíði en ég get sett mig inn í þau mál
sem ég þarf að fjalla um.“
reynsluleysi útrásarvíkinGa
Og Steinn Logi þekkir til atvinnurekstrar á
Íslandi á mestu útrásartímum og í krepp­
unni á eftir. Hann kennir reynsluleysi
um ofvöxtinn sem hljóp í atvinnulífið á
útrásartímanum.
Ungir menn sem aldrei höfðu upplifað
niðursveiflu eða skort komust yfir ómælt
erlent lánsfé. Það var uppsveifla og menn
drógu þá ályktun að allt sem þeir snertu yrði
að gulli. Því meiri áhætta, því meira gull.
„Síminn leiddist út í þessa útrás líka og
keypti upp fyrirtæki bæði á Bret lands eyj­
um og í Skandinavíu,“ segir Steinn Logi.
„Ég er ekki á því að þessi kaup hafi verið
flopp en allar forsendur brustu þegar gengi
króunnar féll en skuldirnar í erlendri mynt.
Þetta er það sem við verðum að vinda ofan
af núna og við það starf getur allt gerst. Ef
til vill verður ekki pláss fyrir mig hér að
því loknu.“
„Ég er enginn flug-
dellumaður og eng-
inn sérfræðingur í
húsasmíði en ég get
sett mig inn í þau
mál sem ég þarf að
fjalla um.“
„Mín vinna hér er
rétt að hefjast og allir
möguleikar eru uppi
á borðinu, líka sá
að Skipti hverfi sem
fyrirtæki.“