Frjáls verslun - 01.02.2010, Qupperneq 28

28 F R J Á L S V E R S L U N • 2 . T B L . 2 0 1 0
Forsíðu grein línudans stjórnarinnar
NEI merkir að þjóðin vill ekki greiða 40 milljarða króna í vexti á ári sjö fyrstu árin, um 300 milljarða, auk 700 milljarða höfuðstóls. Lánið sem Bretar og Hollendingar
vilja þröngva upp á okkur (og þeir greiddu óumbeðnir Icesave-inn-
stæðueigendum ytra) er 3,9 milljarðar evra á 14 árum með 5,5%
vöxtum. Ábyrgðarpakki upp á næstum 1.000 milljarða króna. Öll
ábyrgðin okkar. Okkar að taka ábyrgðina á því hvað fæst út úr
Landsbankanum. Engir dómstólar. Fjármálaeftirlit í Bretlandi og
Hollandi stikkfrí. Fjármagnseigendur ytra sem voru með græðgis-
glampa í augum og lögðu inn á Icesave í von um gull og græna
skóga bera enga ábyrgð. Þeir eru með allt sitt á þurru í alþjóðlegu
bankahruni. Annars fengi þjóðin að kenna á því og henni sagt að
skrúfað yrði fyrir lán til landsins með aðstoð Alþjóðagjaldeyrissjóðs-
ins. Þetta voru lögin sem Alþingi keyrði í gegn 30. desember. Allt
skattborgurum á Íslandi að kenna. Þjóðin kaus og sagði: Nei, takk,
þetta er of mikið af því góða. Nei merkir að þjóðin vill standa við
eigin skuldbindingar en ekki skuldbindingar annarra. Nei-ið merkir
alls ekki að þjóðin segi nei en ætli samt að greiða allt saman eftir
sem áður. „Hvers vegna
sagði þjóðin
NEI?“
nEi!