Frjáls verslun - 01.02.2010, Page 56

56 F R J Á L S V E R S L U N • 2 . T B L . 2 0 1 0
S t J ó r n u n
H
runið á fjármálamörkuðum heimsins árin 2008/2009
hefur leitt til vakningar á sviði Rekstrarstjórnunar.
Fyrirtæki beita í auknum mæli aðferðum Rekstr-
arstjórnunar til að auka framleiðni, lækka kostnað og
efla ferlastjórnun. Á kreppu-
tímum verður stjórnendum ljósara en áður
að hagnaður er til staðar í fyrirtækjum og
með aðferðum Rekstrarstjórnunar er hægt
að sækja hann,“ segir Marc Sachon, próf-
essor í Operations Management í MBA-
námi við HR og ráðgjafi fjölda fyrirtækja
um allan heim.
Sömu viðhorf koma fram í yfirskrift
viðtals við Hilmar V. Pétursson hjá CCP og
Jón Sigurðsson hjá Össuri í Markaðnum 30.
desember 2009 sem ber heitið „Ár rekstr-
arstjóranna er runnið upp.“
Eins og kemur fram hjá Marc Sachon
hér að ofan hefur í kjölfar niðursveiflunnar,
sem hófst 2008, vaknað áhugi meðal stjórn-
enda fyrirtækja á því að ná betri árangri í
rekstrar- og ferlastjórnun og lækka kostnað,
bæta rekstrarárangur auk þess að ná auknum
afköstum og árangri.
Sé miðað við lykiltölur frá Bandaríkj-
unum má gera ráð fyrir að fjármunir bundnir
í vörubirgðum í landinu séu um 600 milljarðar króna. Óhætt er að
áætla að vaxta- og birgðahaldskostnaður þessara birgða sé um 200
milljarðar króna á ári eða 30-35% af verðmæti vörubirgðanna, sem
eru þekkt hlutföll hjá framleiðslu- og verslunarfyrirtækjum. Það
er einnig staðreynd að um helmingur lausafjárbindingar („work-
ing capital“) er bundinn í vörubirgðum eða vörum í vinnslu.
Fyrir hverjar 100 milljónir sem birgðirnar minnka sparast um 30
milljónir króna í kostnaði. Þessi gríðarlega
fjárbinding dregur úr arðsemi fyrirtækja og
eykur fjármagnsþörf þeirra að óþörfu. Þýð-
ing góðrar birgðastýringar hefur enn meira
vægi þar sem fjármagnskostnaður er hár
eins og á Íslandi, auk þess sem strjálbýlið á
Íslandi gerir þennan kostnað hærri en hjá
þéttbýlli þjóðum. Fjöldi íslenskra fyrirtækja
leggja áherslu á rekstrarstjórnun og hafa
með því náð góðum árangri, m.a. má nefna
Marel, Össur og álverin.
Rekstrarstjórnun eykur samkeppn-
ishæfni fyrirtækja þar sem meðal annars
er tekið á lækkun kostnaðar, endurhönnun
vinnuferla, aukningu á þjónustustigi,
bættu upplýsingaflæði, birgðamálum,
stjórnun ferla og framleiðslu, vöruflæði
og þjónustu, aðfanga- og vörudreifingu.
Áhersla er lögð á lækkun kostnaðar, auk-
inn viðbragðsflýti, meiri aðlögunarhæfni,
betri nýtingu mannafla sem og fjárfestinga
og minnkun fjárbindingar. Samkeppni
fyrirtækja snýst víða um að hafa samstilltari aðfangakeðju
(synchronized supply chain) sem skilar hámarksþjónustu með
lágmarkskostnaði.
Ár rekstrarstjóranna er runnið upp. Nú skiptir öllu að reka fyrirtækin vel.
Lækka kostnaðinn, endurhanna verkferla og einbeita sér að bestu viðskiptavinunum.
Það er ástæða fyrir því að í kínversku er notað sama táknið fyrir kreppu og tækifæri.
Kínverjar vita að í öllum þrengingum felast tækifæri til að gera hlutina á nýjan hátt.
Það felast tækifæri í kreppunni!
leiðin út úr
kreppunni?
REKStRARStJóRNUN:
Sé miðað við lykiltölur frá
Bandaríkjunum má gera ráð
fyrir að fjármunir bundnir í
vörubirgðum í landinu séu
um 600 milljarðar króna.
óhætt er að áætla að vaxta-
og birgðahaldskostnaður
þessara birgða sé um
200 milljarðar króna
á ári eða 30-35% af
verðmæti vörubirgðanna
sem eru þekkt hlutföll
hjá framleiðslu- og
verslunarfyrirtækjum.
tExtI: thomas mÖller OG kristján m. ólafsson • MYNd: geir ólafsson