Frjáls verslun - 01.02.2010, Page 30

30 F R J Á L S V E R S L U N • 2 . T B L . 2 0 1 0
Forsíðu grein línudans stjórnarinnar
mörgum fannst Steingrímur sýna af sér ótrúlegan hroka á fundi Samtaka atvinnulífsins þegar hann bað nokkra fundarmenn að standa upp, menn sem hefðu gagnrýnt
stjórnvöld. Hann benti sérstaklega á Helga Magnússon, formann
Samtaka iðnaðarins, sem varð við ósk fjármálaráðherra og stóð upp.
Steingrímur ávarpaði þá salinn og notaði þriðju persónuna um Helga.
„Helgi er hár og myndarlegur maður en hann mætti stundum gæta
orða sinna, eins og að saka einn
stjórnmálamann um að vera á
móti hagvexti.“ Hann átti þarna
við gagnrýni Helga á Svandísi
Svavarsdóttur umhverfisráðherra
fyrir ákvarðanir hennar í tengslum
við Suðvesturlínu og stóriðjufram-
kvæmdir á suðvesturhorninu.
jóhanna forsætisráðherra sagðist á síðastliðnu ári vilja sjá stýri-vexti á Íslandi komna niður í 2 til 3% fyrir síðustu áramót. Það er langt frá því að þetta hafi gengið eftir. Frjáls verslun hefur
haft það sem sitt helsta baráttumál frá hruninu að stýrivextir verði
lækkaðir niður úr öllu valdi á Íslandi, helst niður í um 1% eins og er í
Bretlandi og Bandaríkjunum. Það verður að lækka vaxtakostnað fólks
og fyrirtækja í hörðustu kreppu í heimi.
Már Guðmundsson seðlabankastjóri sagði í aðdraganda Icesave
að ekki væri hægt að lækka stýrivexti ef þjóðin samþykkti ekki
Icesave. Þá er vitað Alþjóðagjaldeyrissjóðurinn er tregur til að lækka
stýrivextina. Á Íslandi er fyrst og fremst kostnaðarverðbólga en ekki
eftirspurnarverðbólga. Kreppa en ekki þensla. Háir vextir gera því
illt verra og fara beint út í kostnaðinn. Fyrirtækin hafa ekki efni á
að fara í framkvæmdir sem auka störf. Það er rangt að mati Frjálsrar
verslunar að ekki sé hægt að lækka vexti vegna verðbólgu sem telst
kostnaðarverðbólga.
Hvers vegna er ekki hægt að lækka stýrivexti og leyfa svo öðrum
vöxtum að ráðast á markaði – ef það er málið? Hvers vegna er ekki
hægt að lækka stýrivexti niður úr öllu valdi og nota tækifærið þegar
hér ríkja hörð gjaldeyrishöft? Hvað ætlar Már eiginlega að gera þegar
hann afnemur gjaldeyrishöftin og fjármagnið byrjar að streyma af
innstæðureikningum Íslendinga í bönkunum hér heima út til Evrópu
í sterka gjaldmiðla? Mestu mistök Seðlbankans síðasta áratuginn var
að dúndra stýrivöxtunum upp til að halda gengi krónunnar sterku
og draga hingað til lands svonefnd krónubréf. Auðvitað á að lækka
stýrivexti niður úr öllu valdi.
hroki stEingríms
„Ég sé Helga Magg
þarna. Helgi
stattu upp!“
„Hvað er málið
með hann Má?“
Helgi Magnússon.