Frjáls verslun - 01.02.2010, Page 35

F R J Á L S V E R S L U N • 2 . T B L . 2 0 1 0 35
Engin lán hafa fengið eins mikla umræðu og lán Alþjóðagjald-eyrissjóðsins og lánin frá frændum vorum á Norðurlönd-unum. Þau nema samtals um 600 milljörðum króna. Þessi lán
hafa verið spyrt saman – og skilyrði fyrir þeim er að Íslendingar taki
á sig byrðar vegna Icesave; byrðar sem nema a.m.k. 300 milljörðum í
vöxtum og ábyrgð á höfuðstól Icesave upp á 700 milljarða króna en
Landsbankanum er að vísu ætlað að greiða þann höfuðstól en óvíst
er hvort eignir hans hrökkvi til þess. Ef Icesave er skilyrðið fyrir lán-
unum má reikna það sem fjármagnskostnað og þá sést að AGS-lánið
og lánin frá Norðurlöndunum eru dýrustu lán Íslandssögunnar.
En í hvað á að nota þessi 600 milljarða króna lán frá AGS og Norð-
urlöndunum? Það var strax gefið út að AGS-lánið færi ekki í fram-
kvæmdir heldur eingöngu í gjaldeyrisvarasjóðinn. Fróðlegt verður að
sjá hvernig gjaldeyrisvaraforðanum reiðir af þegar gjaldeyrishöftin
verða afnumin. Þá hefur verið rætt um að lánin frá Norðurlöndunum
fari í að styrkja gjaldeyrisvaraforðann og eiga fyrir endurfjármögnun
stórra erlendra lána sem falla á gjalddaga á næsta ári.
Ríkissjóður þarf á lánum að halda til til að mæta áframhaldandi
fjárlagahalla en hann verður um 100 milljarðar á þessu ári og nemur
vaxtakostnaður vegna skulda ríkisins jafnhárri fjárhæð, eða um 100
milljörðum á ári. Vextirnir taka því í. Þá stóð til að lánin frá Norð-
urlöndunum yrðu notuð til að greiða fyrstu vaxtaafborganirnar af
Icesave-láninu.
ALÞJÓÐAGJALDEYRISSJÓÐURINN
„Hvað með
fjárlagahallann?“
„Í hvað fer
AGS-lánið?“