Frjáls verslun - 01.02.2010, Síða 48

48 F R J Á L S V E R S L U N • 2 . T B L . 2 0 1 0
n æ r m y n d a F G u ð B j Ö r G u m a t t H í a s d ó t t u r
Ísfélag Vestmannaeyja er með mikinn kvóta og í 50. sæti
yfir stærstu fyrirtæki landsins. Það er fjórða stærsta fyrir-
tækið í sjávarútvegi á Íslandi á eftir Samherja, HB Granda
og Síldarvinnslunni, samkvæmt lista Frjálsrar verslunar, 300
stærstu.
Guðbjörg er því hugsanlega umsvifameiri í útgerð og
vinnslu en Einar „ríki“ var á sínum tíma. Hún stundar sjálf
sín viðskipti með sonum sínum og nokkrum umtöluðum
ráðgjöfum, en þar fer Gunnlaugur Sævar Gunnlaugsson
fremstur í flokki.
kennarinn tók við stjórninni
Eiginmaður Guðbjargar, Sigurður heitinn Einarsson, lést
langt um aldur fram árið 2000. Fram að því var Guðbjörg
kennari í Eyjum en hætti því starfi til að taka við fyrirtæk-
inu.
Guðbjörg kenndi í Eyjum í 24 ár. Hún var vel liðinn
kennari og kom ekki að því er virtist nærri viðskiptum
manns síns meðan hann var á lífi. Og þó. Heimildarmenn
okkar segja að hún haft meira að segja um reksturinn en
margur hafi haldið.
„Ég veit að Sigurður bar allt undir Guðbjörgu. Hún var
alltaf með í ráðum,“ segir Ómar Garðarsson hjá Eyjafréttum
og einn úr vinahópi Sigurðar heitins. Hún tók því ekki við
rekstrinum ókunnug með öllu árið 2000.
Forðast sviðsljósið
Ómar og aðrir Eyjamenn lýsa Guðbjörgu sem afskaplega
blátt áfram konu, jarðbundinni og ekki fyrir að láta á sér
bera.
Óskar Pétur Friðriksson, fyrrum sjómaður á skipum
fyrirtækisins, orðar það svo að Guðbjörg vilji helst standa
við hliðina á sviðsljósunum. Hún forðast heldur mynda-
vélar og talar ekki úr ræðustóli á fundum. Samt segir Óskar
að hún sé mikil félagsmálamanneskja.
„Hún er alls ekki feimin en mjög alþýðleg í allri fram-
komu og síst af öllu mannafæla. En hún tranar sér ekki
fram,“ segir Óskar.
„Guðbjörg er sjálfstæðiskona, mikil sjálfstæðiskona, en
hún heldur ekki ræður á stórum fundum og boðar engum
stefnuna. Hún er í kosningakaffinu og vinnur á fullu í kosn-
ingabaráttunni á bak við tjöldin,“ segir flokksbróðirinn
Óskar.
Og Óskar getur staðfest þá sögu að hún hafi farið heim
með dúkana og þvegið þá sjálf eftir síðasta kosningakaffi.
Guðbjörg var formaður Sjálfstæðiskvennafélagsins í Eyjum.
„Hún vildi spara félaginu nokkra þúsundkalla vegna
þvotta á dúkunum. Hún er bara svona,“ segir Óskar.
Heldur heimili á tveimur stöðum
Þessi saga um dúkana er raunar allt sem er að hafa af sér-
kennilegum sögum af Guðbjörgu. Eyjamenn segja að
sjaldan sé um hana rætt og miklu síður en aðra áberandi
Eyjamenn. Málið vegna bréfanna í Glitni hafi til dæmis ekki
orðið að sérstöku umræðuefni
„Hún er bara af þessum gamla skóla auðmanna sem ekki
vill berast á og hún fer ekki um með látum. Það ber síst að
vanmeta,“ segir Ómar.
Guðbjörg heldur heimili á tveimur stöðum, bæði í Eyjum
og í Reykjavík vegna þess að yngstu synirnir eru í námi.
Eignir í verðbréfum
og hlutafélögum
Guðbjörg matthíasdóttir
Fram ehf.
ÍV Fjárfestingar ehf
Kristinn ehf. Ísfélag Vestmannaeyja
82%100%
100%
eigið fé í árslok 2008 (-2,6 milljarðar)eigið fé í árslok 2008: 11,5 milljarðar