Frjáls verslun - 01.02.2010, Page 38

38 F R J Á L S V E R S L U N • 2 . T B L . 2 0 1 0
forsíðu grein Línudans stjórnarinnar
Steingrímur J. hefur verið einn þeirra sem ljáð hefur máls á að verðtryggingin verði afnumin. Hann hefur lítið kom-ist áleiðis í þeim efnum í núverandi stjórnarsamstarfi.
Jóhanna Sigurðardóttir og Gylfi Magnússon eru í prinsippinu á
móti afnámi verðtryggingar og segja að óverðtryggðir vextir hækki
þá bara í staðinn. Gylfi hefur sagt það „glapræði við núverandi
aðstæður“ að afnema verðtrygginguna.
Frjáls verslun hefur margoft bent á að það sé góð leið að festa
vísitölu neysluverðs í lánasamningum þannig að t.d. verðhækkanir
ríkisstjórnarinnar fari ekki beint út í verðlagið. Ennfremur höfum
við sagt að til greina gæti komið að setja hámark á hækkun vísitöl-
unnar í lánasamningum, t.d. 2% á ári.
Það hefur hins vegar engan tilgang að afnema verðtrygginguna
ef óverðtryggðir vextir verða þá hækkaðir í staðinn upp í 20% og
verðtryggingunni náð inn bakdyramegin.
Gylfi hefur margoft sagt að verðtryggingin sé ekki vandamálið
heldur verðbólgan. Verðtryggingin er augljóslega vandamál þeirra
sem skulda og stuðlar að hærri fjármagnskostnaði þeirra.
Verðtrygging og háir vextir á Íslandi eru svo hamlandi að það er engu lagi líkt. Jóhanna Sigurðardóttir hefur sagt að það sé glapræði fyrir sparifjáreigendur og lífeyr-
issjóði ef verðtrygging verði afnumin. Á móti má spyrja hvort
sparifjáreigendum og lífeyrissjóðum á Íslandi finnist eðlilegt
að þeir fái háa raunvexti og þess utan verðtryggingu þegar
atvinnulífið og heimilin eru í frosti. Sparifjáreigendur lifa ekki
í vakúmpökkuðum heimi.
Hvernig má það vera að þjóð, sem er með verstu kreppu
í heimi sé með hæstu vexti í heimi – og þess utan verðtrygg-
ingu sem tryggir sparifjáreigendur og lífeyrissjóðina í botn á
sama tíma og allt annað hefur hrunið: laun lækkað, atvinna
minnkað, íbúðaverð hrunið, hlutabréf hrunið og margir lántak-
endur að þrotum komnir vegna fjármagnskostnaðar?
Frjáls verslun hefur margsinnis spurt að því hvers vegna fjár-
magnseigendur einir stétta eigi að hafa allt sitt á þurru. Hvers
vegna eiga fjármagns- og sparifjáreigendur ekki að bera byrð-
arnar tímabundið líka?
Í VAKÚMPÖKKUÐUM HEIMI
„Ég vil verð-
trygginguna
í burtu.“
„Er svona fyrir
okkur komið?.“